PA'JARIANG 21:14 - KITTA' MATANGKASA'

¹⁴ Ammukona bari'basa', nasaremi Abraham kanre Hagar siagang se're pammoneang je'ne' untu' a'jari bokong ri lampana. Napadenge'mi anjo anaka ri dongko'na Hagar, nampa nasuro anjo bainea a'lampa. A'lampami Hagar mange ri parang lompona Bersyeba.

PA'JARIANG 21:14 ပူးပေါင်းရင်းမြစ်များ

PA'JARIANG 16:7

Battumi malaeka'Na Batara mae ri Hagar ri ampi'na timbuseng je'neka ri parang lompoa, ri agang mangea ri parang lompo Sur.

PA'JARIANG 19:27

Ammukona bari'basa', a'lampami linta' Abraham mae ri tampa' le'baka napammentengi ri dallekanNa Batara ri siallo allaloa.

PA'JARIANG 21:13

Kammayatompa mae ri ana'na Hagar laKusare tongi ana' cucu sollanna a'jari bansa ke'nanga. Saba' ia ana'nu tonji.”

PA'JARIANG 21:15

Ri wattunna la'busu'mo je'ne' nabokonga, napadongko'mi Hagar ana'na ri rawanganna rompo'-rompoka,

PA'JARIANG 21:31

Kammaminjo naniaremmo anjo tampaka Bersyeba, nasaba' anjoremmi anjo tau ruaya massing assumpa.

PA'JARIANG 21:33

Nampa a'lamummo Abraham se're poko' kayu niarenga tamariska ri Bersyeba, siagang appakkaramula anjo wattua napakemi anjo tampaka untu' anynyomba ri Batara, Allata'ala mannannunganga.

PA'JARIANG 22:19

Le'baki anjo ammotere'mi Abraham mange ri anjo ruaya surona. Nampa a'lampa ke'nanga siagang mange ri Bersyeba, siagang ammantang tulimi Abraham anjoreng.

PA'JARIANG 22:3

Ammukona bari'basa', ammisa'-misa'mi kayu Abraham untu' lanapake angngerang koro'bang nampa nasikko' anjo kayua irate ri dongko'na keledaina. A'lampami siagang Ishak kammayatompa rua surona mange ri tampa' Napaua Allata'ala ri ia.

PA'JARIANG 24:54

Le'baki anjo angnganremi siagang angnginummi anjo surona Abraham siagang sikamma taunna, nampa a'bangngi anjoreng. Ambangunna ke'nanga ammukona bari'basa', nakanamo anjo suroa, “Boli'ma' appala' kana nakummotere' mange ri karaengku.”

PA'JARIANG 25:6

mingka ri wattu attallasa'na jai tonji hadia barang-barang napassareang mae ri ana'-ana' battua ri baine maraenna. Nampa nasuro anjo sikamma ana'na a'lette' mange ri daera niaka ri bageang rayanganna Kanaan, sollanna napakabella kalenna battu ri Ishak ana'na.

PA'JARIANG 26:31

Ammukona bari'basa' massing napaumi janjinna ke'nanga na niassai siagang sumpa. Nampa napasalama' Ishak ke'nanga ri lampana, siagang assisa'la'mi ke'nanga sangkamma bela singaia.

PA'JARIANG 26:33

Nampa nasaremo areng Ishak anjo bungunga “Sumpa”. Iaminjo assala' pakaramulanna naniareng anjo kotaya Bersyeba.

PA'JARIANG 28:18

Ammukona bari'basa', ammentemmi Yakub, nampa naalle anjo batu napareka pa'lungang. Napaentemmi anjo batua a'jari batu pangngu'rangi. Natirikimi minynya' zaitun mabau' irateanna anjo batua untu' KalenNa Allata'ala.

PA'JARIANG 37:15

Lalang a'jappana anrai'-kalau' ri paranga, sibuntulu'mi siagang sitau bura'ne. Akkuta'nammi anjo taua ri ia angkana, “Apa nuboya?”

PA'JARIANG 46:1

Naparutusu'mi Yakub sikamma pa'barang-baranganna, nampa a'lampa. Anrapiki ke'nanga ri Bersyeba, assaremi koro'bang mae ri Allata'ala, Ia nasombaya Ishak, manggena.

1 KARAENG-KARAENG 19:3

A'jari malla'mi Elia, sa'genna lari sollanna tena nibunoi. A'lampai siagang palayanna mange ri Bersyeba ri Yehuda. Anjoreng naboli'mi anjo palayanna,

2 PATTOTTORANG 29:20

Tenamo nammantang attayang sallo Karaeng Hizkia, napasse'remi pamimping-pamimpinna ra'yaka, nampa a'lampa siagang ke'nanga mange ri Balla'Na Batara.

PAMMUJI 107:4

Nia' a'la'bang mange-mange ri parang lompoa, tanaassenga oloang mange ri pammantangnganga ri kotaya.

PAMMUJI 119:60

Akkaro-karoma' siagang tenamo kuttayang untu' anggaukangi parentaTa.

PANGNGEBARANG 27:14

Inai a'bari sallang assa'ra lompo ri bari'basaka mae ri aganna, nikanai appasulu' pattunra.

PANGNGEBARANG 27:8

Tau ambokoiyai balla'na, sanrapang jangang-jangang ambokoi ru'munna.

KATO'BA 9:10

Jamai sikontu tugasa'nu sipagassing-gassinnu. Saba' tenamo sallang pikkirang yareka jama-jamang. Tenamo pangngassengang yareka kacara'dekang ri linona tau matea. Na iami anjo lanumangei.

YESAYA 16:8

Sikamma koko niaka ri ampi'na Hesybon siagang sikamma koko anggoro' Sibma le'ba'mi nipanraki, koko-koko biasaya a'rappo anggoro' kaminang baji' mae ri tukoasana bansa Moab siagang ansa'ringai ke'nanga. Riolo narapiki sa'genna kota Yaezer luara'na anjo koko-koko anggoroka; a'lampa anrai' narapiki sa'genna parang kassika, na bageang kalau' sa'genna ba'leanna Tamparang Matea.

YOHANES 8:35

Na tena pammantangang tulina se'rea ata lalang ri ballaka; mingka Ia Anaka lammantangi lalang ri balla' sa'genna satunggu-tungguna.

YOSUA 3:1

Ammukona, ambangung bari'basa' dudumi Yosua siagang sikontu umma' Israel, nampa nabokoi tampa' pakkemaanna ke'nanga ri Sitim, siagang a'lampa mange ri Binanga Yordan. Anjoreng akkemami ke'nanga siagang attayammi wattu untu' a'limbang.

1 SAMUEL 15:12

Ammukona bari'basa', a'lampami Samuel ero' mange angngagangi sibuntulu' Saul. Nipauammi angkanaya a'lampami Saul mange ri kota Karmel untu' ambangung batu pappakainga' untu' kalenna anjoreng, nampa tulusu' mange ri Gilgal.