PA'JARIANG 17:17 - KITTA' MATANGKASA'

¹⁷ Nampa su'ju'mo Abraham. Mingka ammakkala'mi napikkiri'na angkanaya, “Antekamma batena se'rea bura'ne narapikamo sibilangngang taung umuru'na lakkulle anggappa ana'? Antekamma batena lakkulle Sara allassukang ana' ri umuru' salapang puloa taung?”

PA'JARIANG 17:17 ပူးပေါင်းရင်းမြစ်များ

PA'JARIANG 17:18

Nakanamo ri Allata'ala, “Bajikangngang Ismaelmo a'jari warisi'na turungangku.”

PA'JARIANG 17:3

Su'ju'mi Abram, nampa Nakanamo Allata'ala,

PA'JARIANG 18:11

Na anjo Abraham siagang Sara sanna' sikalimi toana ke'nanga, siagang tenamo nabattu bulanna Sara.

PA'JARIANG 18:12

Lanri kammana minjo nammakkala'mo Sara lalang ri pa'mai'na na nakana, “Maka inakke anne tau toa kammaya siagang kalumeng kammaya, lakkulle ija sikatinroang siagang bura'nengku? Nampa pole bura'nengku toa tommi.”

PA'JARIANG 21:5

Anjo wattua umuru'na Abraham sibilangngang taung nampa lassu' Ishak.

PA'JARIANG 21:6

Nakanamo Sara, “Napa'jarima' ammakkala', lanri rannuku. Sikontu tau allangngerekai anne passalaka larannu ngasengi ammakkala' siagang inakke.”

PA'JARIANG 21:7

Nampa nakana pole, “Inai le'ba' angkana ri bura'nengku angkanaya lakkullea' lappasusu ana'? Mingka kamma-kamma anne ammana'ma', manna pole nasanna'mo toana bura'nengku.”

1 PATTOTTORANG 21:16

Naciniki Daud anjo malaekaka allayang ri alla'na langika siagang buttaya. Nia' pa'dang lalang limanna, nasadia anjo malaekaka angngancuruki Yerusalem. Na anjo wattua, Daud siagang sikamma pamimping-pamimping ra'yaka, ammakemi care-care karung a'jari pammatei angkanaya assesse'lalammi ke'nanga, nasu'ju' ke'nanga naung ri buttaya.

AYUB 1:20

Nampa ammentemmi Ayub na nakekke' pakeanna tanra susana. Nacukkuru'mi ulunna, nampa su'ju' na nakana,

YEHEZKIEL 1:28

a'rupa-rupa cura'na sangkamma tarawe. Iaminjo singara' accaya, ampa'nyatayai kahaderanNa Batara. Kucini'na anjo sikammaya, tu'guru'ma' attinompang, a'dalle' naung ri buttaya. Nampa nia'mo sa'ra kulangngere' angkana,

DANIEL 8:17

Jari Gabriel, anjo ammentenga ri dallekangku a'reppese'mi mae ri nakke. Sanna'mi malla'na kusa'ring, sa'gengku anra'ba. Nakanamo Gabriel ri nakke, “He tau, musti nuassengi battuanna anjo apa nucinika, angkanaya anjo passala'na kala'busang jammanga.”

KAIMANGNGANG 9:24

Ti'ring Napanaummi Batara pepeka nanakanre sa'genna la'busu' koro'bang nitunua siagang bageang-bageang niaka jannana irate ri tampa' pakkoro'bangnganga. Nacini'na umma' Israel anjo kammaya, a'gora-gora rannumi ke'nanga nampa su'ju' anynyomba.

PAMMILANGNGANG 14:5

Nampa su'ju'mo Musa siagang Harun ri dallekanna sikontu ra'yaka.

PAMMILANGNGANG 16:22

Mingka su'ju'mi Musa siagang Harun anynyomba siagang nakana, “O Allata'ala, iKattemi katallassang mae ri sikontu apa attallasaka. Punna sitauja bawang doraka, apaka larroKi' mae ri sikontu ummaka?”

PAMMILANGNGANG 16:45

“Ammono'bokoko battu ri sikamma anjo taua. LaKupanraki anjo ke'nanga ri anjo memang tampaka!” Su'ju'mi ke'nanga sipa'rua anynyomba,

MATIUS 2:11

Antama'mi ke'nanga ri pammantanganna anjo Anaka. Nabuntulu'mi anjo Anaka siagang Maria amma'Na. Su'ju'mi ke'nanga anynyomba ri anjo Anaka. Nampa massing nasungke roko'-roko'na ke'nanga, namassing assare koro'bang, iamintu bulaeng, kamanynyang, siagang mur.

LUKAS 1:18

Akkuta'nammi Zakharia ri anjo malaekaka nakana, “Antekamma batena nakkulle kupahang angkanaya lakajariang tojengi anjo kipakkanaya? Nasaba' inakke toama', na tu ri ballakku toa tommi.”

YOHANES 8:56

Sannang sikali nyawana manggenu Abraham lanri lanaciniki allongKu. Ba'lalo nacini'mi siagang sannammi nyawana!”

PAOLE 9:18

Nampa su'ju'ma' pole sikalipi ri dallekanNa Batara irate ri coppo'na monconga patampulo allo siagang patampulo bangngi, tamangnganre tangnginung. Nakugaukang anjo kammaya lanri doraka mako mae ri Batara nasaba' nugaukannamo apa ja'dalaka ri dallekanNa, sa'genna a'jari larro.

PAOLE 9:25

Kuassengi angkanaya ero' tojeng-tojengi Batara angngancurukko. Jari su'ju'ma' ri dallekanNa Batara patampulo allo patampulo bangngi,

YOSUA 5:14

Appialimi anjo taua angkana, “Teai agang, siagang teai todong bali. Inakke battua' mae anrinni salaku panglimana tantaraNa Batara.” Nalangngere'na Yosua pappialinna anjo taua, su'ju'mi anynyomba ri anjo taua. Angkanami Yosua, “Inakke anne atanta' karaeng. Apa akkulle kugaukang untu' ikatte?”

YOSUA 7:6

Sanna'mi si'nana pa'mai'na Yosua siagang sikamma pamimping umma'na Israel sa'genna nakekke'-kekke' pakeanna ke'nanga, siagang su'ju'mi ke'nanga sila'busu' allo ri dallekanna Patti ParjanjianNa Batara; nasareimi au ulunna ke'nanga salaku pammatei ri si'nana pa'mai'na ke'nanga.

PAPPICINI' 11:16

Jari su'ju'mi anynyomba ri dallekanNa Allata'ala anjo ruampuloa angngappa' pamimping, niaka ammempo ri empoang kala'biranna ke'nanga.

PAPPICINI' 5:8

Ri wattu appakammana anjo Ana' Gimbalaka, su'ju'mi naung anjo appaka anu attallasa' siagang anjo ruampuloa angngappa' pamimping ri dallekanNa anjo Ana' Gimbalaka. Massing anna'galaki kacaping siagang mangko' bulaeng niaka kamanynyanna anjo ke'nanga, iamintu pappala' doanganna Umma'Na Allata'ala.

HAKING-HAKING 13:20

Lalang a'rinrana nai' anjo pepeka battu ri tampa' pakkoro'bangnganga, nacini'mi Manoah siagang bainenna anjo malaekaka lalang pepe' nai' ri langika. Nampami naasseng Manoah angkana malaeka'Na Batara anjo battua; Jari su'ju'mi siagang bainenna anynyomba. Ribokoanganna tale'bakami nacini' pole ke'nanga anjo malaekaka.