PA'JARIANG 21:7 - KITTA' MATANGKASA'

⁷ Nampa nakana pole, “Inai le'ba' angkana ri bura'nengku angkanaya lakkullea' lappasusu ana'? Mingka kamma-kamma anne ammana'ma', manna pole nasanna'mo toana bura'nengku.”

PA'JARIANG 21:7 ပူးပေါင်းရင်းမြစ်များ

PA'JARIANG 17:17

Nampa su'ju'mo Abraham. Mingka ammakkala'mi napikkiri'na angkanaya, “Antekamma batena se'rea bura'ne narapikamo sibilangngang taung umuru'na lakkulle anggappa ana'? Antekamma batena lakkulle Sara allassukang ana' ri umuru' salapang puloa taung?”

PA'JARIANG 18:13

Nampa akkuta'nang Batara ri Abraham angkana, “Angngapa nammakkala' Sara siagang ranggasela angkanaya maka lakkulle iji allassukang ana' ri wattu toanamo?

PA'JARIANG 21:8

Pila' a'bakka'mi anjo anaka. Na ri wattunna narapi'mo wattunna nisa'la susu anjo anaka, appare'mi Abraham passua'-suarrang.

1 KARAENG-KARAENG 11:20

Nampa ammana'mo anjo bainenna Hadad sitau ana' bura'ne niarenga Genubat. Anne anaka nipakalompoi ri kalenna bainenna karaenga siagang ammantangi siagang ana'-ana' bura'nena karaenga.

1 KARAENG-KARAENG 3:21

Ammukona bari'basa', ri wattungku ambangung naero' kupasusu anjo ana' loloku, angngapa namatemo kurapikang. Le'ba'na kuparessa baji'-baji', a'nassami angkanaya teai ana' loloku anjo.”

PAMMUJI 86:10

Saba' iKatte pore siagang anggaukangi gau'-gau' appakalannasaka, iKatteji bawang Allata'ala.

PAMMUJI 86:8

O, Batara, tena batara pantaranganna iKatte, tena akkulle anggaukangi apa Kigaukanga.

YESAYA 49:21

Jari lanukana lalang ri pa'mai'nu, ‘Inaika allassukangi anjo ana'-anaka untu' inakke? Sai inakke tappela' ngasemmi ana'-anakku, na kutakkulleamo pole ammana'? Inakke nilalinga' mae ri butta pammelakkanga na kunipakabella siagang niboli' kale-kalengku. Battu kemae ngasengi anjo sikamma ana'-anaka, siagang inai ampakalompoi ke'nanga?’ ”

YESAYA 66:8

Inai le'ba' allangngereki anjo kammaya? Inai le'ba' anciniki anjo kajariang kammaya? Mingka lassu'mi bansa Israel ri wattunna appisa'ringimo pa'risi' lamana' Sion.

YEREMIA 20:15

Nitunrai tongi tau angngeranga kabara' ampa'jari sannang duduai manggeku, ri wattunna nipau ri ia, angkana, “Anggappako sitau ana' bura'ne!”

PAMMILANGNGANG 23:23

Tena pangngissengang akkulle andallekangi Yakub tena baca-baca makoasa mae ri tu Israel. Ri passala'na anjo bansaya nakana taua, ‘Ciniki gau' malompo Nagaukanga Allata'ala!’

EFESUS 3:10

PattujunNa Allata'ala iamintu sollanna tete ri jama'aka kamma-kamma anne, akkullemi naasseng sikontu tau anna'galaka koasa ri lino, antekamma pangngassenganNa Allata'ala ilalang sikontu apa Nagaukanga.

2 TESALONIKA 1:10

iamintu punna battu sallang Batara untu' lanipakalompo ri umma'Na siagang untu' lanikangalikang ri sikontu tau tappaka. Ikau pole, lania' ngaseng tongko ri alla'na anjo umma'Na Allata'ala, lanri tappa' ngaseng mako mae ri anjo biritta napabattua ikambe mae ri kau ngaseng.