PA'JARIANG 18:25 - KITTA' MATANGKASA'

²⁵ Tea laloi nanibunoi anjo tau tenaya salana assama-sama siagang tau salaya. TeaKi' Batara! Nasaba' punna kamma anjo laKigaukang, ma'nassa anjo tau tenaya salana lanipasihukkungi siagang tau niaka salana. Maka akkullei hakinna sikontu linoa la'gau' tena adele'!”

PA'JARIANG 18:25 ပူးပေါင်းရင်းမြစ်များ

PA'JARIANG 18:24

Ebara' angkana nia' limampulo tau tena salana lalang ri anjo kotaya, maka tena taKipanrakina anjo kotaya Karaeng? Maka takkulleai Kipammopporang sollanna akkulle salama' anjo tau limampuloa?

1 PATTOTTORANG 16:33

Poko'-poko' ri romang lama'gora rannu nasaba' battumi Batara untu' ammarenta ri lino.

2 PATTOTTORANG 19:7

Musti mallakko ri Batara, siagang tutuko lalang annappuki, lanri anjo Karaeng Allata'alata nakabirisi tau a'gau' jekkonga, tau battala' sialia ri se'reang kara-kara, siagang tau annarimaya doe' pacoco'.”

NEHEMIA 9:33

Adeleki tindakanTa, Kihukkungi anne ikambe dorakaya; tuli majarrekKi', manna jai callanna ikambe.

AYUB 34:10

He sikamma tau cara'deka, pilangngeri sai! Maka lakkullei Allata'ala Kaminang Koasaya anggaukangi kasalanga?

AYUB 34:12

TaNagaukangngai Allata'ala Kaminang Koasaya nikanaya kaja'dallang; sikontu taua Nasare ngaseng kaadelang.

AYUB 8:20

Mingka Allata'ala tale'bakai Nabokoi tau jarreka tappa'na, tale'baka tongi Natulung tau dorakaya.

AYUB 8:3

Tale'bakai Napa'jekko Allata'ala kaadelanga; tale'bakai salasa ampaentengi katojenganga.

PAMMUJI 50:6

Langika angkabarrangi angkanaya Naadeli Allata'ala umma'Na, angkana KalenNa Allata'ala hakinna.

PAMMUJI 58:11

Rannui tau lambusuka anciniki tau ja'dalaka nihukkung, na nabissai bangkenna lalang cera'na tau dorakaya.

PAMMUJI 7:12

Allata'ala haking adele', siwattu-wattu anghukkungi tu ja'dalaka.

PAMMUJI 75:3

Nakana Allata'ala, “Ri wattu le'bakamo Kupattantu, laKuadeli taua siagang adele'.

PAMMUJI 94:2

Ammenteng maKi', o, Hakinna sikontu linoa, Kiadelimi tau tampoa situru' panggaukanna ke'nanga.

PAMMUJI 98:9

Saba' battui untu' angngadeli linoa; bansa-bansaya laNaadeli siagang adele' na tojeng.

KATO'BA 3:17

Kupikkiriki angkana, laNaadeli Allata'ala tau bajika siagang tau kodia, nasaba' tunggala' passala' siagang tunggala' panggaukang, lakajariangi situru' wattu Napattantua Allata'ala.

KATO'BA 7:15

Tallasakku tena matu-matunna, mingka lalang tallasakku nia' kucini' kammaya anne: Nia' wattunna napanra' tau bajika, manna pole natau baji'. Nia' wattunna nala'bu umuru'na tau ja'dalaka, manna pole natuli nagaukang dosaya.

YEREMIA 11:20

Nampa appala' doamma' angkana, “O Batara Kaminang Koasaya, iKattemi haking adeleka; iKatte angngassengi pikkiranna siagang atinna taua. Anne parkaraku kubuangi mae ri Katte. Poro akkulle laloi kucini' angkanaya iKatte ambalasaki panggaukanna sikamma anjo taua.”

YEREMIA 12:1

“Punna kuerang parkaraku mae ri dallekanTa, o Batara, attantu la'buttimi angkanaya iKatte tojeng. Mingka ero' tonga' akkuta'nang mae ri Katte ri passala'na nikanaya kaadelang: Angngapai tau ja'dalaka naia kalumanynyang? Angngapa natau tenaya nalambusu' baji' panggappanna?

YEHEZKIEL 18:25

Nakulle kapang nia' tau akkana kamma anne, ‘Anjo tindakanNa Batara salai.’ Pilangngeri he tu Israel! Maka salai anjo tindakangKu? Ikaumi sala.

MALEAKHI 3:18

Lanaciniki pole ummakKu passimmaraenna dalle'na tau bajika siagang tau ja'dalaka, tau anynyombaya ri Nakke siagang tau tenaya nanynyomba ri Nakke.”

PAMMILANGNGANG 16:22

Mingka su'ju'mi Musa siagang Harun anynyomba siagang nakana, “O Allata'ala, iKattemi katallassang mae ri sikontu apa attallasaka. Punna sitauja bawang doraka, apaka larroKi' mae ri sikontu ummaka?”

2 KORINTUS 5:10

Nasaba' attantumi angkanaya lanierangki' mange andallekang ri pangadelanNa Almasi; siagang massing langgappa maki' pa'balasa' situru' apa le'baka nigaukang ri linoa anne, iamintu panggaukang baji' yareka panggaukang ja'dala'.

PAOLE 1:16

Anjo wattua kusarei ke'nanga tugasa' kamma anne: Parhatikangi passisala-salang niaka ammumba ri tangnga-tangngana bansanu. Sarei ke'nanga kaputusang adele', baji ri kara-kara niaka ri tau julu bansanu kammayatompa niaka ri bansa maraeng ammantanga ri alla'nu.

PAOLE 1:17

Takkulleai battala' siali kaputusannu; musti nupasangkamma-kamma ngasengi taua punna nuadeli, manna pole inai teako pasimmara'-maraengi. Teako mallakki manna pole ri nai, nasaba' anjo kaputusang nupattantua iamintu kaputusang battu ri Allata'ala. Punna nia' parkara battala' dudui nusa'ring, erangi mae ri nakke, sollanna inakke antappuki.

PAOLE 32:4

Batara Mappasalama'nu maporea, adeleki na sukku' baji' sikontu oloanNa. Allata'alanu tamamminra pa'mai'Na na matulusu' ri nyawa, manggaukangi ri bajika na ri siratanga.

IBRANI 12:23

Pa'rappungang sannaka suara'na nuhaderi – iamintu passibuntulanna ana'-ana' bungasa'Na Allata'ala, ia niaka areng-arenna tattulisi' lalang ri suruga. Allata'ala nudallekang, Hakinna sikontu rupataua. Roh-rohna tau bajika siagang tau le'bakamo nipasukku' tallasa'na nudallekang.

HAKING-HAKING 11:27

Tena, tena na sala ikambe mae ri kau. Ikau sala nasaba' nubunduki ikambe. Anne alloa Batarami haking untu' antappuki anne parkarana bansa Israel siagang bansa Amon.”