PA'JARIANG 24:21 - KITTA' MATANGKASA'

²¹ Na ilalang kammana anjo naparhatikammi surona Abraham anjo tuloloa, tamakkana-kanaya manna sibuku kana. Eroki naasseng angkanaya maka lanitulungi ri Batara untu' ampa'le'baki anjo tugasa'na yareka tena.

PA'JARIANG 24:21 ပူးပေါင်းရင်းမြစ်များ

PA'JARIANG 24:12

Appala' doammi anjo suroa angkana, “O, Batara, Allata'alana karaengku Abraham, Kitulunga' sollanna akkulle kupa'jari baji' tugasakku anne alloa; baji' pa'mai' laloKi' mae ri karaengku Abraham.

PA'JARIANG 24:20

Nampa natumpa linta' anjo je'ne' niaka lalang ri bongkia antama' ri tampa' pangnginunganna untaya, nampa lari ammotere' mange ri bungunga untu' anynye'ro' jai-jai je'ne' sa'genna bassoro' ngaseng angnginung anjo olo'-oloka.

PA'JARIANG 24:27

Nakana, “Nipujimi Batara, Allata'alana karaengku Abraham. Ma'nassa akkana sitappa' tojengi Batara siagang baji' pa'maiki mae ri karaengku Abraham. KalenNa ampimpinga' tulusu' mae ri bija pammanakanna.”

PA'JARIANG 24:56

Mingka nakanamo anjo suroa, “Teaki' tahangia'. Batara antulunga' nakkulle anjari baji' anne pa'jappangku; boli'ma' kamma nakuammotere'mo mae ri karaengku.”

PAMMUJI 107:1

“Sukkurukko mae ri Batara saba' Ia bajiki, pangngamaseanNa sa'genna satunggu-tungguna.”

PAMMUJI 107:15

Siratangi ke'nanga appala' sukkuru' ri Batara lanri pangngamaseanNa, lanri sikamma bate pare' malompoNa mae ri rupataua.

PAMMUJI 107:43

Poro tau bajika nawa-nawana napikkiriki sikamma anjo passalaka siagang namangakui angkanaya tulusu' mangngamaseanNa Batara.

PAMMUJI 107:8

Siratangi ke'nanga appala' sukkuru' ri Batara lanri pangngamaseanNa, lanri sikamma bate pare' malompoNa mae ri rupataua.

LUKAS 2:19

Mingka napariatimi siagang nanawa-nawami Maria sikamma anjo passalaka.

LUKAS 2:51

Le'baki anjo, ammotere'mi ke'nanga siagang Isa mange ri Nazaret. Amminawang turu'mi Isa ri ke'nanga. Napariatimi amma'Na sikamma anjo passalaka.