PA'JARIANG 2:18 - KITTA' MATANGKASA'

¹⁸ Nampa Nakana Karaeng Allata'ala, “Tabajikai taua attallasa' kale-kalenna. LappareKa' se're parekang aganna ia cocoka ri ia untu' ambantui.”

PA'JARIANG 2:18 ပူးပေါင်းရင်းမြစ်များ

PA'JARIANG 1:31

Naciniki ngasemmi Allata'ala sikontu anjo apa le'baka Napa'jari, siagang sannang sikalimi nyawaNa. Allalomi bangngia siagang battumi bari'basaka. Iaminjo allo makaannanga.

PA'JARIANG 2:20

Kammaminjo nanasaremo areng taua anjo sikontu olo'-olo' niaka ri tompo'na buttaya siagang ri allaka. Mingka tena manna se're kalase'renna yangasenna anjo akkulle a'jari agang cocoka mae ri ia siagang akkullea ambantui.

PA'JARIANG 3:12

Appialimi anjo bura'nea angkana, “Anjo baine Kipassareanga angngaganga' ansarea' anjo rappoa, sa'genna kukanre.”

PANGNGEBARANG 18:22

Tau anggappaya anrong ana', anggappai passawallang; anrong anaka iami passareNa Batara.

1 KORINTUS 7:36

Punna nia' tau angkasu'mangi ri kalenna angkanaya tena nasiratang batena appanggaukang mae ri parekang bainenna, yareka takkulleai naparrangngi hawa napasuna, kammayatompa parallumi nasa'ring a'buntinga, boli'mi kamma na'bunting ke'nanga. Tena nasala punna a'buntingi ke'nanga.

1 PETRUS 3:7

Ikau pole, sikamma bura'-bura'nea, parallui baji' pammahannu mae ri bainennu; parallui nuasseng angkanaya anjo tubai'-bainea tau lammai. Bajiki panggaukannu mae ri ia, nasaba' lasiagang ngasengko ke'nanga lantarimai passare lammoro'Na Allata'ala iamintu katallassang sitojennaya. Gaukangi anne kammaya, sollanna tena anrompai pappala' doangannu.

RUT 3:1

Siapa are sallona ribokoanganna, nakanamo Naomi mae ri Rut, “Musti usaha' ampa'bura'neko poleang siagang numate'ne.