PA'JARIANG 20:7 - KITTA' MATANGKASA'

⁷ Mingka kamma-kamma anne poterangi mae ri bura'nenna. Na'bi bura'nenna antu bainea, na lanapappala' doangangko sollanna tena numate. Mingka punna tena nanupoterangi, u'rangi angkanaya ikau siagang sikontu ra'ya'nu lamate ngasengko!”

PA'JARIANG 20:7 ပူးပေါင်းရင်းမြစ်များ

PA'JARIANG 12:15

Nia'mo siapa are pagawena balla' karaenga anciniki nampa napauang karaenga antekamma ga'gana anjo bainea. Jari nierammi mange ri balla' karaenga.

PA'JARIANG 12:17

Mingka lanri niallena Sarai ri karaenga, Napabattumi Batara garring-garring appakamalla' dudua na natuju karaenga siagang sikamma tau niaka lalang ri balla' kakaraenganga.

PA'JARIANG 2:17

pantaranganna anjo poko' assarea pangngassengang ri passala'na bajika siagang kodia. Takkulleai nukanre rapponna anjo poko' kayua; napunna nukanrei tena tamatenu ia memang anjo allo nukanrena.”

PA'JARIANG 20:3

Ri se'reang bangngi Napappicinikammi KalenNa Allata'ala mae ri anjo karaenga lalang so'na, na Nakana, “Lamateko, lanri nuallena anjo bainea, lanri nia'mo bura'nenna.”

PA'JARIANG 20:8

Ammukona ri bari'basaka, nakio'mi Abimelekh sikontu pagawena nampa napauang anjo sikamma apa kajarianga. A'jari sanna' ngasemmi malla'na ke'nanga napakamma.

PA'JARIANG 23:6

“Ikambe anne nipakalompoki' lanri ikattemi sitau pamimping makassaka ri alla'na ikambe. Jari kitarawammi bainenta ilalang ri pa'jerakkang kaminang bajika ia napatanga ikambe. Ikambe anne sannang ngasengi pa'maitta ansadiakangi pa'jerakkanna bainenta.”

2 SAMUEL 24:17

Naciniki Daud anjo malaeka' ambunoai taua, nampa nakana mae ri Batara, “Inakke doraka, lanri inakke anggaukangi anjo kasalanga. Mingka apa kasalanna anjo bansaya? Inakkemo hukkung siagang kaluargaku!”

1 KARAENG-KARAENG 13:6

Nampa nakanamo Karaeng Yerobeam ri anjo na'bia, “Tulunga' nuppala' doang mae ri Karaeng Allata'alanu untu' inakke. Palaki pangngamaseanNa sollanna Napakabaji' limangku!” Appala' doammi anjo na'bia ri Batara, nampa baji'mo limanna karaenga.

2 KARAENG-KARAENG 5:11

Nalangngere'na anjo kana kammaya larromi Naaman nampa nakana, “Kupikkiriki angkanaya kalenna lassulu' ambuntulia', siagang appala' doang mae ri Batara, Allata'alana, kammayatompa napagio' limanna irateanna anne kalengku garringa nampa a'jari bajikka'.

1 PATTOTTORANG 16:22

“Teako ganggui sikamma tunipileKu, teako a'gau' ja'dalaki mae ri na'bi-na'biKu.”

2 PATTOTTORANG 30:18

Pantaranganna anjo, jai tongi tau battu ri Efraim, Manasye, Isakhar, siagang Zebulon na tenapa natangkasi la'bi rioloi kalenna ke'nanga. Jari, tenapa nasiratang ke'nanga amminawang ansuarri anjo Allo Paskaya. Lanri kammana anjo napappala' doangammi Karaeng Hizkia ke'nanga angkana,

AYUB 34:19

Tena Nangngalle mae ri sikamma karaenga, yareka Naparioloangngang tau kalumanynyanga na tu kasi-asia. Lanri yangasenna para bate pare'Naji.

AYUB 42:8

Jari, angngalleko kamma-kamma anne tuju kayunna sapi laki siagang tuju kayunna bembe laki, nampa a'lampako mange ri Ayub. Passareang ngasengi anjo sikammaya, a'jari koro'bang untu' kalennu. Lappala' doangi Ayub untu' ikau ngaseng, nampa laKupilangngeri pappala' doanna. Tena nalaKupakasirikko, manna nusiratang annarima hukkungang. Teai kammatojenga nupau ri passala'na KalengKu, mingka Ayub napaui kammatojenga.”

PAMMUJI 25:14

Batara belana tu mappilangngeria, Napappiassengangi ri ke'nanga apa Nakaerokia.

KALAPPASSANG 18:17

Nakanamo Yitro, “Tabajikai kammaya anjo.

KALAPPASSANG 4:16

Ia musti a'bicarai lalang arennu ri dallekanna ra'yaka. Ia la'jari juru bicaranu siagang lanapasangkammako angkanaya Allata'ala ampaui anjo apa mustia napau.

