PA'JARIANG 19:5 - KITTA' MATANGKASA'

⁵ Akkio'mi ke'nanga ri Lot siagang akkuta'nang angkana, “Kemae anjo sikamma tau battua a'bangngi ri balla'nu? Passareangi anjo ke'nanga mae ri kambe, sollanna akkulle ikambe assikatinroang siagang ke'nanga!”

PA'JARIANG 19:5 ပူးပေါင်းရင်းမြစ်များ

PA'JARIANG 19:6

Assulu'mi Lot battu ri balla'na. Le'ba'na natongko' pakke'bu'na

1 KARAENG-KARAENG 14:24

Anjoreng ri tampa'-tampaka appare'mi ke'nanga passundallang salaku panynyombang ri rewataya. Ba'lalo manna bura'nea a'jari tommi pasundala'. Sikamma panggaukang ra'masaka nagaukang ngasemmi tu Yehuda, sangkamma apa nagaukanga bansa-bansa maraeng le'baka Nabongka Batara ri wattunna napantamakki tu Israel anjo pa'rasanganga.

YESAYA 1:9

Ebara' angkana tena Napata'lappasaki Batara Kaminang Koasaya siapa are tau battu ri katte, ma'nassa cappu' ngaseng maki', rapang kota Sodom siagang Gomora.

YESAYA 3:9

Sipa' borrona ke'nanga ampa'nassai kaja'dallanna ke'nanga. A'nassa-nassai ke'nanga doraka sangkamma tu Sodom riolo. Cilakami ke'nanga! Kalenna tonji ke'nanga ampabattui cilakaya mae ri kalenna.

YEREMIA 3:3

Lanri kammana minjo natattahang je'neka battu ri langi', siagang tena battu-battuna bosia ri wattu baraka. Sanrapangko pasundala', siagang tena siri'nu.

YEREMIA 6:15

Mustina siri'-siriki ke'nanga lanri le'ba'na nagaukang ngaseng anjo panggaukang tunaya. Mingka kapala' rupai siagang tena siri'na ke'nanga. Lanri kammana, latu'guruki ke'nanga sangkamma tau maraenga; cappu'mi riwaya'na ke'nanga punna Kuhukkungi ke'nanga. INakke, Batara, anne akkana.”

YEHEZKIEL 16:49

Sodom siagang desa-desana tampoi lanri jaina parsadiaang kanre-kanreanna kammayatompa akkullei attallasa' siagang sannang na amang. Mingka tena naparhatikangi ke'nanga tau kasi-asia siagang tau tunaya.

YEHEZKIEL 16:50

Tampoi ke'nanga siagang kapala batui, kammayatompa nagaukangi apa-apa tenaya Kungai. Lanri kammana anjo naKuancuru' ke'nanga sangkamma le'baka nucini'.

YEHEZKIEL 16:51

Memang Samaria ja'dalaki, mingka dosana tena nabageruanna dosa-dosanu. Panggaukannu bellai la'bi ja'dala'na. Sikamma sari'battang bainenu sanrapangi tau tena salana punna nipassingebarangko. Ikau musti nipakasirikko siagang a'jari hinako!”

KAIMANGNGANG 18:22

Tu bura'nea tena nakkulle assikatinroang siagang paranna bura'ne; Nakabirisi Allata'ala panggaukang kammaya anjo.

KAIMANGNGANG 20:13

Punna nia' tu bura'ne a'gau' bawang siagang paranna tu bura'ne, anjo ke'nanga appakaringi'-ringiki siagang hinai panggaukanna, siagang musti nihukkung mate rua-ruai. Matei ke'nanga lanri salana tonji.

1 KORINTUS 6:9

Maka nuassenji angkanaya takkulleai a'jari umma'Na Allata'ala tu tenaya namannuruki? Teako eroki nitipu. Inai-nai a'gau' bawang, inai-nai anynyomba ri barhalaya, inai-nai a'gau' bawang, inai-nai a'gau' sala siagang paranna bura'ne yareka paranna baine,

PAOLE 23:17

Se'rea tu Israel, baji' bura'ne kammayatompa baine, takkulleai a'jari pagau' bawang ri balla'-balla' panynyombanga.

1 TIMOTIUS 1:10

tau a'gau' bawanga, tau sigau' bawanga para bura'ne, pagorraka, paballe-ballea; sa'bi-sa'bi balle-ballea, kammayatompa inai-nai mamo anggaukangai apa-apa assisalaya siagang pangngajarang tojenga.

2 TIMOTIUS 3:13

na ia tau ja'dalaka siagang tau paballe-ballea lapila' ja'dalaki. Natipui paranna tau, mingka sikontutojenna manna kalenna ke'nanga nitipu tonji.

2 PETRUS 2:2

Mingka manna nakamma, lajai tau ampinawangi katallassanna anjo guru takontutojenga, nikoasaia ri hawa napasuna ke'nanga. Siagang lanri panggaukanna anjo gurua najaimo tau naturungang anghinai Oloang Katojengang mangea ri Allata'ala.

2 PETRUS 2:7

Mingka Lot nipasalamaki, lanri naturukinna ero'Na Allata'ala; sanna' sikali sessana nakasia' lanri panggaukang takamma-kammana tau tenaya najampangi hukkunga.

YUDAS 1:7

U'rangi tongi kota Sodom siagang Gomora kammayatompa kota-kota niaka ri ampi'na, appanggaukang kammaya todong anjo sikamma malaekaka tuma'buttana. Nagaukangi ke'nanga nikanaya gau' bawang siagang gau' bambalaka; sa'genna nisessa ke'nanga siagang pepe' a'rinraya satunggu-tungguna, untu' a'jari pappakainga' mae ri sikontu rupataua.

HAKING-HAKING 19:22

Lalang assannang-sannanna ke'nanga, sikali nilipummi anjo ballaka ri tau banna'na anjo kotaya. Napagarumbanga tojemmi ke'nanga pakke'bu'na anjo ballaka na nakana ri anjo tau toaya, “Passareangi anjo bura'ne nueranga mae ri balla'nu mae ri kambe. Eroki ikambe ampakei!”