PA'JARIANG 24:15 - KITTA' MATANGKASA'

^15-16 Ilalang appala' doanna anjo, nia'mi battu Ribka, iamintu sitau tulolo sannaka ga'gana, angngerang bongki irate ri salangganna mange anjoreng ri bungunga. Iami ana'na Betuel. Na ia tau toana anjo Betuel iamintu Nahor siagang Milka. Na anjo Nahor, iami daenna Abraham. Mangemi Ribka anjoreng ri bungunga nampa nabonei bongkina, nampa a'jappa ammotere'.

PA'JARIANG 24:15 ပူးပေါင်းရင်းမြစ်များ

PA'JARIANG 11:27

Iaminne sossoranna Terah: Terah iami manggena Abram, Nahor, siagang Haran. Haran nia' ana'na bura'ne, niareng Lot.

PA'JARIANG 11:29

Abram a'nikkai siagang Sarai, nampa Nahor a'nikkai siagang Milka ana' bainena Haran. Nia' ija ana'na Haran bura'ne maraengannaya niareng Yiska.

PA'JARIANG 21:14

Ammukona bari'basa', nasaremi Abraham kanre Hagar siagang se're pammoneang je'ne' untu' a'jari bokong ri lampana. Napadenge'mi anjo anaka ri dongko'na Hagar, nampa nasuro anjo bainea a'lampa. A'lampami Hagar mange ri parang lompona Bersyeba.

PA'JARIANG 24:14

Lakukana sinampe' ri kalase'renna ke'nanga, ‘Tulunga' nanupanaung bongkinu, siagang saresa' je'ne' inung.’ Punna appiali sinampe' angkana, ‘Angnginung maki', siagang untata pole lakusare ngaseng tongi je'ne' inung!’ iaminjo Napile Batara untu' atanTa Ishak. Punna kajariang anjo kammaya, lakuassemmi angkanaya baji' pa'mai'mi Batara mae ri karaengku Abraham.”

PA'JARIANG 24:24

Appialimi anjo tuloloa angkana, “Manggeku niarengi Betuel, ana'na Nahor siagang Milka.

PA'JARIANG 24:45

Tenapa napuppusu' kupau anjo pappalakku lalang ri pa'maikku, nania'mo Ribka battu angngerang bongki irate ri salangganna nampa angngalle je'ne' ri bungunga. Nampa kukanamo ri ia, ‘Tulunga' nanusarea' je'ne' inung.’

PA'JARIANG 25:20

Ishak, patampulo taung umuru'na ri wattunna a'nikka siagang Ribka, andi'na Laban, ana'na Betuel, tubattu ri Aram ri Mesopotamia.

PA'JARIANG 29:5

Akkuta'nammi pole Yakub nakana, “Kiassengi Laban ana'na Nahor?” Appialimi ke'nanga angkana, “Naassengi ikambe”.

PA'JARIANG 29:9

Lalang a'bicarana Yakub siagang ke'nanga, nia'mi battu Rahel siagang pa'rappunganna bembena siagang gimbala'na.

PAMMUJI 34:15

Pakabellai kalennu battu ri ja'dalaka, gaukangi bajika, usahakangi passiamakkanga sipikulle-kullenu.

PAMMUJI 65:2

Siratangi ikambe mammuji ri Katte ri Sion, o, Allata'ala, na narupai janjinna ikambe mae ri Katte.

PANGNGEBARANG 31:27

Tuli rajengi anjama siagang naparhatikangi urusang lalang balla'na.

YESAYA 58:9

Punna appala' doangko, laKuturukiangko pappala'nu. Punna akkiokko mae ri Nakke, lappialiA' mae ri kau. Tea' mako jallakkangi parannu tau, pammarimi passimusuanga siagang pitinaya.

YESAYA 65:24

Tenapa nappala' ke'nanga, naKuppialimo; tenapa nale'ba' ke'nanga appala' doang naKuturukiammo pappala'na ke'nanga.

RUT 2:17

Anrappung turuski gandung Rut sa'genna karueng ri kokoa. Le'baki napeppe' batanna anjo gandunga sollanna ta'lappasa' lisere'na battu ri batanna, a'nassami angkanaya nia' kira-kira sampulo kilo battala'na anjo gandung le'baka napasse're.

RUT 2:2

Ri se'reang allo akkanami Rut mae ri Naomi, “Amma' erokka' appala' kana mange anrappung gandung ia tu'guruka battu ri pakattoa. Tantu nia'ja tau ampa'bianga' appakamma anjo.” Appialimi Naomi angkana, “Baji'mi na', a'lampamako mange!”