PA'JARIANG 2:17 - KITTA' MATANGKASA'

¹⁷ pantaranganna anjo poko' assarea pangngassengang ri passala'na bajika siagang kodia. Takkulleai nukanre rapponna anjo poko' kayua; napunna nukanrei tena tamatenu ia memang anjo allo nukanrena.”

PA'JARIANG 2:17 ပူးပေါင်းရင်းမြစ်များ

PA'JARIANG 2:9

Napatimbomi Karaeng Allata'ala sangka' rupa poko'-poko' ga'ga, bajika rapponna. Ri tangnga-tangngana anjo kokoa nia'mo attimbo poko' assarea katallassang, siagang poko' assarea pangngassengang ri passala'na bajika siagang kodia.

PA'JARIANG 20:7

Mingka kamma-kamma anne poterangi mae ri bura'nenna. Na'bi bura'nenna antu bainea, na lanapappala' doangangko sollanna tena numate. Mingka punna tena nanupoterangi, u'rangi angkanaya ikau siagang sikontu ra'ya'nu lamate ngasengko!”

PA'JARIANG 3:11

Akkuta'nammi Allata'ala angkana, “Inai angkana ri kau angkana assolarakko? Apaka nukanrei anjo rappo kayu Kupappisangkanga angkana teako kanrei?”

PA'JARIANG 3:17

Nampa Nakana Karaeng Allata'ala mae ri anjo bura'nea, “Nupilangngeri kana-kananna bainennu nampa nukanre anjo rappo kayu le'baka Kupappisangkang angkana teako kanrei. Lanri anjo panggaukannu, nitunraimi buttaya. Musti anjama terasakko lalang sikontu tallasa'nu nanampa akkulle assare wassele' ganna' anne buttaya untu' kanrenu.

PA'JARIANG 3:19

Laballasakko anjama siagang lammattiki songo'nu nanampa nia' wassele'na anne buttaya, sa'gennu ammotere' poleang a'jari butta, nasaba' battu ri buttayako nipare'. Battu ri buttayako nipare', na nulammotere' a'jari butta.”

1 KARAENG-KARAENG 2:37

Punna baraniko assulu' siagang a'lampa allaloi pangkana Binanga Kidron, musti nibunoko. Nampa kalennu tonji antanggongi anjo kasalannu.”

1 KARAENG-KARAENG 2:42

nasuro kio'mi Simei nampa nakana, “Le'ba' mako kusuro a'janji lanri Batara angkanaya tena nalanubokoi Yerusalem. Na le'ba' tommako kupakainga' angkanaya punna assulukko battu ri Yerusalem, musti mateko. Jari, le'ba' mako a'janji siagang situju untu' anturuki parentaku.

YEREMIA 26:8

Tena sallo le'ba'na kupa'la'bang sikontu anjo pasanNa Batara sangkamma Naparentakanga, najakkala'ma' ke'nanga nampa ammarrang angkana, “Musti mateko!

YEHEZKIEL 18:13

Punna assarei angnginrang appalaki bunga. Apaka anjo tau kammaya lattallasaki? Tena! Nagaukammi sikontu panggaukang appakaringi'-ringika anjo, siagang lamatei. Anjo namate lanri panggaukanna tonji.

YEHEZKIEL 18:32

Tena kusannang punna nia' tau mate. Bokoimi dosa-dosanu sollannu tuli attallasa'. INakke Batara Kaminang Tinggia, anne akkana.”

YEHEZKIEL 18:4

Nyawana tunggala' taua iNakke pata, baji' nanyawana tau toana kammayatompa nyawana ana'na. Tau dorakaya, lamatei.

YEHEZKIEL 33:14

Nakulle kapang le'ba'mi Kupakainga' tau ja'dalaka angkanaya lamatei ke'nanga. Mingka punna ammari a'gau' dosa, siagang appakkaramulami nagaukang apa bajika siagang annabaya, ebara'na napoterangngangi apa napappita'gallanga taua yareka barang le'baka nalukka', kammayatompa naturuki hukkung-hukkung angngeranga mae ri katallassang, anjo taua tena nalamate.

YEHEZKIEL 33:8

Punna Kupau angkanaya nia' se're tau ja'dala' lamate, mingka tena nupakaingaki sollanna napinra panggaukanna sa'genna salama', lamatei salaku tau doraka ija. Mingka tanggong jawa'na kamateanna laKutuntuki battu ri kau.

PAMMILANGNGANG 26:65

Le'ba'mi Nakanang Batara angkanaya lamate ngasengi ke'nanga ri parang lompoa. Na memang mate ngasengi ke'nanga, pantaranganna Kaleb ana'na Yefune siagang Yosua ana'na Nun.

ROMA 1:32

Naassenji ke'nanga angkanaya siratangi nihukkung mate situru' hukkunNa Allata'ala tau a'gau' kammaya ngaseng anjo. Mingka manna nakamma nagaukang tonji ke'nanga panggaukang-panggaukang kammaya; ba'lalo nasitujui tongi ke'nanga a'gau' kamma todong tau maraenga.

ROMA 6:16

Maka nuassenji angkanaya punna nupassareang kalennu mae ri se'reang tau nanugaukang apa ero'na, sikontutojenna napa'jari ata mako anjo tau nuturukia ero'na? Akkulleko a'jari ata mae ri apa langngeranga mae ri kamateanga, yareka a'jari ata mannurukia mae ri Allata'ala nalanri kammana assibajiki mako ammotere' siagang Allata'ala.

ROMA 6:23

Nasaba' pahalana dosaya iamintu kamateanga; mingka pangngamaseang Napassareang bawang-bawanga Allata'ala, iamintu katallassang sitojennaya siagang katallassang satunggu-tunggua lalang ri Isa Almasi, Batarata.

