PA'JARIANG 18:32 - KITTA' MATANGKASA'

³² Kala'busanna nakanamo pole Abraham, “TeaKi' larroi Batara, sikali mama' la'bicara. Antekamma punna sampuloji bawang tau anjoreng?” Nakanamo Batara, “Punna nia' sampulo tau tena salana, talaKupanrakiai anjo kotaya.”

PA'JARIANG 18:32 ပူးပေါင်းရင်းမြစ်များ

PA'JARIANG 18:30

Nakanamo pole Abraham, “TeaKi' larroi Batara, pungku a'bicara ija. Antekamma punna tallumpuloji bawang tau?” Nakanamo Batara, “Punna nia' Kugappa tallumpulo tau talaKupa'jariai niakKu.”

PA'JARIANG 18:31

Nakanamo Abraham, “Kipammopporanga' lanri barani kupannarrusu'na anne bicaraya, Batara. Ebara' angkana ruampuloji bawang tau?” Appialimi Batara angkana, “Punna nia' Kugappa ruampulo tau, talaKupanrakiai anjo kotaya.”

PA'JARIANG 44:18

Majumi Yehuda a'reppese' ri Yusuf nampa nakana, “Pammopporanga', karaeng. Kisarema' sike'de' kasampatang a'bicara siagang ikatte. Teaki' larroi ri atanta karaeng. Ikatte sangkammaki' kalenna karaeng Mesir.

AYUB 33:23

Nakulle kapang kalase'renna sisa'bua malaeka'Na Allata'ala ampakaingakai rupataua ri tugasa'na, labattu antulungi.

PAMMUJI 86:5

IKatte bajikKi', o, Batara, Kingai ampamopporangi taua, tau appala' doanga mae ri Katte tuli Kikamaseangi siagang pangngamaseang alla'bi-la'bia.

KALAPPASSANG 32:14

Jari Napinrami Batara pattujunNa siagang ta'jariami Nagaukang anjo bala laNapabattua mae ri anjo bansaya.

PANGNGEBARANG 15:8

Natarimai Batara pappala' doanna tau bajika, mingka birisiki mae ri passarena tau ja'dalaka.

YESAYA 65:8

Nakana Batara, “Rappo anggoro' niaka ija je'ne'na tena nanipelaki, mingka nipa'jari je'ne' anggoro'. Kamma tomminjo bansaKu, tena nalanipanraki ngaseng, saba' nia' ija ri ke'nanga anynyomba mae ri Nakke.

YEREMIA 5:1

He pandudu'na Yerusalem, jappaimi sikontu aganga lalang ri kotanu! Boyai kemae-kemae, siagang ikau tommo anciniki. Paressai ri paranna kotaya maka nia' se're tau lambusu' nyawana, attojeng-tojenga ero' majarre' tappa'na mae ri Allata'ala? Punna nia', laNapammopporangi Batara Yerusalem.

MIKHA 7:18

Tena Allata'ala sangkammanTa, o Batara, ampammopporangai dosana umma' nipileNa niaka tassesa. Tena Kituli lalarro; kabalekanna, sannangi nyawaTa ampappicinikangi pangngainTa tenaya sanggana.

MATIUS 7:7

“Appalakko, nunisare. A'boyako, nunggappa. De'deki pakke'buka, nunisungkeang.

EFESUS 3:20

Lanri pappagio'na koasaNa Allata'ala lalang ri kalenta, akkullemi la'bi jaiangang Nagaukang Allata'ala, naia akkullea nipala' yareka ninawa-nawa.

HAKING-HAKING 6:39

Nakanamo ri Allata'ala, “Batara, teaKi' larroi punna a'bicara ija' pole. Boli'ma' kamma appare' pole se're pammatei siagang anne bulu gimbala' nigoncinga. Mingka kamma-kamma anne, ia anne bulu gimbalaka tuli kalotoro', nabuttana a'jari basa”.