PA'JARIANG 24:13 - KITTA' MATANGKASA'

¹³ Kicinikia', niakka' ammenteng ri ampi'na anne bungunga. Sinampe' mami nania' tuloloa battu ri kotaya untu' angngalle je'ne'.

PA'JARIANG 24:13 ပူးပေါင်းရင်းမြစ်များ

PA'JARIANG 24:11

Battunamo mange anjoreng, napamantammi anjo sikamma ontaya sollanna ammari-mari ri ampi'na se'reang bungung ri pantaranganna kotaya. Anjo wattua karuemmi, siagang iaminjo wattunna nabattu sikamma tubainea anjoreng ri bungunga untu' angngalle je'ne'.

PA'JARIANG 24:14

Lakukana sinampe' ri kalase'renna ke'nanga, ‘Tulunga' nanupanaung bongkinu, siagang saresa' je'ne' inung.’ Punna appiali sinampe' angkana, ‘Angnginung maki', siagang untata pole lakusare ngaseng tongi je'ne' inung!’ iaminjo Napile Batara untu' atanTa Ishak. Punna kajariang anjo kammaya, lakuassemmi angkanaya baji' pa'mai'mi Batara mae ri karaengku Abraham.”

PA'JARIANG 24:43

Tuli lammentengku anrinni ri ampi'na anne bungunga. Punna nia' se're tulolo battu untu' angngalle je'ne', lakupalaki ri ia sollanna nasarea' je'ne' inung.

PAMMUJI 37:5

Passareangi tallasa'nu mae ri Batara, manrannuangko ri Ia, Iami lantulungko.

PANGNGEBARANG 3:6

Angngu'rangiko mae ri Batara lalang sikontu apa nugaukanga, na Iami lampicinikiangko nikanaya carana attallasa' bajika.

YOHANES 4:7

Na'lampamo ana'-ana' gurunNa Isa ammalli kanre ri kotaya. Tena nasallo, nia'mo sitau baine Samaria battu anynye'ro' je'ne'. Nakanamo Isa ri ia, “Ibu', maka akkullejA' kisare je'ne' inung?”

HAKING-HAKING 5:11

Ri sa'rinna sikamma bungung-bungunga, suara'mi nilangngere' tu makkelonga, ancaritai pammeta ma'mole-molena Batara, pammetanna Israel, umma'Na Batara. Na a'barrisi'mo ke'nanga mange ri pakke'bu' lompona kotaya.