ROMA 8:2

Nasaba' hukkung battua ri RohNa Allata'ala ampasileoki katallassanta siagang Isa Almasi; Iami allappassangki' battu ri hukkung angngerangaki' mae ri dosaya siagang kamateanga.

1 KORINTUS 15:22

Sikontu rupataua lamate ngasengi lanri a'jari se'rena golongang siagang Adam, kamma tomminjo sikontu rupataua lanipattallasa' ngasengi ammotere' lanri a'jari se'rena golongang siagang Almasi.

1 KORINTUS 15:56

Racunna kamateanga, iamintu dosaya, siagang anjo dosaya lalangi ri hukkung agamaya a'boya oloang.

GALATIA 3:10

Sikamma tau tanjenga mae ri hukkung-hukkung agamaya, laniparawa ngasengi ri pangngalarroiNa Allata'ala. Nasaba' nia' tattulisi' lalang ri Kittaka angkanaya, “Inai-nai tena najarre' anggaukangi apa-apa tattulisika lalang ri Kitta' Hukkung Agamaya, langgappai pangngalarroi battu ri Allata'ala!”

EFESUS 5:14

Na sikontu apa nicini' bajika, a'jari singara'mi. Iaminjo saba'na nania' nikana, “Ambangungko ikau tau tinroa, ammentengko nai' battu ri kamateanga! Accayami singara'Na Almasi irateangannu.”

PAOLE 27:26

‘Nitunrai tau tenaya namannuruki ri sikontu hukkunNa siagang paratoranNa Allata'ala.’ ‘Aming!’ ”

PAOLE 30:15

Anne alloa akkullei nupilei kalase'renna: bajika yareka ja'dalaka, matea yareka attallasaka.

PAOLE 30:19

Kamma-kamma anne akkullei nupilei kalase'renna iamintu attallasaka yareka matea, barakka' yareka pattunraNa Batara. Kukioki langika siagang buttaya untu' a'jari sa'bi mae ri kaputusannu. Pileimi attallasaka.

KOLOSE 2:13

Riolo, le'ba'mi mate katallassang rohaninu lanri dosanu, siagang lanri tenana nisunnakko ri lahere'nu. Mingka kamma-kamma anne nipabangung poleang mako ammotere' ri Allata'ala siagang Almasi. Le'ba'mi Napammopporang sikontu dosata,

1 TIMOTIUS 5:6

Mingka ia janda nangaia assannang-sannang lalang ri katallassanna, sikontutojenna matemi manna pole nattallasa' ija nicini'.

YAKOBUS 1:15

Nampa, punna naturukimo anjo kaerokang ja'dala'na, iaminjo allassukang dosa; napunna jarre'mo anjo dosaya, iaminjo angngerang kamateang.

1 YOHANES 5:16

Punna nia' nucini' parannu tu Karisteng a'gau' dosa natenaja nangngerang kamateang, paralluko appala' doang ri Allata'ala; nalanisaremo katallassang anjo taua. Anne natabaya iamintu tau a'gau' dosaya, mingka tenaja nangngerang kamateang. Mingka nia' gau' dosa angngerang kamateang; tena nakukana musti appala' doangko mae ri Allata'ala lanri anjo passalaka.

PAPPICINI' 2:11

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, tena sikali nalasessa apa-apa ri kamateang makaruaya.”

PAPPICINI' 20:14

Nampa nipasambilamo Kamateanga siagang Lino Kamateanga antama' ri tamparang pepeka. (Anne tamparang pepeka, iamintu kamateang makaruaya.)

PAPPICINI' 20:6

Maupaki sikamma tau nipattallasa' poleanga todong ri anjo wattu bungasaka. Iami ke'nanga siratang a'jari taunNa Allata'ala. Tenamo nakoasa kamateang makaruaya mae ri ke'nanga. La'jarimi ke'nanga imang-imanNa Allata'ala siagang imang-imanNa Almasi; na lammarentamo ke'nanga siagang Ia sa'genna sisa'bu taung sallona.

PAPPICINI' 21:8

Mingka tau balloranga, tau a'bali' ballanga, tau bambalaka pabuno-bunoa, tau pagau' bawanga, tau ammakea pangngissengang siagang baca-baca, tau anynyombaya barhala, kammayatompa sikontu tau paballe-ballea, lanipelaki antama' ri tamparang pepeka siagang bara a'rinra-rinraya, iamintu kamateang makaruaya.”

HAKING-HAKING 3:2

NaNagaukang Batara kammaya, lanri ero'Naji bawang Naajara' a'bundu' sikontu turunganna bansa Israel, la'bipa mae ri ia ke'nanga, tenayapa nale'ba' amminawang a'bundu'.

1 SAMUEL 14:39

A'janjia', lanri Batara attallasaka, ia le'baka assarei Israel pammetang, angkanaya tau salaya lanihukkung matei, manna pole ebara' angkana Yonatan ana' bura'neku.” Mingka tena manna sitau barani appiali.

1 SAMUEL 14:44

Nakanamo Saul ri ia, “Tapporo Nahukkunga' Allata'ala punna tena nihukkung mateko Yonatan!”

1 SAMUEL 20:31

Tena nanusadari angkanaya punna attallasa' iji Daud tena olonu la'jari karaeng ri anne pa'rasanganga? Kamma-kamma anne suroi taua a'lampa mange amboyai nampa naerang mae anrinni, nasaba' musti nibunoi!”

1 SAMUEL 22:16

Mingka nakanamo karaenga, “Ahimelekh! Ikau siagang sikontu sari'battannu yareka bijannu musti mateko.”