KALAPPASSANG 7:1

Nakanamo Batara ri Musa, “LaKupa'jariko sanrapang Allata'ala ri dallekanna karaenga, siagang sari'battannu Harun la'bicara mae ri ia salaku na'binu.

YEREMIA 14:11

Nakana Batara ri nakke, “Teako palakki ri Nakke untu' antulungi anjo tau sikammaya.

YEREMIA 15:1

Nakana Batara ri nakke, “Tena nalaKukamaseang anne bansaya, manna pole nania' Musa siagang Samuel anrinni untu' ammenteng ampappalakkangi ke'nanga pangngamaseangKu. Suroi anne bansaya a'lampa, tena Kuero' anciniki ke'nanga!

YEREMIA 27:18

Punna memang na'bi ke'nanga, siagang le'baki annarima pasang battu ri Nakke, tantu kamma-kamma anne napalaki ri Nakke, Batara Kaminang Koasaya, sollanna barang-barang niaka ija ri BallakKu siagang ri balla' karaeng ri Yerusalem tena naniengkaki mange ri Babel.

YEHEZKIEL 3:18

Punna Kupauangko angkana nia' se're tau ja'dala' lamate, mingka tena nupakaingaki sollanna napinra panggaukanna sollanna salama', lamatei salaku tau doraka, nampa tanggong jawa'na anjo kamateanna lanituntuki battu ri kau.

YEHEZKIEL 33:8

Punna Kupau angkanaya nia' se're tau ja'dala' lamate, mingka tena nupakaingaki sollanna napinra panggaukanna sa'genna salama', lamatei salaku tau doraka ija. Mingka tanggong jawa'na kamateanna laKutuntuki battu ri kau.

KAIMANGNGANG 6:4

Anjo tau kasalanga musti nabayaraki ammotere' sikontu apa nagappaya ri oloang tenaya nalambusu'. Punna kaassengangi kasalanna, musti a'bayara' gannaki mae ri patanna, nampa nitambai ruampulo parseng.

KAIMANGNGANG 6:7

Imanga nakoro'bangkangi anjo koro'banga untu' dosana anjo taua, na lanipammopporang ri Batara.

LAMPA-LAMPANA 8:24

Nakanamo Simon mae ri Petrus siagang Yohanes, “Tulunga', nakipala' ri Batara sollanna tena lalo manna sirupa kajariang mae ri nakke, anjo apa kipaua.”

1 KORINTUS 14:4

Inai-nai a'bicara lalang bicara appakalannasaka, kalennaji bawang napakajarre'; mingka inai-nai ampabattui biritta battua ri Allata'ala, natulummi jama'aka sollanna akkulle pila' maju jama'aka.

IBRANI 1:1

Ri jammang riolo, a'mole-molemi a'bicara Allata'ala mae ri boe-boeta. A'bicarami tete ri na'bi-na'bia, siagang a'rupa-rupami cara Napake a'bicara.

IBRANI 13:4

Sikontu taua musti napappicinikangi angkanaya napakalompoi nikanaya pa'nikkang; iaminjo saba'na naparallu massing tamalanrea tukkalabinia sijarreki ri pakkalabinianna. Inai-nai a'gau' sala yareka assalimara' laniadeli ri Allata'ala.

1 YOHANES 5:16

Punna nia' nucini' parannu tu Karisteng a'gau' dosa natenaja nangngerang kamateang, paralluko appala' doang ri Allata'ala; nalanisaremo katallassang anjo taua. Anne natabaya iamintu tau a'gau' dosaya, mingka tenaja nangngerang kamateang. Mingka nia' gau' dosa angngerang kamateang; tena nakukana musti appala' doangko mae ri Allata'ala lanri anjo passalaka.

1 SAMUEL 12:19

Nakanamo ke'nanga mae ri Samuel, “Tulungi ikambe bapa'. Kipappala' doangangi ikambe anne mae ri Karaeng Allata'alanu, sollanna tamatea ikambe. Kamma-kamma anne sadara'mi ikambe angkanaya pantaranganna dosana ikambe riolo, dorakami pole ikambe lanri appala'na ikambe sitau karaeng.”

1 SAMUEL 12:23

Na ri passala'na inakke, tapporo tena lalo kudoraka ri Batara lanri tenana kupappala' doangangko. Mingka tuli lakupangngajarrangi mae ri kau apa-apa bajika siagang tojenga.

1 SAMUEL 7:5

Le'baki anjo nakanamo Samuel, “Pa'rappungangi sikontu bansa Israel ri Mizpa, nampa lappala' doanga' untu' ikau ngaseng.”

1 SAMUEL 7:8

Nakanamo ke'nanga ri Samuel, “Teako ammari appala' doang mae ri Karaeng Allata'alata, sollanna Napasalamakki' battu ri tu Filistin.”