PA'JARIANG 21:1 - KITTA' MATANGKASA'

¹ Nibarakkakimi Sara ri Batara, situru' apa le'baka Napa'janjiang.

PA'JARIANG 21:1 ပူးပေါင်းရင်းမြစ်များ

PA'JARIANG 17:16

LaKubarakkaki anjo bainennu siagang lanalassukangi sitau ana' bura'ne ia laKupassareanga mae ri kau. LaKubarakkaki Sara, siagang iami la'jari anronna sikontu bansa-bansaya. Battu ri turunganna lania' siapa are jaina la'jari karaeng.”

PA'JARIANG 17:19

Mingka Nakanamo Allata'ala, “Tena. Anjo bainennu Sara lamanaki sitau ana' bura'ne na lanuareng Ishak. LaKuta'gala' majarreki parjanjiangKu siagang anjo anaka siagang sikontu turunganna sa'genna satunggu-tungguna. Anjo Parjanjianga sa'gennai satunggu-tungguna.

PA'JARIANG 17:21

Mingka parjanjiangKu siagang Ishak laKusikko' majarreki. Ia ana'nu lanilassukanga ri Sara, ri taung ri dallekang kira-kira ri wattu kammaya anne.”

PA'JARIANG 18:10

Nakanamo kalase'renna ke'nanga, “Salapang bulang sallang sallona nakulammotere' pole mae anrinni. Na anjo wattua, anjo bainennu Sara langgappami sitau ana' bura'ne.” Anjo wattua niaki Sara ampilangngeri bicaranna ke'nanga ri pakke'bu' kemaya, ri bokona anjo toanaya.

PA'JARIANG 18:14

Maka niakka apa tantamaya ri akkala' untu' Batara? Sangkamma Kupakkanaya sumpaeng, salapang bulang sallang labattua' pole mae anrinni. Na anjo wattua lamana'mi Sara sitau ana' bura'ne.”

PA'JARIANG 24:36

Ri toanamo umuru'na, Sara, bainenna anjo karaengku allassukammi sitau ana' bura'ne, nampa napassareang ngasemmo sikontu pa'barang-baranganna a'jari sossoranna anjo ana'na.

PA'JARIANG 50:24

Nakanamo ri sikamma sari'battanna, “A'birimmi narapi' a'jalakku, mingka mattantu laNaparakai ngasengko siagang laNapimpingko Allata'ala assulu' battu ri anne pa'rasanganga mange ri pa'rasangang le'baka Napa'janjiang siagang sumpa mae ri Abraham, Ishak siagang Yakub.”

2 KARAENG-KARAENG 4:17

Mingka kammatojengi anjo apa napakkanaya Elisa. Taung ri boko, kira-kira ri wattu sangkammaya anjo, ammana'mi anjo bainea sitau ana' bura'ne.

PAMMUJI 106:4

Kiu'rangia', o, Batara, lanri kabajikanTa mae ri ummatTa, Kitulung tonga' punna Kipasalama' ke'nanga.

PAMMUJI 12:6

Nakana Batara, “Tau kasi-asia nijallakkangi na tau sessaya akkunrarengi. Jari battu memamMa' ri kamma-kammaya anne assarei kasannangngang naminasaia ke'nanga.”

KALAPPASSANG 20:5

Teako anynyombai ri patung kammaya anjo, nasaba' iNakkeji Karaeng Allata'alanu, siagang taerokA' nipasangkamma manna apa-apa mamo. Sikamma tau mangngabirissia mae ri Nakke Kuhukkungi sa'genna jari-jari lapisi' makatalluna siagang makaappa'na.

KALAPPASSANG 3:16

A'lampamako siagang passe'rei sikontu pamimpinna tu Israel. Pa'la'bangi pauang ke'nanga angkana iNakke, Batara, Allata'alana boe-boena ke'nanga, Allata'alana Abraham, Ishak siagang Yakub, le'ba'mi Kupappicinikang KalengKu mae ri kau. Pauangi ke'nanga angkanaya battuMa' mae ri ke'nanga siagang Kucini'mi antekamma batena nigau' ke'nanga ri bansa Mesir.

KALAPPASSANG 4:31

Jari tappa'mi ke'nanga; siagang nalangngere'namo ke'nanga angkanaya Naparhatikammi Batara bansa Israel kammayatompa Nacini'mi sikamma kasessanna ke'nanga, su'ju'mi ke'nanga anynyomba.

MATIUS 24:35

Lalanynyaki langika siagang linoa, mingka tuli lania'na kana-kanangKu satunggu-tungguna.”

LUKAS 1:68

“Umba kimammuji ri Batara, Allata'alana bansa Israel! Battumi antulungi umma'Na na Nalappassang ke'nanga.

LUKAS 19:44

Lanaancurukko siagang sikontu bonenu; na tenanniakka manna sibatu batu tela lanakellai ammantang tassusung ri tampa'na, lanri tenana nanujampangi ri wattunna battu Allata'ala untu' ampasalamakko!”

GALATIA 4:23

Ana'na anjo baine ataya, biasaji bawang kalassukanna, lanri battu ri ero'na rupataua nalassu'. Mingka ana'na anjo baine bebasaka, lanri janjinNa Allata'ala nanilassukangi.

GALATIA 4:28

Sari'battangku ngaseng! Ikau ana'-ana'Na ngasengko Allata'ala, nilassukanga lanri janjinNa Allata'ala; sangkammako Ishak.

TITUS 1:2

situru' panrannuanga mae ri katallassang sitojennaya siagang mannannunganga. Le'ba'mi Napa'janjiang Allata'ala anjo katallassanga ri wattu tenanapa nanipa'jari anne linoa; natena olona la'balle-balle Allata'ala.

RUT 1:6

Siapa are wattu ribokoanganna, nalangngere' kabara'mi Naomi angkanaya nibarakkakimi umma' Israel ri Batara, na baji'mo wassele' lamung-lamunna ke'nanga. Lanri kammana, apparurumi Naomi siagang anjo ruaya ana' mintunna untu' ambokoi Moab.

1 SAMUEL 1:19

Ammukona, ambangung bari'basa'mi Elkana siagang kaluargana. Na le'ba'na assambayang ri Batara, ammotere'mi ke'nanga mange ri Rama. Assikatinroammi Elkana siagang Hana, anjo bainenna, siagang niturukiammi pappala'na Hana ri Batara.

1 SAMUEL 2:21

Nibarakkakimi Hana ri Allata'ala, sa'genna allassukang pole tallu ana' bura'ne siagang rua ana' baine. Na Samuel pila' a'bakka' tommi lompona lalang allayanina ri Allata'ala.