PA'JARIANG 18:5 - KITTA' MATANGKASA'

⁵ Lakupappatalangki' sike'de' kanre, sollanta anggappa kagassingang untu' ampatulusuki pa'jappanta. Kipakalompoma' lanri erotta assengka ri balla'na anne atanta.” Appialimi ke'nanga angkana, “Tarima kasi ri anjo kabajikang pa'mai'nu. Lassengkai ikambe.”

PA'JARIANG 18:5 ပူးပေါင်းရင်းမြစ်များ

PA'JARIANG 18:6

Akkaro-karomi Abraham antama' ri kemana nampa nakana ri Sara, “Akkaro-karoko angngalle labu' kaminang bajika, nunampa appare' linta' roti a'bundala'.”

PA'JARIANG 19:8

Kipilangngeria'. Nia' rua ana' tulolongku. Boli'mi kamma nakupassareang ke'nanga mae ri katte ngaseng, naapa-apa mamo kigaukang mae ri ke'nanga. Mingka tea' laloki' apa-apai anne toanangku; nasaba' siratanga' angkatutui ke'nanga.”

PA'JARIANG 33:10

Nakanamo Yakub, “Teaki'! Punna sannang atinta ri nakke Daeng, kitarima laloi anne passareku. Untu' inakke punna kuciniki tanjatta sanrapangi kucini' tanja'Na Allata'ala, lanri bajitta mae ri nakke.

1 KARAENG-KARAENG 17:11

Ri wattu a'jappana anjo jandaya untu' angngalle je'ne' inung, akkio'mi Elia angkana, “Bu', kipangngerangngang tonga' sike'de' roti.”

PAMMUJI 104:15

nappa'nia' wassele' je'ne' anggoro' appakasannanga. Kammayatompa minynya' zaitun ampa'jari accayai tanja'na, siagang kanre assareai ke'nanga kagassingang.

YESAYA 3:1

Sitojenna, laNaalle ngasengi Batara Kaminang Koasaya sikamma parsadiaang kanrea siagang inunganga battu ri Yerusalem siagang Yehuda. Kammayatompa sikamma tau napattoanga ke'nanga:

MATIUS 6:11

Kisarei ikambe anne alloa apa naparalluanga ikambe.

HAKING-HAKING 13:15

Nampa nakana pole Manoah ri ia, “Kuminasai nakiattayang rolong sinampe', nanipappalluangki' bembe rungka.”

HAKING-HAKING 13:16

Mingka nakanamo anjo malaeka'Na Batara, “Manna kuttayang anrinni, mingka tena nalakukanre anjo apa nupatalaya sinampe'. Mingka punna ero' tojengko ampatalai, patalami anjo untu' a'jari koro'bang tunuang, na nipassareang mae ri Batara.” Tenapa naassengi Manoah anjo wattua angkana malaeka'Na Batara anjo naaganga a'bicara. Jari nakanamo, “Punna kamma kuminasai nakipau arenta. Sollanna punna kajariammo sallang anjo apa kipaua, akkullemi ikambe assareki' pappakala'biri' mae ri katte.”

HAKING-HAKING 19:5

Ri makaappa'na alloa, ambangung bari'basa' dudumi ke'nanga apparuru untu' a'lampa. Mingka nakanamo manggena anjo bainea mae ri anjo tu Lewia, “Angnganreko rolong sollannu gassing. Sinampeppa nu'lampa.”

HAKING-HAKING 6:18

Kupalaki naKiero' antayanga' rolong anrinni nakupatalangKi' kanre.” Appialimi Batara angkana, “Baji'mi Kutayangko sa'gennu ammotere'.”

HAKING-HAKING 6:19

Jari ammotere'mi Gideon. Nampa ammolong sikayu bembe rungka nanapallu. Angngalle tongi sampulo kilo labu' nampa appare' roti tenaya nammake pa'gambang. Le'baki anjo napantamami anjo dagenga ri karanjeng. Na je'ne'na napariuringi. Nampa naerang ngaseng anjo, mange napatala ri malaeka'Na Batara, niaka attayang ri rawanganna anjo poko' kayu terpentinga.