PA'JARIANG 17:6 - KITTA' MATANGKASA'

⁶ LaKusareko jai ana' cucu, siagang nia' battu ri ke'nanga la'jari karaeng sallang. Lasannaki jaina turungannu, sa'genna la'jari bansa-bansa ke'nanga.

PA'JARIANG 17:6 ပူးပေါင်းရင်းမြစ်များ

PA'JARIANG 13:16

LaKusareko turungang sannaka jaina, sa'genna manna sitau tania' akkulle ambilangi siapa jaina ke'nanga. Antekamma takkullena taua ambilangi siapa jaina kassi'na buttaya, sangkamma tomminjo takkullena lanibilang siapa jaina turungannu sallang.

PA'JARIANG 17:16

LaKubarakkaki anjo bainennu siagang lanalassukangi sitau ana' bura'ne ia laKupassareanga mae ri kau. LaKubarakkaki Sara, siagang iami la'jari anronna sikontu bansa-bansaya. Battu ri turunganna lania' siapa are jaina la'jari karaeng.”

PA'JARIANG 17:20

Mingka laKuturukiangko pappala'nu ri sesena Ismael. Lanri kammana nalaKubarakkaki Ishak siagang laKusarei turungang majai. Iami la'jari boe-boena sampuloa anrua kapala suku, siagang laKupa'jari turunganna se'reang bansa lompo.

PA'JARIANG 17:4

“Iaminne parjanjiang Kupareka siagang ikau: A'janjiA' angkanaya laKupa'jariko boe-boena jaia bansa. Lanri kammana teaimi Abram arennu, mingka Abraham.

PA'JARIANG 26:22

Nampa a'lette' battu anjoreng, siagang angngekemi pole bungung makatallua. Anjo wattua tena na'jari pa'beserang. Lanri kammana, naaremmi Ishak anjo bungunga “Kabebasang”. Nakanamo, “Kamma-kamma anne Nasare maki' Batara kabebasang untu' ammantang ri anne pa'rasanganga, siagang akkulle maki' a'jari baji' tallasatta anrinni.”

PA'JARIANG 28:3

Poro Allata'ala Kaminang Koasaya ambarakkaki pa'buntingannu siagang nasareko jai ana'-cucu, sa'gennu a'jari boena jaia bansa!

PA'JARIANG 35:11

Nampa Nakana pole Allata'ala, “INakkemi Allata'ala Kaminang Koasaya. Ammana'-mana' mako siagang accucu-cucu mako jai. Ikaumi lanakabattui bansa-bansa siagang la'jari boena sikamma karaenga.

PA'JARIANG 41:52

Nakanamo pole, “Nasarema' ana' Allata'ala ilalang ri kasukkarrangku.” Nampa naareng anjo ana' makaruaya “Efraim”.

PA'JARIANG 47:27

Kammaminjo lampa-lampana nammantammo tu Israel ri Mesir, ri Daera Gosyen. A'jari kalumanynyammi ke'nanga, siagang ammana'-mana' anjoreng.

PA'JARIANG 48:3

Nakanamo Yakub mae ri Yusuf, “Le'ba'mi Napappicinikang KalenNa Allata'ala Kaminang Koasaya mae ri nakke ri Lus, ri butta Kanaan, siagang le'ba'ma' Nabarakkaki.

PA'JARIANG 48:4

Nakana ri nakke, ‘LaKusareko jai cucu, sollanna a'jari jai bansa turungannu; laKupassareangi anne pa'rasanganga mae ri turungannu, a'jari napatang sa'genna satunggu-tungguna.’ ”

EZRA 4:20

Le'baki nia' siapa are karaeng barani ammarenta anjoreng siagang nakoasai sikontu daera propinsi bageang ilau', nampa appajappa paja' siagang passare mae ri karaenga.

KAIMANGNGANG 26:9

LaKubarakkakiko siagang laKupa'jari jai ana' cucunnu. Sikamma apa Kupa'janjianga mae ri kau mattantu laKurupainna.