PA'JARIANG 18:15 - KITTA' MATANGKASA'

¹⁵ Lanri malla'na Sara, assassala'mi na nakana, “Tena kummakkala'.” Mingka appialimi Batara angkana, “Ammakkala' memangko sumpaeng.”

PA'JARIANG 18:15 ပူးပေါင်းရင်းမြစ်များ

PA'JARIANG 12:13

Jari bajikangngang paumi angkanaya ikau andikkuko, sollanna natallassia' siagang a'gau' baji' ke'nanga mae ri nakke passabakkang ikau.”

PA'JARIANG 18:14

Maka niakka apa tantamaya ri akkala' untu' Batara? Sangkamma Kupakkanaya sumpaeng, salapang bulang sallang labattua' pole mae anrinni. Na anjo wattua lamana'mi Sara sitau ana' bura'ne.”

PA'JARIANG 18:16

Le'baki anjo a'lampami anjo tallua toana na niantara' ri Abraham. Nabattumo ke'nanga ri se'reang tampa' akkullea nacini' ke'nanga kota Sodom.

PA'JARIANG 4:9

Akkuta'nammi Batara ri Kain angkana, “Kemaei Habel, andi'nu?” Appialimi Kain angkana, “Takuassengai. Apaka musti kujagai andikku?”

AYUB 2:10

Appialimi Ayub angkana, “Sangkammako tau dongoka a'bicara! Masa' bajikaji bawang ero' nitarima battu ri Allata'ala, nampa kodia lanitollaki?” Jari, manna pole nanituju Ayub ri sikontu anjo balaya, mingka tena nappasulu' kana-kana ambaliangi Allata'ala.

PAMMUJI 44:21

Ebara' angkana tenamo nanynyomba ikambe ri Allata'ala, passangalinna appala' doammi ri allata'ala maraeng,

PAMMUJI 44:22

mattantu laNaassengi Allata'ala, saba' Naassengi rahasiana atinna ikambe.

PANGNGEBARANG 12:19

Sipakkida mataji natassungkemo balle-ballea, mingka kana-kana tojenga latuli niaki satunggu-tungguna.

PANGNGEBARANG 28:13

Inai ancokkoi dosana tena nalaupa'. Inai angngakui, lanabokoi, nampa laNikamaseang ri Batara.

MARKUS 2:8

Anjo wattua Naasseng memammi Isa pikkiranna ke'nanga. Jari Nakanamo, “Angngapa nukkuta'nang kamma ngaseng lalang ri pa'mai'nu?

YOHANES 18:17

Nakanamo anjo baine pajaga timunganga ri Petrus, “He, sai ikau kalase'renna tongko ana' gurunna anjo taua?” Appialimi Petrus nakana, “Teai Nakke.”

YOHANES 2:25

Tena naparallu nipauang ri passala'na massing rupataua, lanri Naassenna ngaseng apa niaka lalang ri atinna rupataua.

ROMA 3:19

Kamma-kamma anne niassemmi angkanaya sikamma anjo tattulisika lalang ri hukkung-hukkung agama Yahudia, tattuju mae ri sikamma tau niaka irawangang pamarentahanna anjo hukkung-hukkunga. Lanri kammana, tenamo sitau akkulle appare' alasang siagang akkullei nituntu' ri Allata'ala sikontu bonena linoa.

EFESUS 4:23

Parallui niberui ngaseng sikontu pa'mai'nu siagang pikkirannu.

KOLOSE 3:9

Teako assiballe-ballei, nasaba' le'ba'mi nubokoi sipa'-sipa' katallassang sallonu.

1 YOHANES 1:8

Punna nikana tena nakidoraka, niballe-balleimi kalenta; taniassengami Allata'ala lalang ri atinta.