PA'JARIANG 21:9 - KITTA' MATANGKASA'

⁹ Ri se'reang allo, anjo Ismael iamintu ana'na Abraham battua ri Hagar, anjo baine battua ri Mesir, sitabangi akkarek-karena siagang Ishak, ana'na Sara.

PA'JARIANG 21:9 ပူးပေါင်းရင်းမြစ်များ

PA'JARIANG 16:1

Anjo wattua Sarai, bainenna Abram, tenapa nanggappa ana'. Mingka nia' sitau ata bainena battu ri Mesir, iamintu se're tulolo niarenga Hagar.

PA'JARIANG 16:15

Nampa allassukammo Hagar ana' bura'ne, nanisaremo areng ri Abram, iamintu manggena, Ismael.

PA'JARIANG 17:20

Mingka laKuturukiangko pappala'nu ri sesena Ismael. Lanri kammana nalaKubarakkaki Ishak siagang laKusarei turungang majai. Iami la'jari boe-boena sampuloa anrua kapala suku, siagang laKupa'jari turunganna se'reang bansa lompo.

PA'JARIANG 21:8

Pila' a'bakka'mi anjo anaka. Na ri wattunna narapi'mo wattunna nisa'la susu anjo anaka, appare'mi Abraham passua'-suarrang.

2 PATTOTTORANG 30:10

Ri wattunna a'lampa anjo sikamma tunisuroa battu ri se'reang kota mae ri kota maraengannaya ri daera suku Efraim siagang Manasye sa'genna wara' ri daerana suku Zebulon, nikakkali siagang nihina-hinai ke'nanga.

2 PATTOTTORANG 36:16

Mingka napare' karek-karenanji anjo sikamma tunisuroNa Allata'ala, siagang nakakkali na'bi-na'biNa, kammayatompa tena najampangi kana-kananNa. Kale'bakkanna sanna'mi larrona Batara mae ri ke'nanga, siagang takkulleami ke'nanga ta'lappasa' battu ri hukkunganNa Batara.

AYUB 30:1

“Mingka anne kamma nicau-cauma' ri tau la'bi rungkaya. Riolo manggena ke'nanga sanna' kucini' irawana untu' anjagai gimbalakku siagang kongkong pakalawaki.

PAMMUJI 22:6

Akkioki ke'nanga ri Katte na Kilappassang ke'nanga; manrannuangi ke'nanga na tena Kipassalasai.

PAMMUJI 42:10

Kukana ri Allata'ala, mappatojengku, “Angngapa naKikaluppaia? Angngapa kumusti tulusu' pa'risi', lanri nijallakkang ri musu-musungku?”

PANGNGEBARANG 20:11

Battu ri panggaukanna anaka nakkulle niasseng apaka bajiki siagang lambusuki gau'na.

PANGNGEBARANG 22:10

Bongkai tau nangaia anghina, nammari passisalanga, passimusuanga, siagang sicalla-callaya.

PIRAUNG 1:7

Le'ba'namo runtung na nakasia' pa'risika, nau'rangi Yerusalem rewasa' le'ba' lalona, ri wattu jaina barang-baranna; antekamma batena tu'guru' mae ri kakoasanna musunna, na tena manna sitau ero' battu antulungi. Ammakkala' mami musu-musunna anciniki katu'guranna.

GALATIA 4:22

Nia' lalang tattulisi' angkanaya nia' rua ana'na Abraham: amma'na anjo ana' se'rea iamintu ata. Na amma'na anjo ana' maraengannaya iamintu tau bebasa'.

GALATIA 4:29

Anjo wattua, anjo ana' nilassukanga lanri ero'Na RohNa Allata'ala lanisessai ri ana' nilassukanga lanri ero'na rupataua. Kamma tomminjo ri kamma-kammaya anne.

IBRANI 11:36

Nia' nicau-cau, nicambo', nisikko' rante nampa nipantama' ri tarungkua.