PA'JARIANG 15:5 - KITTA' MATANGKASA'

⁵ Nierammi Abram ri Batara assulukang, nampa Nakana Batara ri ia, “Ciniki langika, siagang coba sai nubilang sikamma bintoenga; lasangkammai anjo bintoenga jaina turungannu.”

PA'JARIANG 15:5 ပူးပေါင်းရင်းမြစ်များ

PA'JARIANG 12:2

LaKusareko bija majai, siagang laKupa'jari ke'nanga bansa lompo ri lino. LaKubarakkakiko siagang laKupa'jari masahoroki arennu, sa'gennu la'jari barakka'.

PA'JARIANG 13:16

LaKusareko turungang sannaka jaina, sa'genna manna sitau tania' akkulle ambilangi siapa jaina ke'nanga. Antekamma takkullena taua ambilangi siapa jaina kassi'na buttaya, sangkamma tomminjo takkullena lanibilang siapa jaina turungannu sallang.

PA'JARIANG 16:10

Nakanamo pole anjo malaekaka, “Lakusareko sanna' jaina ana' cucu, sa'genna tena manna sitau akkulle ambilangi jaina ke'nanga.

PA'JARIANG 17:2

LappareKa' parjanjiang siagang ikau siagang laKusareko turungang jai.”

PA'JARIANG 22:17

laKubarakkakiko alla'bi-la'bi siagang laKupa'jari jai turungannu sanrapang bintoenga jaina ri langi' siagang sanrapang kassika jaina ri biring tamparanga. Sikamma ana'-cucunnu lanabeta ngasengi sikamma musunna ke'nanga.

PA'JARIANG 26:4

LaKusareko ana'-cucu sanrapang bintoenga ri langi' jaina, siagang sikontu anne daeraya laKupassareangi mae ri ke'nanga. Sikontu bansaya ri lino lappala' ngasengi ri kau sollanna Kubarakkaki ke'nanga sangkamma le'ba'na Kubarakkaki turungannu.

PA'JARIANG 28:14

Turungannu lasangkammai limbu'buka ri lino jaina. Lanapakaluaraki daerana ke'nanga mange ri kere-kere mae. Siagang tete ri kau siagang turungannu nalaKubarakkaki sikontu bansaya ri lino.

PA'JARIANG 32:13

Le'baki a'bangngi anjoreng, naallemi sipa'gang olo'-olo'na Yakub, untu' lanahadiakang mae ri Esau. Anjo hadiaya iamintu: ruambilangngang bembe gana, ruampulo bembe laki, ruambilangngang gimbala' gana, ruampulo gimbala' laki, tallumpulo unta appasusua siagang ana'na, patampulo sapi gana, sampulo sapi laki, ruampulo keledai gana, siagang sampulo keledai laki.

1 KARAENG-KARAENG 3:8

Niakka' ri tangnga-tangngana bansaku ia le'baka Kipile untu' a'jari umma' KalenTa. Ia ke'nanga se're bansa lompo tenaya nakkulle nirekeng jaina.

1 PATTOTTORANG 27:23

Tena nasuro bilangi Karaeng Daud tau rawangang ruampulo taunga umuru'na, nasaba' le'ba'mi a'janji Batara laNapa'jari jai bilanna tu Israel sangkamma bintoenga jaina ri langi'.

NEHEMIA 9:23

Kipa'jari turunganna ke'nanga sanrapang bintoeng ri langi' jaina, Kisarei butta ke'nanga untu' napammantangngi, butta le'baka Kipa'janjiang ri boena ke'nanga.

AYUB 35:5

Ciniki langika siagang parhatikangi antekamma tinggina rammanga.

PAMMUJI 147:4

Napattantui jaina bintoenga ri langi', siagang massing Nasarei areng.

KALAPPASSANG 32:13

Kiu'rangi sikamma atanTa Abraham, Ishak siagang Yakub. Kiu'rangi angkanaya assumpaKi' a'janji untu' assarei ke'nanga jari-jari rapang bintoeng ri langi' jaina, kammayatompa angkanaya sikontu anjo butta Kipa'janjianga lanapatangi jari-jarina ke'nanga sa'genna satunggu-tungguna.”

YESAYA 51:2

U'rangi boe-boenu Abraham siagang Sara; wattunna Kukio' Abraham natena ana'na; nampa Kubarakkaki siagang Kusarei turungang jai.

YEREMIA 33:22

LaKutambai jari-jarina atangKu Daud siagang imang-imang suku Lewi, sa'genna anjo ke'nanga a'jari rapangi kassi' ri biring tamparanga jaina siagang bintoenga ri langika tenaya nakkulle nirekeng jaina.”

ROMA 4:18

Tuli ma'minasana siagang tuli tappa'na Abraham manna natenamo panrannuang. Iaminjo saba'na na'jari bapa'mo mae ri jaia bansa. Sangkamma niaka tattulisi' lalang ri Kittaka, angkanaya, “La'jari sanna' jaina sossorannu.”

PAOLE 1:10

lanri pila' Napa'jari jai mako Karaeng Allata'alanu, rapang bintoenga ri langika jaina.

PAOLE 10:22

Ri wattunna a'lampa boe-boenu mange ri Mesir, anjo jaina ke'nanga tuju puloji tau. Mingka Napa'jari jaimi Karaeng Allata'alanu anjo ke'nanga a'jari sanrapang bintoenga ri langika jaina.”

IBRANI 11:12

Manna pole nakanamo tulamate duduamo kalenna Abraham anjo wattua, mingka battu ri iami ammumba jaia sossorang, tenaya nakkulle nibilang jaina – sanrapanga bintoeng ri langi' yareka kassi' ri biring tamparang jaina.

YOSUA 24:3

Nampa Kualle Abraham, anjo boe-boenu, battu ri anjo pa'rasangang ba'leanna Binanga Efrat, nampa Kusuro alla'bang anjappai sikontu pa'rasangang Kanaan. Kusarei jai turungang. Uru-uruna Kupassareangi Ishak mae ri ia,