PA'JARIANG 23:9 - KITTA' MATANGKASA'

⁹ sollanna ero' nabalukang ri nakke Kali'bong Makhpela ia niaka ri biring kokonna. Bajiki punna nabalukang anjo tampaka anrinni, napara kisa'bi ngaseng. Ia ballinna lakubayara' tabasikali, sollanna akkulle kupatang anjo tampaka.”

PA'JARIANG 23:9 ပူးပေါင်းရင်းမြစ်များ

PA'JARIANG 23:10

Anjo wattua niaki kalenna Efron sitabang ammempo siagang anjo tu Het ri tampa' pa'rappunganga ri pakke'bu' lompona kotaya. Appialimi nanisa'bi ri sikamma tau niaka anjoreng, angkana,

PA'JARIANG 23:4

“Inakke anne tubattu-battuja' ammantang ri tangnga-tangngata ngaseng; kisarea' pangngellai untu' ammalli siapa are luara'na butta sollanna akkulle kutarawang bainengku.”

PA'JARIANG 23:8

na nakana, “Punna kikellaija' antarawangi bainengku anrinni, kitulunga' nakipappalakanga' ri Efron, ana' bura'nena Zohar,

PA'JARIANG 25:10

Mingka le'ba'mi naballi Abraham. Bainenna Abraham, iamintu Sara, anjoreng tongi nitarawang.

PA'JARIANG 49:29

Nampa appasammo Yakub mae ri ana'-ana'na nakana, “Sinampe' mami nakuammoterammo sangkamma boe-boeku. Tarawanga' sallang lalang ri kali'bong Makhpela ri sa'rinna ke'nanga, rayanganna Mamre ri butta Kanaan. Le'ba'mi naballi Abraham anjo kali'bonga siagang koko niaka ri tammulilina. Naballi battu ri Efron, anjo tu Het, untu' nipare' pa'jerakkang.

PA'JARIANG 50:13

Naangka'mi ke'nanga anjo maya'na mange ri Kanaan nampa natarawang lalang ri kali'bong Makhpela, irayanganna Mamre, ri koko le'baka naballi Abraham battu ri Efron, anjo tu Het, untu' nipa'jari pa'jerakkang.

1 PATTOTTORANG 21:22

Angkanami Daud ri ia, “Eroka' ambangung tampa' pakkoro'bangngang untu' Batara anrinni ri tampaka, sollanna ammari anne bala garringa. Jari balukammi anne tampaka mae ri nakke. Pau mami siapa ballinna, nalakubayara'.”

1 PATTOTTORANG 21:24

Mingka appialimi Karaeng Daud angkana, “Teako! Eroki kuballi situru' anggaranna sitojennaya. Taeroka' angngerang passare mae ri Batara apa-apa battua ri kau yareka apa-apa kualle bawanga.”

ROMA 12:17

Punna nia' tau a'gau' ja'dala' mae ri kalennu, teako balasaki siagang kaja'dallang. Gaukangi apa nakanaya ngaseng taua baji'.

ROMA 13:8

Teako kainrangangi apa-apa mamo manna pole ri nai, pantaranganna kainrangang pangngamaseanga ri massing para ikau. Nasaba' inai-nai angkamaseangi paranna tau, sangkammami angkanaya nagaukang ngasemmi apa-apa Napassuroanga Allata'ala le'baka napabattu Musa.