PA'JARIANG 21:17 - KITTA' MATANGKASA'

¹⁷ Nalangngere'mi Allata'ala sa'ranna Ismael. Nampa a'bicaramo malaeka'Na Allata'ala battu rate ri langika mae ri Hagar, angkana, “Apa nukasusang Hagar? Teako mallakki. Nalangngere'mi Allata'ala sa'ranna ana'nu.

PA'JARIANG 21:17 ပူးပေါင်းရင်းမြစ်များ

PA'JARIANG 15:1

Le'baki anjo, anggappami Abram pappiso'na siagang nalangngere'mi Batara angkana ri kalenna, “Teako mallakki Abram. LaKujagaiko battu ri balaya, siagang laKusareko pahala lompo.”

PA'JARIANG 16:11

Tasalloami nulallassukang ana' bura'ne; arengi sallang Ismael anjo anaka, nasaba' Nalangngere'namo Batara karru'nu.

PA'JARIANG 16:7

Battumi malaeka'Na Batara mae ri Hagar ri ampi'na timbuseng je'neka ri parang lompoa, ri agang mangea ri parang lompo Sur.

PA'JARIANG 16:8

Nakanamo anjo malaekaka, “O Hagar, atanna Sarai, battu kemaeko siagang la'lampa kemaeko?” Appialimi Hagar angkana, “Laria' ambokoi Sarai, ibuku.”

PA'JARIANG 16:9

Nakanamo anjo malaekaka, “Ammotere'mako mae ri ia siagang layani ammotere'.”

PA'JARIANG 22:11

Mingka akkio'mi malaeka'Na Batara battu ri langika mae ri ia angkana, “Abraham, Abraham!” Appialimi Abraham angkana, “Iye' Batara!”

PA'JARIANG 24:7

Batara, Allata'ala makoasaya ri langika, le'ba' angngeranga' assulu' battu ri balla'na manggeku siagang battu ri pa'rasanganna bija pammanakangku, siagang le'ba'mi assumpa ri nakke angkanaya laNapassareangi anne pa'rasanganga mae ri turungangku. Iatommi lassuroi battu malaeka'Na untu' antulungko, sollanna akkulle nupanggappang sitau baine anakku battu anjoreng.

PA'JARIANG 26:24

Anjo bangngia Napappicinikammi KalenNa Batara ri ia, na nakana, “INakkemi Allata'alana manggenu Abraham. Teako mallakki; laKujagaiko. LaKubarakkakiko siagang laKusareko turungang sannaka jaina lanri janjingKu mae ri atangKu Abraham.”

PA'JARIANG 46:3

Nakanamo Allata'ala, “INakkemi Allata'ala, Allata'alana manggenu. Teako mallakki untu' a'lampa mange ri Mesir. LaKupa'jari turungannu se're bansa lompo anjoreng.

2 KARAENG-KARAENG 13:23

Mingka Nakamaseangi Batara umma'Na siagang Napammopporangi ke'nanga. Tena Nabalang parekangi ke'nanga niancuru' passangalinna Natulungi ke'nanga, lanri parjanjianNa siagang Abraham, Ishak siagang Yakub. Sa'genna kamma-kamma anne tale'bakai Nakaluppai umma'Na.

2 KARAENG-KARAENG 13:4

Nampa appala' doang Yoahas mae ri Batara, na Nalangngere'mo Batara anjo pappala' doanna, lanri nacini'na antekamma palla'na karaeng Siria anjallakkangi tu Israel.

PAMMUJI 10:14

Mingka iKatte Kiciniki; Kiparhatikangi kasusaanga siagang kasessanga, na Kituli sadia untu' annulung. Tu tenaya pakkullena napassareangi kalenna mae ri Katte, tuli Kitulungi tu kasi-asia.

PAMMUJI 50:15

Akkiokko mae ri Nakke ri wattu kasukkarang, iNakke lallappassangko, siagang lamammujiko mae ri Nakke.”

PAMMUJI 6:8

Tabajikami paccinikku napakamma si'na nanremeng-remeng lanri musu-musungku.

PAMMUJI 65:2

Siratangi ikambe mammuji ri Katte ri Sion, o, Allata'ala, na narupai janjinna ikambe mae ri Katte.

PAMMUJI 91:15

Punna akkio' mae ri Nakke, laKupiali. Ri wattu kasukkarang, laKutulungi; laKulappassangi na Kusare kalompoang.

KALAPPASSANG 14:13

Appialimi Musa angkana, “Teako mallakki! Attahangko! Lanuciniki apa Nagaukanga Batara untu' ampasalamakko. Anjo tu Mesir niaka nucini' kamma-kamma anne, tenamo nalanucini' pole.

KALAPPASSANG 22:23

Punna ja'dalakko mae ri ke'nanga, iNakke, Batara lampilangngeri punna akkio' ke'nanga appala' tulung mae ri Nakke.

KALAPPASSANG 22:27

nasaba' anjo jubaya tena ruanna lanapake untu' angkammuki kalenna. Punna tena nupoterangi mae ri ia, maka apa lanapake a'jari kalimbu' punna tinroi? Punna akkioki mae ri Nakke appala' tulung, laKupilangngeri pakkio'na lanri Kukamaseanna.

KALAPPASSANG 3:2

Anjoreng nia'mi malaeka'Na Batara ampappicinikangi KalenNa mae ri Musa, lalang pepe' a'rinraya assulu' battu ri tangnga-tangngana rompoka. Naciniki Musa a'rinra anjo rompoka, mingka tena nakkanre.

KALAPPASSANG 3:7

Nampa Nakanamo Batara, “Kucini'mi kasessanna ummakKu ri Mesir, siagang Kulangngere'mi pakkio'na ke'nanga, ampalaki nilappassang battu ri sikamma tau anjallakkangai ke'nanga. Sikontutojenna Kuasseng ngasengi kasessanna ke'nanga.

YESAYA 22:1

Iaminne pappasang ri passala'na Ka'bung Paccinika: He, pandudu'na Yerusalem, angngapa nunai' ngaseng ri pattongko' ballaka?

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

MATIUS 15:32

Le'baki anjo Nakio'mi Isa ana'-ana' gurunNa nampa Nakana, “Kukamaseanna anne tau jaia. Tallungallomi angngagangA', natenamo kanrena ke'nanga. Tena nalaKupa'biangi ammotere' ke'nanga punna cipuru', gassingka kodi sallang pakkasia'na ke'nanga ri tangngana aganga!”

MARKUS 5:36

Mingka tena Najampangi Isa kananna ngaseng anjo taua. Nakanamo ri Yairus, “Teako mallakki, tappakko ri Nakke!”

PAOLE 26:7

Nampa akkio'mo ikambe appala' tulung mae ri Katte, Batara, Allata'alana boe-boena ikambe. Kipilangngeri pakkio'na ikambe siagang Kiparhatikammi kasessanna ikambe.

HAKING-HAKING 18:23

akkiok-kio'mi Mikha siagang sikamma anjo taunna mae ri ke'nanga. Assailemi anjo suku Dan nakkuta'nang ri Mikha angkana, “Apa kutadeng? Angngapa nubattu mae siagang tau jai kammaya anne?”

1 SAMUEL 11:5

Anjo wattua silalonna Saul battu ri kokonna na naerang sapinna. Akkuta'nammi angkana, “Apa le'ba' kajariang? Angngapa nangngarru' ngaseng taua?” Jari nipauammi anjo kabara' naeranga anjo tunisuroa battu ri Yabesh.