PA'JARIANG 20:12 - KITTA' MATANGKASA'

¹² Nampa pole antu bainea andikku memang. A'julu manggea' mingka maraengi amma'na, nakuassialle siagang.

PA'JARIANG 20:12 ပူးပေါင်းရင်းမြစ်များ

PA'JARIANG 11:29

Abram a'nikkai siagang Sarai, nampa Nahor a'nikkai siagang Milka ana' bainena Haran. Nia' ija ana'na Haran bura'ne maraengannaya niareng Yiska.

PA'JARIANG 12:13

Jari bajikangngang paumi angkanaya ikau andikkuko, sollanna natallassia' siagang a'gau' baji' ke'nanga mae ri nakke passabakkang ikau.”

PA'JARIANG 20:11

Appialimi Abraham angkana, “Kupikkiriki angkanaya tena sikali tau malla' ri Allata'ala anrinni, sa'genna akkullea' nabuno taua ia eroka mae ri bainengku.

PA'JARIANG 20:13

Jari ri wattungku Nasuro Allata'ala ambokoi balla'na manggeku, nakunampa a'lampa mange-mange a'jari tubattu-battu, kukanamo ri bainengku, ‘Pa'nyatami majarre'na pa'mai'nu ri nakke, lalang nukanana mae ri yangasenna taua angkanaya ikau andikkuko.’ ”

PA'JARIANG 20:2

napaumi angkana andi'na anjo Sara bainenna. Lanri kammana nasuromi tunisurona Karaeng Abimelekh battu ri Gerar mange angngallei Sara na nasuro erang mae ri ia.

PA'JARIANG 26:7

Ri wattunna akkuta'nang taua anjoreng ri passala'na Ribka, appialimi Ishak angkanaya andi'na anjo Ribka, teai bainenna. Mallaki Ishak angkanaya lanibunoi ri yangaseng anjo taua sollanna akkulle naalle anjo Ribka sannaka ga'gana.

2 SAMUEL 13:13

Punna kajariang anjo kammaya, kemae musti kocokko tanjakku? Nampa pole, ikau lanihina tongko ri taua anrinni ri Israel. Bajikangngang bicarai siagang karaenga, ma'nassa lanasitujui antu karaenga punna a'jaria' bainennu.”

1 TESALONIKA 5:22

Pakabellai kalennu battu ri sangka' rupaya kaja'dallang.