PA'JARIANG 20:9 - KITTA' MATANGKASA'

⁹ Le'baki anjo nakio'mi Abimelekh anjo Abraham nampa nakuta'nang angkana, “Apa anne le'baka nugaukang mae ri kambe? Apa salangku mae ri kau, sa'genna nupamae anne balaya ri kalengku siagang ri kakaraengangku? Tena sikali nusiratang la'gau' kamma anjo mae ri nakke.

PA'JARIANG 20:9 ပူးပေါင်းရင်းမြစ်များ

PA'JARIANG 12:18

Jari nakio'mi karaenga Abram nampa nakuta'nang angkana, “Apa anne nugaukang mae ri nakke? Angngapa natena nupauanga' angkanaya bainennu anjo?

PA'JARIANG 20:10

Angngapa nuppakamma anjo?”

PA'JARIANG 20:8

Ammukona ri bari'basaka, nakio'mi Abimelekh sikontu pagawena nampa napauang anjo sikamma apa kajarianga. A'jari sanna' ngasemmi malla'na ke'nanga napakamma.

PA'JARIANG 26:10

Nakanamo Abimelekh, “Apa anne le'baka nugaukang mae ri kambe? Tena tania'na kalase'renna ra'yakku akkulle sikatinroang siagang bainennu punna kamma. Na punna kajariang anjo kammaya, ikaumi nakatu'guri anne kasalanna ikambe.”

PA'JARIANG 29:25

Nampami ammukona bari'basa' nanaasseng Yakub angkanaya Lea anjo nabuntingia. Mangemi Yakub ri Laban na nakana, “Angngapa nakipakamma' anjo purina? Sai anjama' untu' ikatte sollanna kugappa Rahel? Angngapa kiballe-balleia?”

PA'JARIANG 34:7

Sitabang le'baki anjo wattua nia'mi sikamma ana'na Yakub ammotere' battu ri paranga. Nalangngere'na ke'nanga anjo apa le'baka kajariang, ta'bangkami ke'nanga siagang sanna' ngasemmi larrona. Nasaba' lanri nagau' salana Sikhem anjo Dina, nahinami sikontu tu Israel.

PA'JARIANG 38:24

Kira-kira tallum bulang ribokoanganna anggappami kabara' Yehuda angkanaya anjo mintunna, iamintu Tamar, a'jari baine ja'dalaki siagang attianammi. Jari naparentakammi Yehuda angkana, “Allei anjo bainea nampa nitunu sa'genna mate!”

PA'JARIANG 39:9

Anrinni sangkammai koasaku siagang koasana Potifar. Tena manna sirupa tanapappirannuangang ri nakke pantaranganna ikatte Ibu'. Antekamma lakkulle kugaukang anjo panggaukang ja'dala' kammaya siagang ladoraka ri Allata'ala?”

2 SAMUEL 12:5

Nalangngere'na Daud anjo carita kammaya, a'jari teaimi sipato' larrona mae ri panggaukanna anjo lapung tau kalumanynyanga siagang nakanamo, “Palla' sikali anjo tau kalumanynyanga! Lanri Batara, anjo taua musti nasambei anjo ana' gimbalaka a'lappi appa' siagang musti nihukkung matei!”

2 SAMUEL 13:12

Appialimi anjo tuloloa angkana, “Teaki' daeng. Teaki' passaia' anggaukangi anjo panggaukang tuna kammaya! Anjo panggaukang kammaya ta'le'bakai nigaukang ri Israel.

KALAPPASSANG 32:21

Nakanamo ri Harun, “Apa nagaukang ke'nanga mae ri kau sa'genna nulappassang ke'nanga doraka lompo?”

KALAPPASSANG 32:35

Nampa Napabattumo Batara balaya mae ri sikamma anjo taua, lanri napassana Harun ampareki anjo patung sapi bulaenga.

PANGNGEBARANG 28:10

Inai anynyonyoki tau lambusuka sollanna a'gau' ja'dala', ia kalenna latu'guru' antama' ri sikko' nitannanga. Tau ci'nonga pa'mai'na lanibarakkaki sa'genna mate'ne.

KAIMANGNGANG 20:10

Punna nia' tu Israel a'gau' salimara' siagang bainenna julu bansana, anjo taua siagang anjo bainea musti nihukkung matei.

ROMA 2:11

Nasaba' Napasangkamma-kamma ngasengi Allata'ala sikamma rupataua.

TITUS 1:11

Anjo tau kammaya musti nijempangi bawana, nasaba' jaimi kaluarga napakalingu ke'nanga lanri pangngajarang tenana matu-matunna ke'nanga. Nanagaukang ke'nanga anjo kammaya iaji kalanri ero'na ke'nanga anggappa passawallang takamma-kamma!

IBRANI 13:4

Sikontu taua musti napappicinikangi angkanaya napakalompoi nikanaya pa'nikkang; iaminjo saba'na naparallu massing tamalanrea tukkalabinia sijarreki ri pakkalabinianna. Inai-nai a'gau' sala yareka assalimara' laniadeli ri Allata'ala.

YOSUA 7:25

Nampa nakanamo Yosua mae ri Akhan, “Angngapa nuppabattu kasusaang mae ri katte ngaseng? Kamma-kamma anne lappabattui Batara kasusaang mae ri kau!” Jari Akhan siagang sikamma kaluargana nisambilaimi batu ri sikontu tu Israel sa'genna mate. Sikontu barang-baranna, kammayatompa barang-barang nalukkaka nitunu ngasemmi sa'genna cappu'.