PA'JARIANG 22:17 - KITTA' MATANGKASA'

¹⁷ laKubarakkakiko alla'bi-la'bi siagang laKupa'jari jai turungannu sanrapang bintoenga jaina ri langi' siagang sanrapang kassika jaina ri biring tamparanga. Sikamma ana'-cucunnu lanabeta ngasengi sikamma musunna ke'nanga.

PA'JARIANG 22:17 ပူးပေါင်းရင်းမြစ်များ

PA'JARIANG 12:2

LaKusareko bija majai, siagang laKupa'jari ke'nanga bansa lompo ri lino. LaKubarakkakiko siagang laKupa'jari masahoroki arennu, sa'gennu la'jari barakka'.

PA'JARIANG 13:16

LaKusareko turungang sannaka jaina, sa'genna manna sitau tania' akkulle ambilangi siapa jaina ke'nanga. Antekamma takkullena taua ambilangi siapa jaina kassi'na buttaya, sangkamma tomminjo takkullena lanibilang siapa jaina turungannu sallang.

PA'JARIANG 15:5

Nierammi Abram ri Batara assulukang, nampa Nakana Batara ri ia, “Ciniki langika, siagang coba sai nubilang sikamma bintoenga; lasangkammai anjo bintoenga jaina turungannu.”

PA'JARIANG 17:6

LaKusareko jai ana' cucu, siagang nia' battu ri ke'nanga la'jari karaeng sallang. Lasannaki jaina turungannu, sa'genna la'jari bansa-bansa ke'nanga.

PA'JARIANG 25:11

Ri wattu matenamo Abraham, Nabarakkakimi Allata'ala anjo Ishak, ana'na Abraham. Anjo wattua ammantangi Ishak ri ampi'na bungung niarenga “Iami Amparhatikanga'”.

PA'JARIANG 26:24

Anjo bangngia Napappicinikammi KalenNa Batara ri ia, na nakana, “INakkemi Allata'alana manggenu Abraham. Teako mallakki; laKujagaiko. LaKubarakkakiko siagang laKusareko turungang sannaka jaina lanri janjingKu mae ri atangKu Abraham.”

PA'JARIANG 26:4

LaKusareko ana'-cucu sanrapang bintoenga ri langi' jaina, siagang sikontu anne daeraya laKupassareangi mae ri ke'nanga. Sikontu bansaya ri lino lappala' ngasengi ri kau sollanna Kubarakkaki ke'nanga sangkamma le'ba'na Kubarakkaki turungannu.

PA'JARIANG 28:3

Poro Allata'ala Kaminang Koasaya ambarakkaki pa'buntingannu siagang nasareko jai ana'-cucu, sa'gennu a'jari boena jaia bansa!

PA'JARIANG 28:4

Poro Nabarakkakiko Batara siagang turungannu, sangkamma le'ba'na Nabarakkaki Abraham. Kammayatompa poro nukammai anne butta nupammantangngia, le'baka Napassareang Allata'ala mae ri Abraham!”

PA'JARIANG 32:12

Kiu'rangi angkanaya le'ba' maKi' a'janji Batara, angkanaya laKiatoro' baji' ngasengi sikontu-kontuna untu' inakke siagang Kisarea' majai turungang. Tena manna sitau lakkulle anrekengi lanri sanrapangi kassika ri biring tamparang jaina.”

PA'JARIANG 32:13

Le'baki a'bangngi anjoreng, naallemi sipa'gang olo'-olo'na Yakub, untu' lanahadiakang mae ri Esau. Anjo hadiaya iamintu: ruambilangngang bembe gana, ruampulo bembe laki, ruambilangngang gimbala' gana, ruampulo gimbala' laki, tallumpulo unta appasusua siagang ana'na, patampulo sapi gana, sampulo sapi laki, ruampulo keledai gana, siagang sampulo keledai laki.

2 SAMUEL 17:11

Lanri kammana anjo inakke kamma anne pappakaingakku: Pa'rappungangi sikontu tu Israel battu ri sikontu pa'rasangang, sa'genna rapang kassi' biring tamparang jaina. Nampa kalenta maju ampimpingi ke'nanga a'bundu'.

1 KARAENG-KARAENG 4:20

Ra'ya' Yehuda siagang ra'ya' Israel sanrapangi kassika ri biring tamparang jaina. Anggannaki ke'nanga ri kanre siagang ri inungang kammayatompa sannangi katallassanna ke'nanga.

1 KARAENG-KARAENG 9:26

Untu' tantarana ri tamparanga, appareki Salomo kappala'-kappala' ri Ezion-Geber, ri ampi'na Elot ri biring Tamparang Teluk Akaba, daera Edom.

1 PATTOTTORANG 27:23

Tena nasuro bilangi Karaeng Daud tau rawangang ruampulo taunga umuru'na, nasaba' le'ba'mi a'janji Batara laNapa'jari jai bilanna tu Israel sangkamma bintoenga jaina ri langi'.

2 PATTOTTORANG 1:9

Kamma-kamma anne, o Karaeng Allata'ala, poro Kirupai laloi janjinTa mae ri manggeku. Le'ba'ma' Kiangka' a'jari karaeng mae ri anne bansa lompoa, tenaya nakkulle nirekeng siapa jaina.

NEHEMIA 9:23

Kipa'jari turunganna ke'nanga sanrapang bintoeng ri langi' jaina, Kisarei butta ke'nanga untu' napammantangngi, butta le'baka Kipa'janjiang ri boena ke'nanga.

