PA'JARIANG 16:6 - KITTA' MATANGKASA'

⁶ Appialimi Abram angkana, “Baji'mi. Anjo Hagar atannu, siagang koasako ri kalenna; gaukammi mae ri ia apa ero'nu.” Jari sanna'mi sekke'na Sarai mae ri Hagar, sa'genna larimo Hagar.

PA'JARIANG 16:6 ပူးပေါင်းရင်းမြစ်များ

PA'JARIANG 16:9

Nakanamo anjo malaekaka, “Ammotere'mako mae ri ia siagang layani ammotere'.”

PA'JARIANG 24:10

Angngallemi anjo suroa sampulo kayunna unta siagang sangka' rupa barang-baranna karaenna ia tinggia anggaranna, nampa a'lampa mange ri kota napammantangia Nahor ri wattu tallasa'na. Pammantanganna anjo kotaya iamintu warakkanna Mesopotamia.

AYUB 2:6

Nakanamo Batara mae ri lapung Panggoda, “Baji'mi, gaukammi apa eroka nugaukang mae ri Ia, assala' teako bunoi.”

KALAPPASSANG 2:15

Ri wattunna nalangngere' karaenga anjo apa kajarianga, a'boyami akkala' untu' ambunoi Musa. Mingka larimi Musa nampa ammantang ri pa'rasangang Midian. Imang battua ri Midian, niarenga Yitro, nia' tuju ana' bainena. Ri se'reang allo, ri wattunna sitabang ammempo Musa ri ampi'na se'reang bungung, battumi anjo tujua ana' tulolonna Yitro untu' anynye'ro' je'ne' siagang ambonei tampa' pangnginungang bembena siagang gimbala'na manggena ke'nanga.

PANGNGEBARANG 14:29

Tau cara'deka talintakai larro; tau dongoka takkulleai nalewai kalenna.

PANGNGEBARANG 15:1

Pappiali lammaya, ampa'jari naungi larroa; pappiali passea appaumbai larro.

PANGNGEBARANG 27:8

Tau ambokoiyai balla'na, sanrapang jangang-jangang ambokoi ru'munna.

PANGNGEBARANG 29:19

Ataya takkulleai niajara' siagang poro kana-kana bawang. Napahangi, mingka tena naparhatikangi.

KATO'BA 10:4

Punna nikalarroiko ri tukoasaya, teako palaki ammari anjama. Manna lompo kasalannu, nipammopporangko punna sannangko siagang sa'barakko.

YEREMIA 38:5

Appialimi Karaeng Zedekia nakana, “Baji'mi! Gaukammi mae ri ia situru' ero'nu, tena kukkulle ampisangkaiko.”

YOSUA 9:25

Kamma-kamma anne nia'mi ikambe lalang kakoasanta. Kigaukammi mae ri kambe apa kikanaya baji' ri pikkiranta.”

1 PETRUS 3:7

Ikau pole, sikamma bura'-bura'nea, parallui baji' pammahannu mae ri bainennu; parallui nuasseng angkanaya anjo tubai'-bainea tau lammai. Bajiki panggaukannu mae ri ia, nasaba' lasiagang ngasengko ke'nanga lantarimai passare lammoro'Na Allata'ala iamintu katallassang sitojennaya. Gaukangi anne kammaya, sollanna tena anrompai pappala' doangannu.