PA'JARIANG 15:7 - KITTA' MATANGKASA'

⁷ Nampa Nakana pole Batara ri ia, “INakkemi Batara, le'baka anrurungangko assulu' battu ri pa'rasangang Ur ri Babilonia, sollanna Kupassareang anne buttaya mae ri kau untu' nukammai.”

PA'JARIANG 15:7 ပူးပေါင်းရင်းမြစ်များ

PA'JARIANG 12:1

Nakanamo Batara ri Abram, “Bokoi pa'rasangannu, sikontu bija-bijannu siagang balla'na manggenu, nunampa a'lampa mange ri se'reang pa'rasangang laKupappicinikanga mae ri kau.

PA'JARIANG 12:7

Napappicinikammi KalenNa Batara mae ri Abram na Nakana ri ia, “Iaminne pa'rasangang laKupassareanga mae ri sossorannu.” Nampa ambangummo Abram se're tampa' pakkoro'bangngang anjoreng untu' Batara, ia le'baka ampappicinikangi KalenNa mae ri ia.

PA'JARIANG 28:4

Poro Nabarakkakiko Batara siagang turungannu, sangkamma le'ba'na Nabarakkaki Abraham. Kammayatompa poro nukammai anne butta nupammantangngia, le'baka Napassareang Allata'ala mae ri Abraham!”

PA'JARIANG 50:24

Nakanamo ri sikamma sari'battanna, “A'birimmi narapi' a'jalakku, mingka mattantu laNaparakai ngasengko siagang laNapimpingko Allata'ala assulu' battu ri anne pa'rasanganga mange ri pa'rasangang le'baka Napa'janjiang siagang sumpa mae ri Abraham, Ishak siagang Yakub.”

PAMMUJI 105:11

Nakana, “Butta Kanaan laKupassareangi mae ri kau, a'jari pisaka nupatanga.”

PAMMUJI 105:42

Saba' Nau'rangi Batara janjinNa mae ri Abraham, atanNa.

PAMMUJI 105:44

Buttana bansa-bansaya Nasareangi ke'nanga, koko-kokonna ke'nanga Napa'jari umma'Na pata,

KALAPPASSANG 32:13

Kiu'rangi sikamma atanTa Abraham, Ishak siagang Yakub. Kiu'rangi angkanaya assumpaKi' a'janji untu' assarei ke'nanga jari-jari rapang bintoeng ri langi' jaina, kammayatompa angkanaya sikontu anjo butta Kipa'janjianga lanapatangi jari-jarina ke'nanga sa'genna satunggu-tungguna.”

PAMMILANGNGANG 33:53

Anjo buttaya musti nuallei siagang nuempoi, nasaba' le'ba'mi Kupassareang mae ri kau.

ROMA 4:13

A'janjimi Allata'ala mae ri Abraham siagang sossoranna, angkanaya anne linoa la'jari warisi'nai Abraham. Na'janji kamma anjo Allata'ala teai lanri naturukinna Abraham hukkung-hukkung agama Yahudia, passangalinna lanri tappa'na mae ri Allata'ala sa'genna nitarimamo a'jari tau nikarannuang ri atinNa Allata'ala.

PAOLE 3:18

Anjo memang wattua kusaremi ke'nanga parenta kammaya anne: Nasareko Karaeng Allata'alanu daera rayanganna Binanga Yordan untu' a'jari pammantangngannu. Mingka sikontu tantaranu musti angngerangi sanjata nampa a'limbang ri Binanga Yordan ri dallekanna suku-suku Israel maraenga.