PA'JARIANG 19:9 - KITTA' MATANGKASA'

⁹ Mingka nakanamo anjo tu Sodom ri Lot, “A'lampako! Angngapa naikau tubattu-battu kammaya antu ero' langngatoroki ikambe? A'lampako! Punna tena, ikau laniajara' la'bi battallangngang naanjo tau ruaya.” Nampa nasorongammo ke'nanga Lot, nampa maju ke'nanga ero' anrumbangi pakke'bu' balla'na.

PA'JARIANG 19:9 ပူးပေါင်းရင်းမြစ်များ

PA'JARIANG 11:6

Nampa Nakanamo ri ke'nanga, “Anne ke'nanga se'reji bansa siagang se'reji bahasana, nampa anne nampami pakaramulanna sikamma rancanana ke'nanga. Tasalloami nakkullemo ke'nanga anggaukangi sikamma apa nakaerokia ke'nanga.

PA'JARIANG 13:12

Tuli ammantammi Abram ri butta Kanaan, nampa Lot akkemami ri kota-kota ri lapparaka sa'genna ri ampi'na Sodom.

KALAPPASSANG 2:14

Appialimi anjo taua angkana, “Inai angngangkakko a'jari pamimping siagang haking mae ri kambe? Ero' tongko ambuno tonga' sangkamma anjo tu Mesirka nubunoa?” A'jari malla'mi Musa siagang napikkiriki angkana, “Ballasa'ma! Naassemmi taua anjo panggaukangku.”

PANGNGEBARANG 14:16

Tau bajika akkala'na tutui na bella battu ri kaja'dallanga, tau dongoka lintaki nai' larrona, nampa amang nasa'ring.

PANGNGEBARANG 17:12

Bajikangngangi assibuntuluka siagang anrong beruang tappelaka ana'na, kala assibuntuluka siagang tau sibuka siagang kadongokanna.

PANGNGEBARANG 27:3

Anjo batua siagang kassika ringang iji, punna nipasanrapang pa'risi' pa'maika napakamma tau toloa.

KATO'BA 10:13

Appakkaramulai a'bicara kosong biasa, mingka kale'bakkanna a'bicara kammami tau pongoro'.

KATO'BA 9:3

Jari, sare sangkamma tonji antujui ke'nanga ngaseng. Na anjo passalaka appakasi'nai pa'mai', sangkamma todong sikontu kaja'dallanga ri lino. Lalang tallasa'na rupataua, rassi ka'ja'dallang atinna, siagang pikkiranna rassi todong katoloang. Nampa ti'ring narapi'mo a'jala'na.

YESAYA 65:5

Nakana ke'nanga, ‘Bellako, teako seroi ikambe, saba' ikambe anne tangkasakki' siagang tassa'lakki' battu ri kau ngaseng!’ Tena Kuparrangngi anciniki panggaukanna ke'nanga! A'rinrai larroKu mae ri ke'nanga rapang pepe' tenaya nakkulle mate.

YEREMIA 3:3

Lanri kammana minjo natattahang je'neka battu ri langi', siagang tena battu-battuna bosia ri wattu baraka. Sanrapangko pasundala', siagang tena siri'nu.

YEREMIA 6:15

Mustina siri'-siriki ke'nanga lanri le'ba'na nagaukang ngaseng anjo panggaukang tunaya. Mingka kapala' rupai siagang tena siri'na ke'nanga. Lanri kammana, latu'guruki ke'nanga sangkamma tau maraenga; cappu'mi riwaya'na ke'nanga punna Kuhukkungi ke'nanga. INakke, Batara, anne akkana.”

YEREMIA 8:12

He ummakKu, mustina siri'-sirikko lanri le'ba'na ngaseng nugaukang anjo apa tuna kammaya! Mingka kapala' rupako siagang tena siri'-siri'nu. Lanri kammana anjo latu'gurukko sangkamma tau maraeng le'baka tu'guru'; cappu'mi riwaya'nu punna Kuhukkungko.

YEHEZKIEL 16:49

Sodom siagang desa-desana tampoi lanri jaina parsadiaang kanre-kanreanna kammayatompa akkullei attallasa' siagang sannang na amang. Mingka tena naparhatikangi ke'nanga tau kasi-asia siagang tau tunaya.

MATIUS 7:6

Teako assarei barang matangkasa' mange ri kongkonga, sollanna tena na'giling ri kau ambakkaiko. Tea tongko assarei mutiara mange ri bawia, sollanna tena naonjo'-onjokangi anjo mutiaraya.”

1 SAMUEL 17:44

Nampa pole napa'ngara Daud nakana, “Maju mako, nampa kupassareang kalennu mae ri jangang-janganga siagang olo'-oloka sollanna nakanreko.”

1 SAMUEL 2:16

Punna appiali anjo taua angkana, “Bajikangang nipinawangi paratoranga, na nitunu rolong anjo jannaya; le'bappi anjo akkullemi nualle situru' pangngainu,” lanakanamo anjo pambantua, “Tena, kamma-kamma anne musti nusare memamma'. Punna tena, lakualle passai.”

1 SAMUEL 25:17

Lanri kammana anjo, pikkiri' baji'-bajiki anne passalaka, siagang kitappukimi apa akkullea kigaukang ibu'. Nasaba' mattantu labattuna pa'balasaka mae ri pinggawata siagang sikontu kaluargana. Terasa' dudui ulunna pinggawata sa'genna takkulleai niagang a'bicara!”