PA'JARIANG 21:12 - KITTA' MATANGKASA'

¹² Mingka Nakanamo Allata'ala ri Abraham, “Teako ranggaselai ri passala'na anjo atannu Hagar siagang ana'na. Turukimi ero'na Sara, nasaba' battu ri Ishak sallang nalanugappa anjo turungang le'baka Kupa'janjiang.

PA'JARIANG 21:12 ပူးပေါင်းရင်းမြစ်များ

PA'JARIANG 17:19

Mingka Nakanamo Allata'ala, “Tena. Anjo bainennu Sara lamanaki sitau ana' bura'ne na lanuareng Ishak. LaKuta'gala' majarreki parjanjiangKu siagang anjo anaka siagang sikontu turunganna sa'genna satunggu-tungguna. Anjo Parjanjianga sa'gennai satunggu-tungguna.

PA'JARIANG 17:21

Mingka parjanjiangKu siagang Ishak laKusikko' majarreki. Ia ana'nu lanilassukanga ri Sara, ri taung ri dallekang kira-kira ri wattu kammaya anne.”

YESAYA 46:10

Battu ri pakaramulanna Kupaumi apa-apa labattua ri bokoanganna, battu riolo Kutappu memammi apa lakajarianga. Kukana: Lakajarianga apa le'baka Kutappuki, mattantu Kugaukangi erokKu!

GALATIA 4:30

Mingka apa nakana pole lalang ri Kittaka? Nia' tattulisi' angkanaya: “Suroi a'lampa anjo baine ataya siagang ana'na, nasaba' anjo ana' battua ri baine ataya tena nakkulle lannarima warisi' sangkamma anjo ana'na baine bebasaka.”

IBRANI 11:18

Le'baki angkana Allata'ala mae ri Abraham, Nakana, “Battu ri iaminne Ishak lanugappa sossorang le'baka Kupa'janjiang mae ri kau.”

1 SAMUEL 8:7

Na Nakanamo Batara, “Turukiammi sikontu pappala'na anjo bansaya mae ri kau. Nasaba' teai ikau nasorongboko ke'nanga, mingka iNakke. Tenamo naero' punna iNakke a'jari karaenna ke'nanga.

1 SAMUEL 8:9

Lanri kammana anjo, turukiammi pappala'na ke'nanga; mingka pakainga' tojeng-tojengi ke'nanga, siagang pauangi angkanaya antekamma sallang lanigaukangi ri karaenga.”