PA'JARIANG 19:21 - KITTA' MATANGKASA'

²¹ Appialimi anjo malaekaka nakana, “Baji'mi, anjo kota ca'dia tenaja nalakutumpasaki.

PA'JARIANG 19:21 ပူးပေါင်းရင်းမြစ်များ

PA'JARIANG 12:2

LaKusareko bija majai, siagang laKupa'jari ke'nanga bansa lompo ri lino. LaKubarakkakiko siagang laKupa'jari masahoroki arennu, sa'gennu la'jari barakka'.

PA'JARIANG 18:24

Ebara' angkana nia' limampulo tau tena salana lalang ri anjo kotaya, maka tena taKipanrakina anjo kotaya Karaeng? Maka takkulleai Kipammopporang sollanna akkulle salama' anjo tau limampuloa?

PA'JARIANG 19:20

Kiciniki anjo ri dallekang, nia' se're kota ca'di, tenaya siapa bellana. Kipa'biamma' lari mange anjoreng sollangku salama'.”

PA'JARIANG 19:22

Akkaro-karo mako lari! Nasaba' tena apa-apa lakugaukang lalang tenanapa nunrapi' mange anjoreng.” Lanri nakanana Lot ca'di anjo kotaya, iaminjo naniaremmo Zoar.

PA'JARIANG 4:7

Punna baji' apa nugaukanga, mattantu ta'muriko. Mingka punna kodi apa nugaukanga, attayammi dosaya untu' antama' ri atinnu. Eroki dosaya angkoasai kalennu, mingka musti nubetai.”

PAMMUJI 102:17

punna nabangung Batara ammotere' Sion, na maju lalang ri kalompoanNa.

PAMMUJI 145:19

Napakasannangi pa'mai'na sikamma tau mappilangngeria; Napilangngeri pakkio'na siagang Napasalamaki ke'nanga.

PAMMUJI 34:15

Pakabellai kalennu battu ri ja'dalaka, gaukangi bajika, usahakangi passiamakkanga sipikulle-kullenu.

KALAPPASSANG 33:17

Nakanamo Batara ri Musa, “LaKuturukiangko pappala'nu, lanri Kuassengko siagang lanri nia'na pangngellaingKu mae ri kau.”

YEREMIA 14:10

Ri passala'na anjo bansaya Nakana Batara, “Tena Kusannang mae ri sikamma anjo tau nangaia lari a'lampa ambokoiA', siagang tenaya naero' allewai kalenna. Tena nalaKukaluppai kasalanna ke'nanga; laKuhukkungi ke'nanga lanri dosana ke'nanga.”

MATIUS 12:20

TalaNata'bangai bulo ta'dundua TalaNabunoai kanjoli ca'dia rinrana. Lappattujuangi sa'genna a'rupa kaadelanga;

LUKAS 11:8

Nakanamo pole Isa, “Jari antekamma? Kupauangko angkanaya manna pole agannako, mingka tena nalaero' ambangung assareko apa-apa. Mingka lanri tenana nusiri'-siri' tulusu' appala' ri ia, kale'bakkanna ambangunji nampa nasareangko anjo apa nuparalluanga.

IBRANI 2:17

Jari battuanna, angkanaya Iami musti a'jari sangkamma sari'battanNa ngaseng lalang ri sikontu-kontuna. Siagang lanri kammanami anjo nakkullemo a'jari Imang Malompo, Ia tamalanrea siagang lompo pangngamaseanga. Battu ri iaminjo palayananNa nakkullemo nipammopporang dosana rupataua.

1 SAMUEL 25:35

Le'baki anjo natarimami Daud anjo apa-apa naeranga Abigail, nampa nakana ri ia, “Ammotere' mako mange ri balla'nu siagang tea' mako bata-batai. Kuturukiang mako pappala'nu.”