PA'JARIANG 18:6 - KITTA' MATANGKASA'

⁶ Akkaro-karomi Abraham antama' ri kemana nampa nakana ri Sara, “Akkaro-karoko angngalle labu' kaminang bajika, nunampa appare' linta' roti a'bundala'.”

PA'JARIANG 18:6 ပူးပေါင်းရင်းမြစ်များ

PA'JARIANG 18:5

Lakupappatalangki' sike'de' kanre, sollanta anggappa kagassingang untu' ampatulusuki pa'jappanta. Kipakalompoma' lanri erotta assengka ri balla'na anne atanta.” Appialimi ke'nanga angkana, “Tarima kasi ri anjo kabajikang pa'mai'nu. Lassengkai ikambe.”

PA'JARIANG 18:7

Nampa lari Abraham mange ri pa'rappungang olo'-olo' piarana, na napilei ana' sapi kaminang co'moka siagang lu'muka dagenna. Nampa napassareang anjo sapia mae ri palayanna, nanasuro pasadia linta'.

PA'JARIANG 19:3

Mingka napala' dudumi Lot, na kale'bakkanna antama'mi ke'nanga siagang ia ri balla'na. Appasadiami Lot kanre-kanreang nyamang, siagang attunumi roti siganna'na, nampa angnganremo ke'nanga.

2 SAMUEL 13:6

Nampa attinromo Amnon ri tampa' katinroanga, assara-sarai garring. Ri wattunna battu Daud antoaki, nakanamo Amnon ri ia, “Bapa', kisurosai battu Tamar untu' appallu kanrejawa ri dallekangku anrinni; sinampe' nakuero' angnganre.”

PAMMUJI 119:60

Akkaro-karoma' siagang tenamo kuttayang untu' anggaukangi parentaTa.

YESAYA 32:8

Mingka tau la'birika akkala' baji'na, la'biriki apa-apa narancanakanga siagang la'biri' tongi tindakanna.

MATIUS 13:33

Nia' pole se're pangngebarang maraeng Nacarita Isa mae ri anjo tau jaia. Nakana, “Punna ammarenta Allata'ala, sanrapangi pa'gambang niallea ri sitau baine, nampa napasileo' siagang patampulo litere' labu'. Sa'genna pila' a'bakka' jaina anjo labuka!”

LAMPA-LAMPANA 16:15

Nije'ne'mi Lidia siagang sikontu bone balla'na. Le'baki nije'ne', nakio' maki' mange ri balla'na. Nakana Lidia, “Punna kipikkiri' ngasengi angkanaya ma'nassa tappa' tojeng-tojemma' ri Isa, umbamo kimange a'bangngi ri ballakku.” Napala' dudumi sollanna niturukiang pappala'na.

ROMA 12:13

Tulungi parannu tu Karisteng ampa'gannaki kaparalluanna, siagang pakate'nei atinnu antarimai julu tappa'nu tenaya nuassengi ke'nanga antama' ri balla'nu.

GALATIA 5:13

Le'ba' mako nikio' a'jari tau bebasa'. Mingka teako pake salai anjo kabebasannu, untu' anggaukang ero' kalennu. Passangalinna musti sikamaseangko siagang massing siparakaiko.

IBRANI 13:2

Teako battala' pa'maiki antarimai ri balla'nu tau tenayapa nuassengi. Nasaba' lanri nugaukanna anjo kammaya, nale'ba' nia' tau antarimai malaekaka ri balla'na, na tanaassenga angkanaya malaeka' anjo natarimaya.

1 PETRUS 4:9

Paralluko massing sitoana baji' ri balla'nu, siagang teako akkunrarengi.

HAKING-HAKING 6:19

Jari ammotere'mi Gideon. Nampa ammolong sikayu bembe rungka nanapallu. Angngalle tongi sampulo kilo labu' nampa appare' roti tenaya nammake pa'gambang. Le'baki anjo napantamami anjo dagenga ri karanjeng. Na je'ne'na napariuringi. Nampa naerang ngaseng anjo, mange napatala ri malaeka'Na Batara, niaka attayang ri rawanganna anjo poko' kayu terpentinga.

1 SAMUEL 28:24

Akkaro-karomi anjo bainea anynyamballe sikayu ana' sapi ia co'moka, nampa angngalle labu' nampa naleo', nampa napare' roti tenaya nammake pa'gambang.