PA'JARIANG 23:16 - KITTA' MATANGKASA'

¹⁶ Situjumi Abraham ri anjo anggarang ballinna. Narekemmi doe' pera'na sangkamma jaina anjo napaua Efron, iamintu patambilangngang doe' pera', situru' timbangang ia biasaya napake padangganga. Nampa nabayara'mo mae ri Efron, nisa'bi ri sikamma tu Het niaka hadere'.

PA'JARIANG 23:16 ပူးပေါင်းရင်းမြစ်များ

PA'JARIANG 23:15

“Anjo siapa are luara'na tampa', poro patambilangnganji doe' pera' ballinna, apa anggaranna anjo ri katte sipa'rua? Tarawammi bainenta anjoreng.”

PA'JARIANG 43:21

Lalang ri pa'jappanna ikambe ammotere', ri ero'na ikambe a'bangngi, nisungkemi karunna ikambe. Apaji nania' ngaseng anjo sikontu doe' lanipabayaraka lalang ri tompo'na gandunga. Tanaassengai ikambe angkana inai ampantamaki anjo doeka. Kamma-kamma anne niaki naerang ikambe ammotere' anjo doeka. Pantaranganna anjo nia' pole doe' naerang ikambe untu' ammalli pole apa lanikanrea.”

PA'JARIANG 49:29

Nampa appasammo Yakub mae ri ana'-ana'na nakana, “Sinampe' mami nakuammoterammo sangkamma boe-boeku. Tarawanga' sallang lalang ri kali'bong Makhpela ri sa'rinna ke'nanga, rayanganna Mamre ri butta Kanaan. Le'ba'mi naballi Abraham anjo kali'bonga siagang koko niaka ri tammulilina. Naballi battu ri Efron, anjo tu Het, untu' nipare' pa'jerakkang.

PA'JARIANG 50:13

Naangka'mi ke'nanga anjo maya'na mange ri Kanaan nampa natarawang lalang ri kali'bong Makhpela, irayanganna Mamre, ri koko le'baka naballi Abraham battu ri Efron, anjo tu Het, untu' nipa'jari pa'jerakkang.

2 SAMUEL 14:26

Uu'na sanna' ka'ba'na, siagang musti napolongi sikali sitaung lanri battala' duduna nasa'ring. Anjo uu' napolonga la'bi rua kilo battala'na situru' timbangang niaka nipake ri karaenga.

2 SAMUEL 24:24

Mingka appiali karaenga angkana, “Teako! Eroki kuballi. Tea' assare passare mae ri Karaeng Allata'alaku battu ri apa kualle bawang-bawanga.” Nampa naballimo Daud anjo tampa' panggiling gandunga siagang sapi-sapia. Ballinna iamintu limampulo doe' pera'.

AYUB 28:15

Kacara'dekanga takkulleai nipassambe siagang bulaeng ti'no', yareka takkulleai niballi siagang pera'.

KALAPPASSANG 30:13

Tunggala' tau amminawanga nibilang lalang anjo pammilangnganga, musti a'bayaraki situru' anggaranna doeka ri KemaKu, untu' a'jari sumbangang nisa'laka untu' iNakke.

YEREMIA 32:9

Jari kuballimi anjo tampaka battu ri Hanameel, sampulo antuju doe' pera' ballinna. Akkio'ma' siapa are sa'bi, siagang ri dallekanna ke'nanga kutekemmi sura' pammallina, nampa kusare segele' siagang kutimbangi doe'na.

YEHEZKIEL 45:12

Timbangannu musti kammai anne: 1 sikal=20 gera 1 mina=60 sikal

ZAKHARIA 11:12

Kukanamo mae ri ke'nanga, “Punna situju ngasengki', kisareanga' gajiku; punna tena, tea' maki'.” Nampa nasarema' ke'nanga tallumpulo doe' pera' untu' gajiku. Nakana Batara ri nakke, “Pantamaki anjo doeka ri tampa' pammoneang doeka ri BallakKu.” Jari kupantama'mi anjo tallumpuloa doe' pera' ri tampa' pammoneang doeka ri Balla'Na Batara. Sikamma jinjo bawang pangnganggara'na ke'nanga mae ri nakke!

MATIUS 7:12

Gaukammi ri parannu tau apa nungaia lanagaukang parannu tau ri kalennu. Iaminjo hukkung napabattua Musa, siagang pangngajaranna na'bi-na'bia.”

LAMPA-LAMPANA 7:16

Nampa ri bokoang allo nipalette'mi jera'na ammotere' mange ri Sikhem, iamintu jera' le'baka naballi riolo Abraham battu ri bansa Hemor ri Sikhem.

ROMA 13:8

Teako kainrangangi apa-apa mamo manna pole ri nai, pantaranganna kainrangang pangngamaseanga ri massing para ikau. Nasaba' inai-nai angkamaseangi paranna tau, sangkammami angkanaya nagaukang ngasemmi apa-apa Napassuroanga Allata'ala le'baka napabattu Musa.

FILIPI 4:8

Na kala'busanna, sari'battangku ngaseng, parallui nubonei pikkirannu siagang apa-apa niaka anggaranna, siratanga nipuji, iamintu: apa-apa annabaya, mala'birika, adeleka, matangkasaka, mate'nea, siagang bajika.

1 TESALONIKA 4:6

Ri anne passalaka, tea' laloko niakki appanggaukang sala yareka annipu mae ri sari'battanna. Pirangalloang le'ba'mi napau sitojeng-tojenna ikambe mae ri kau ngaseng angkanaya laNahukkungi Batara sikontu tau anggaukangai kasalang kammaya anjo.