PA'JARIANG 20:16 - KITTA' MATANGKASA'

¹⁶ Nampa nakana ri Sara, “Le'baki kusare daennu sisa'bu doe' pera' a'jari butti mae ri sikontu taua angkanaya ikau tena tojeng-tojeng nusala.”

PA'JARIANG 20:16 ပူးပေါင်းရင်းမြစ်များ

PA'JARIANG 20:17

Nipa'jari tamanang ngasemmi ri Batara sikontu baine niaka ri balla' kakaraenganna Abimelekh passabakkang Sara, bainenna anjo Abraham. Nampa appala' doammo Abraham ri Allata'ala, sa'genna nipa'jari baji' ammotere' Abimelekh. Bainenna siagang sikamma atanna bainea, nipa'jari baji' ngaseng tommi ammotere' sa'genna akkulle ngasemmi ammana' poleang.

PA'JARIANG 20:5

Kalenna Abraham angkana andi'na anjo bainea, nampa kamma todong anjo kananna anjo bainea. Matangkasaki ati mailalangku anggaukangi anne passalaka, jari tena nakusala.”

PA'JARIANG 24:65

nampa akkuta'nang ri surona Abraham angkana, “Inai anjo bura'ne niaka ri kokoa a'jappaya mae anrinni ri katte?” Appialimi anjo suroa angkana, “Ia anjo karaengku.” Jari naallemi bongonna Ribka nampa nabongongi rupanna.

PA'JARIANG 26:11

Nampa napakainga'mo Abimelekh sikontu ra'ya'na, angkana, “Inai-nai angganggui anne taua yareka bainenna, lanihukkung matei.”

PANGNGEBARANG 12:1

Tau mangngaia ri pangngassengang sannangi nyawana nipasaile; mingka tau tenaya nangai nipasaile iami tau dongo'.

PANGNGEBARANG 25:12

Pappasailena tau cara'deka mae ri tau eroka mappilangngeri, sanrapangi cincing bulaeng yareka belo-belo bulaeng.

PANGNGEBARANG 27:5

Bajikangngangi pappasaile nilambusianga kala pangngamaseang tenaya nanipasuluki.

YUNUS 1:6

Ri wattunna naung anjo juraganna kappalaka nabuntulu'mi Yunus anjoreng sitabang attinro. Nakanamo ri ia, “Angngapa nukkulle tinro kau lalang ri wattu kammaya anne! Ambangungko nai'! Appala' doangko mae ri rewatanu untu' appala' tulung. Inai angngassengi gassingka lanakamaseangki' sa'genna tena nipanra'.”

PAPPICINI' 3:19

Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.