PA'JARIANG 24:27 - KITTA' MATANGKASA'

²⁷ Nakana, “Nipujimi Batara, Allata'alana karaengku Abraham. Ma'nassa akkana sitappa' tojengi Batara siagang baji' pa'maiki mae ri karaengku Abraham. KalenNa ampimpinga' tulusu' mae ri bija pammanakanna.”

PA'JARIANG 24:27 ပူးပေါင်းရင်းမြစ်များ

PA'JARIANG 13:8

Nakanamo Abram ri Lot, “Ikatte anne tau sibijaki'. Tabajikai punna a'besere' taunnu siagang taungku.

PA'JARIANG 14:20

Nipujimi Allata'ala Kaminang Tinggia, assareako pammetang mae ri musunnu.” Le'baki anjo napassareammi Abram mange ri Melkisedek bage sampulona sikontu anjo barang le'baka nirampasa' nanaalle naerang ammotere'.

PA'JARIANG 24:12

Appala' doammi anjo suroa angkana, “O, Batara, Allata'alana karaengku Abraham, Kitulunga' sollanna akkulle kupa'jari baji' tugasakku anne alloa; baji' pa'mai' laloKi' mae ri karaengku Abraham.

PA'JARIANG 24:21

Na ilalang kammana anjo naparhatikammi surona Abraham anjo tuloloa, tamakkana-kanaya manna sibuku kana. Eroki naasseng angkanaya maka lanitulungi ri Batara untu' ampa'le'baki anjo tugasa'na yareka tena.

PA'JARIANG 24:4

Musti ammoterekko mange ri pa'rasangang kalassukangku untu' ampa'boyangi baine, iamintu battu ri alla'na bija pammanakangku.”

PA'JARIANG 24:42

Na ri wattungku battu sumpadeng ri bungunga, appala' doamma' lalang ri pa'maikku, angkana, ‘O, Batara, Allata'alana karaengku Abraham, Kitulunga' sollanna akkulle kupa'jari baji' tugasakku.

PA'JARIANG 24:48

Su'ju'ma' anynyomba siagang mammuji ri Batara, Allata'alana karaengku Abraham. Iami ampimpinga' tulusu' mae anrinni, ri bija pammanakanna sari'battanna karaengku, sa'genna akkulle kubuntulu' anne tuloloa untu' ana'na.

PA'JARIANG 32:10

Tena kusiratang langgappai pangngamaseanTa siagang tamamminraTa ri pa'mai' ia le'baka Kipa'butti mae ri nakke. Ri wattungku a'lampa allimbangi Binanga Yordan, tena apa-apa kuerang pantaranganna takkang. Kamma-kamma anne battuma' ammotere' lalang anne ruaya pammantangngang.

PA'JARIANG 32:11

Kupala' dudui ri Katte, pasalamaka' battu ri daengku Esau. Mallaka' gassingka battui mae untu' ambundukia' siagang angngancurukka' sipa'gangngang, kammayatompa bai'-bainea siagang ana'-anaka.

PA'JARIANG 9:26

Nipujimi Batara, Allata'alana Sem! Kanaan la'jari atai mae ri Sem.

2 SAMUEL 18:28

Akkio'mi Ahimaas a'bari sallang ri karaenga, nampa su'ju' siagang nakana, “Nipujimi arenNa Karaeng Allata'alata, le'baka ampassareangi mae ri katte sikamma tau angngewaya mae ri katte!”

PAMMUJI 100:5

Saba' bajiki Batara; sa'genna satunggu-tungguna pangngamaseanNa, nyawa tamamminraNa sa'genna sikontu turungang.

PAMMUJI 68:19

Naiki Batara ri tampa' tinggia; jai tunitahang Naerang. Annarimai passare battu ri alla'na rupataua ba'lalo battu ri alla'na tau mangngewaya ri Ia; sollanna ammantang ke'nanga assipammantangngang Karaeng Allata'ala.

PAMMUJI 98:3

Nau'rangi pangngamaseanNa siagang pa'mai' tamamminraNa mae ri Israel umma'Na. Sikontu bansaya ri lino nacini'mi pammetanNa Allata'alata.

KALAPPASSANG 18:10

siagang nakanamo, “Nipujimi Batara le'baka ampasalamakko battu ri limanna Karaeng Mesir siagang ra'ya'na. Nipujimi Batara le'baka allappassangi bansa Israel battu ri nipare' ataya.

KALAPPASSANG 2:11

Wattunna lompomo Musa, a'lampai mange angngagangi sicini' tu a'julu bansana. Nacini'mi antekamma batena nipassa ke'nanga anggaukangi jama-jamang battalaka. Nacini' tommi nia' sitau tu Mesir ammuno sitau tu Ibrani.

KALAPPASSANG 2:13

Ammukona bari'basa' a'lampami pole Musa. Nampa nia'mo nacini' rua tu Ibrani sitabang assiba'ji. Akkuta'nammi Musa ri kalase'renna, iamintu salaya, angkana, “Angngapa nanuba'ji agannu?”

KALAPPASSANG 34:6

Nampa allalomo Batara ri dallekanna Musa na Nakana, “INakke Batara, iamintu Allata'ala malammoro' pa'maika siagang mangngamaseanga. Anjo pangngamaseangKu alla'bi-la'bi; majarreKa' siagang tena naKulinta' larro.

PANGNGEBARANG 3:6

Angngu'rangiko mae ri Batara lalang sikontu apa nugaukanga, na Iami lampicinikiangko nikanaya carana attallasa' bajika.

PANGNGEBARANG 8:20

Amminawanga' ri oloang kaadelanga, a'dakka' ri agang kalambusanga.

MIKHA 7:20

Mae ri ummatTa, iamintu jari-jarina Abraham siagang Yakub, laKipappicinikangi majarretTa siagang pangngainTa tenaya sanggana sangkamma Kipa'janjianga mae ri boe-boena ikambe battu riolo dudu.

LUKAS 1:68

“Umba kimammuji ri Batara, Allata'alana bansa Israel! Battumi antulungi umma'Na na Nalappassang ke'nanga.

YOHANES 1:17

Nitarimai HukkunNa Batara, tete ri Musa. Mingka pangngamaseang siagang pangngatutuiNa Allata'ala nipa'nyatami lalang ri Isa Almasi.

EFESUS 1:3

Nipujimi Allata'ala, ManggeNa Batarata Isa Almasi. Iami ambarakkakiki' siagang sikontu barakka' rohani lalang ri suruga, lanri a'jari se'reta siagang Almasi.

1 TIMOTIUS 1:17

Siratangi nipakalompo siagang tuli nipuji Allata'ala, Karaenna sikontu jammanga, lanri Iami mannannungang, tenaya nakacinikang siagang tenaya ruanna! Aming.

RUT 4:14

Nakanamo sikamma bai'-bainea mae ri Naomi, “Nipujimi Batara! Iami assareko sitau cucu bura'ne anne alloa untu' amparakaiko. Poro a'jari masahoro' anjo anaka ri Israel!

1 SAMUEL 25:32

Nakanamo Daud ri ia, “Nipujimi Batara, Allata'alana Israel ia assuroako battu ambuntulia' anne alloa.

1 SAMUEL 25:39

Nalangngere'na Daud angkana matemi Nabal, nakanamo, “Nipujimi Batara! Nabalasa'mi kana-kana appakahinana mae ri nakke, siagang Napisangkaimi anne atanNa ampanggaukang kaja'dallang. Nihukkummi Nabal ri Batara lanri kaja'dallanna.” Nampa akkirimmo Daud tunasuro mange ri Abigail untu' ampassuroi a'jari bainenna.