PA'JARIANG 17:9 - KITTA' MATANGKASA'

⁹ Nakanamo pole Allata'ala mae ri Abraham, “Ikau pole musti majarre' tongko' anta'galaki anne parjanjianga, baji' naikau kammayatompa sikontu lapisi'na turungannu.

PA'JARIANG 17:9 ပူးပေါင်းရင်းမြစ်များ

PA'JARIANG 17:23

Anjo memang alloa, naturukimi Abraham parentaNa Allata'ala, na nasunna'mo anjo ana'na iamintu Ismael, kammayatompa sikontu ana' bura'ne niaka lalang balla'na, siagang sikamma ata lassuka lalang balla'na yareka balla' naballia.

PA'JARIANG 18:19

Ia le'ba'mi Kupile sollanna naparentakang mae ri sikamma ana'-ana'na siagang turunganna untu' amminawang turu' ri Nakke kammayatompa nagaukang panggaukang bajika siagang adeleka. Punna nagaukangi ke'nanga anjo passalaka, sikontu janjingKu mae ri Abraham laKurupai ngasengi.”

PAMMUJI 103:18

mae ri tau anna'galaka ri parjanjianNa, na tamamminraya anggaukangi parentaNa.

PAMMUJI 25:10

Tau mannurukia ri parjanjianNa siagang hukkunNa, Nagau' kamasei siagang tamamminrayai.

KALAPPASSANG 19:5

Kamma-kamma anne punna mannurukiko mae ri Nakke siagang majarrekko ri parjanjiangKu, laKupa'jariko umma' KalengKu. Sikontu buttaya ikau ampatangi, mingka ikau la'jariko umma' nikarimangngingKu,