KALAPPASSANG 32:13

Kiu'rangi sikamma atanTa Abraham, Ishak siagang Yakub. Kiu'rangi angkanaya assumpaKi' a'janji untu' assarei ke'nanga jari-jari rapang bintoeng ri langi' jaina, kammayatompa angkanaya sikontu anjo butta Kipa'janjianga lanapatangi jari-jarina ke'nanga sa'genna satunggu-tungguna.”

YESAYA 48:19

Turungannu lajai rapang lisere' kassika; Kutanggongi angkanaya talanipanrakiai ke'nanga.”

YEREMIA 32:22

Pa'rasangang bajika siagang copponga Kipassareang mae ri ke'nanga sangkamma le'baka Kipa'janjiang mae ri boe-boena ke'nanga.

YEREMIA 33:22

LaKutambai jari-jarina atangKu Daud siagang imang-imang suku Lewi, sa'genna anjo ke'nanga a'jari rapangi kassi' ri biring tamparanga jaina siagang bintoenga ri langika tenaya nakkulle nirekeng jaina.”

HOSEA 1:10

Bansa Israel la'jari sanrapangi kassika ri tamparanga jaina, sa'genna takkullea nibaku' yareka nirekeng. Kamma-kamma anne Nakana Allata'ala ri ke'nanga, “Ikau teaiko ummakKu,” mingka lanarapiki sallang wattunna nalaNakana ri ke'nanga, “INakkemi Allata'ala mattallasaka siagang ikaumi ana'-anakKu!”

HOSEA 2:1

Lanri kammana anjo akkanamako ri julu bansanu “Umma'Na Allata'ala” siagang “Nikamaseanga ri Batara”.

MIKHA 1:9

Nasaba' bokka'-bokka'na Samaria takkulleai niballei, siagang Yehuda lanituju tongi ri sare kammaya anjo. Battumi balaya mae ri Yerusalem, pakke'bu' lompona butta passolongang cera'na bansaku.

ROMA 4:13

A'janjimi Allata'ala mae ri Abraham siagang sossoranna, angkanaya anne linoa la'jari warisi'nai Abraham. Na'janji kamma anjo Allata'ala teai lanri naturukinna Abraham hukkung-hukkung agama Yahudia, passangalinna lanri tappa'na mae ri Allata'ala sa'genna nitarimamo a'jari tau nikarannuang ri atinNa Allata'ala.

ROMA 9:27

Naterassimi nakana Na'bi Yesaya ri sesena bansa Israelka, “Manna pole nasangkamma kassika ri tamparanga jaina bansa Israelka, mingka sike'de'ji lasalama';

1 KORINTUS 15:57

Sukkurukki' mae ri Allata'ala; nasaba' Nasare maki' pammetang lalang ri Isa Almasi, Batarata!

EFESUS 1:3

Nipujimi Allata'ala, ManggeNa Batarata Isa Almasi. Iami ambarakkakiki' siagang sikontu barakka' rohani lalang ri suruga, lanri a'jari se'reta siagang Almasi.

PAOLE 1:10

lanri pila' Napa'jari jai mako Karaeng Allata'alanu, rapang bintoenga ri langika jaina.

PAOLE 1:11

Dasi-dasi na Batara, Allata'alana boe-boenu tulusu' antambai jainu sa'genna a'lappi sisa'bu, kammayatompa Napa'jariko bansa akkalumanynyang sangkamma le'baka Napa'janjiang.

PAOLE 10:22

Ri wattunna a'lampa boe-boenu mange ri Mesir, anjo jaina ke'nanga tuju puloji tau. Mingka Napa'jari jaimi Karaeng Allata'alanu anjo ke'nanga a'jari sanrapang bintoenga ri langika jaina.”

PAOLE 13:17

Anjo sikamma barang-barang nitunraia takkulleai nuboli' untu' kaparalluang kalennu, mingka musti niancuru' taba sikali. Jari lanaummi larroNa Batara siagang laNapappicinikammi pangngamaseanNa mae ri kau. Lamalammoro' pa'maiki mae ri kau siagang laNapa'jariko bansa malompo, sangkamma Napa'janjianga mae ri boe-boenu,

PAOLE 13:18

assala' nuturuki sikamma parentaNa kupabattua mae ri kau anne alloa, siagang nugaukang sikontu apa Nakaerokia.”

PAOLE 21:19

Anjo tau toana musti naerangi anjo ana' kammaya mae ri sikamma tau-tau toana anjo kota napammantangngia ke'nanga sollanna niadeli anjo anaka.

IBRANI 11:12

Manna pole nakanamo tulamate duduamo kalenna Abraham anjo wattua, mingka battu ri iami ammumba jaia sossorang, tenaya nakkulle nibilang jaina – sanrapanga bintoeng ri langi' yareka kassi' ri biring tamparang jaina.

IBRANI 6:14

Nakana Allata'ala, “A'janjiA' angkana laKubarakkakiko siagang laKupa'jari sannaki jaina sossorannu.”

PAPPICINI' 11:15

Nampa napasa'ra tarompe'na malaeka' makatujua; na nia'mo nilangngere' ri suruga sa'ra-sa'ra sannaka lompona, angkanaya, “Kamma-kamma anne nia'mi lalang limanNa Batarata siagang Karaeng Mappasalama' Napa'janjianga kakoasanga untu' ammarenta ri anne linoa, iamintu Karaeng Mappasalama' Napa'janjianga. Lammarentai sa'genna satunggu-tungguna!”