PA'JARIANG 18:7 - KITTA' MATANGKASA'

⁷ Nampa lari Abraham mange ri pa'rappungang olo'-olo' piarana, na napilei ana' sapi kaminang co'moka siagang lu'muka dagenna. Nampa napassareang anjo sapia mae ri palayanna, nanasuro pasadia linta'.

PA'JARIANG 18:7 ပူးပေါင်းရင်းမြစ်များ

PA'JARIANG 18:6

Akkaro-karomi Abraham antama' ri kemana nampa nakana ri Sara, “Akkaro-karoko angngalle labu' kaminang bajika, nunampa appare' linta' roti a'bundala'.”

PA'JARIANG 18:8

Le'baki anjo angngallemi Abraham dadi', cappa' susu sapi siagang anjo dageng le'baka nipallu, nampa napatala mae ri anjo toananna ngaseng. Lalang angnganrena ke'nanga, kalenna Abraham allayani ke'nanga irawanganna anjo poko' kayua.

PA'JARIANG 19:3

Mingka napala' dudumi Lot, na kale'bakkanna antama'mi ke'nanga siagang ia ri balla'na. Appasadiami Lot kanre-kanreang nyamang, siagang attunumi roti siganna'na, nampa angnganremo ke'nanga.

AMOS 6:4

Cilaka ngasengko attinroa irate ri ranjang ga'ga-ga'gaya siagang angnganre lompoa dageng sapi siagang gimbala' rungka!

MALEAKHI 1:14

Nitunraimi patipu assarea ri Nakke olo'-olo' tenaya anggaranna, punna nia'ja olo'-olo' maraengannaya bajika le'baka napa'janjiang ri Nakke! Nasaba' iNakke Karaeng Malompo, siagang nipakalompoa ri sikontu bansaya.”

MATIUS 22:4

Jari nasuromi pole pala'-palayanna maraenga anjo Karaenga. Napasammi ke'nanga angkana: ‘Pauang ngasengi anjo tau le'baka niburittai angkanaya: Tattala ngasemmi apa-apaya ri passua'-suarrang pa'buntinganna Karaenga. Sikamma sapia siagang sapi rungka kaminang bajika le'ba'mi nisuro polong. Kamma-kamma anne sadia ngasemmi. Umbamo kimange anjoreng assua'-suara' ri pa'buntinganga!’

LUKAS 15:23

Punna le'ba' angngalle mako sapi rungka siagang co'moka nampa nupolong. Langnganre-nganreki' siagang la'rannu-rannuki'.

LUKAS 15:27

Appialimi anjo palayanga nakana, ‘Niaki ammotere' anditta. Le'ba'mi assurommolong sapi rungka co'mo' manggeta, lanri nagappami ammotere' ana'na siagang salama'!’

LUKAS 15:30

Anjo anatta le'ba'mi napa'la'bu'-la'busu' barang-baranta siagang bai'-baine a'gau' salaya. Mingka sikalinna ammotere', ba'lalo kipammolongangi sapi rungka siagang co'moka!’

1 SAMUEL 28:24

Akkaro-karomi anjo bainea anynyamballe sikayu ana' sapi ia co'moka, nampa angngalle labu' nampa naleo', nampa napare' roti tenaya nammake pa'gambang.