PA'JARIANG 14:22 - KITTA' MATANGKASA'

²² Mingka appialimi Abram nakana, “Assumpa' ri dallekanNa Batara, Allata'ala Kaminang Tinggia, ampa'jariai langika siagang buttaya,

PA'JARIANG 14:22 ပူးပေါင်းရင်းမြစ်များ

PA'JARIANG 14:21

Nampa nakanamo karaeng Sodom mae ri Abram, “Allemi anjo barang-barang le'baka nirampasa', mingka kupalaki nakipoterang mae ri nakke sikamma taungku.”

PA'JARIANG 17:1

Ri wattunna salapampulo assalapang taung umuru'na Abram, Napappicinikammi KalenNa Batara mae ri ia na Nakana, “INakkemi Allata'ala Kaminang Koasaya. Turuki laloA' siagang tuli gaukangi erokKu.

PA'JARIANG 21:33

Nampa a'lamummo Abraham se're poko' kayu niarenga tamariska ri Bersyeba, siagang appakkaramula anjo wattua napakemi anjo tampaka untu' anynyomba ri Batara, Allata'ala mannannunganga.

PA'JARIANG 24:3

Assumpamako lanri Batara, Allata'ala makoasaya ri langika siagang ri buttaya, angkanaya tena nalanupa'boyang baine anakku Ishak battu ri alla'na anne sikamma tu Kanaan.

2 SAMUEL 2:5

akkirimmi tunisuro mange anjoreng angngerang pasang angkana, “Dasi-dasi Nabarakkaki ngasengko Batara, lanri nupappicinikanna tamamminrana pa'mai'nu mae ri karaennu, iamintu lanri nutarawanna maya'na.

2 KARAENG-KARAENG 5:16

Appialimi Elisa angkana, “Lanri Batara mattallasaka, iamintu kulayania, tena nalakualle manna pole passare apa.” Napassa-passami Naaman sollanna ero' Elisa antarimai passarena, mingka tuli teana Elisa angngallei.

1 PATTOTTORANG 29:11

Malompo tojengKi' siagang makoasaKi'. Mala'birikKi', kabarra-barraKi', siagang ri Kattemi kalompoanga. Sikontu apa-apa niaka ri langi' siagang ri buttaya iKatte ngaseng pata, iKatte Karaeng Lompo, makoasaya mae ri sikontu-kontuna.

PAMMUJI 144:11

Kilappassanga' battu ri pa'danna tau pallaka; Kipasalamaka' battu ri kakoasanNa bansa maraenga nangaia a'balle-balle siagang annipu, siagang appare' sumpa nipare'-pare'.

PAMMUJI 144:8

nangaia a'balle-balle siagang annipu siagang appare' sumpa nipare'-pare'.

PAMMUJI 24:1

Pammujina Daud. Batara pata sikontu linoa siagang bonena, linoa siagang sikontu ammantanga ilalang.

PAMMUJI 83:18

Boli'mi kamma tuli nipakasiri' siagang malla' ke'nanga, boli'mi kamma mate lalang hina ke'nanga.

KALAPPASSANG 6:8

Sikontu anjo pasanNa Batara napabattui Musa mae ri bansa Israel, mingka taerokai ke'nanga anjampangi Musa, lanri tappu' minasami ke'nanga napakamma anjo sessanamo ke'nanga nipare' ata.

YESAYA 57:15

Saba' kammaminne kananNa Allata'ala Kaminang Tinggia na matangkasa', makoasaya sa'genna satunggu-tungguna, “AmmantangA' ri tampa' tinggia siagang tangkasaka, mingka ammantang tongA' ri alla'na tau tuna pa'maika siagang tau assesse' lalanga lanri dosa-dosana, untu' ampamollei sumanga'na siagang panrannuanna ke'nanga.

DANIEL 12:7

Anjo maraenganga naangkaki rua-rua limanna nai' ri langika. Kulangngereki assumpa lanri Allata'ala mannannunganga siagang nakana, “Anjo sikamma kajarianga lanarapiki sa'genna tallu sitangnga taung. Punna le'ba'mo passessaya ri umma'Na Allata'ala, lakala'busang tommi anjo sikamma kajariang appakalannasaka.”

DANIEL 4:34

Ri wattunna allalomo anjo wattu tuju taunga sallona, accongama' nai' ri langika, nampa ammotere'mo pangngu'rangingku. Jari kupujimi Allata'ala Kaminang Tinggia. Kupakalompoi siagang kupakala'biriki anjo Allata'ala mattallasaka mannannungang. “Allata'ala la'jari Karaeng untu' satunggu-tungguna. Ia makoasa ri sikontu jammanga.

HAGAI 2:8

Sikontu bulaenga siagang peraka ri anne linoa, iNakke kabusu' pata.

PAOLE 10:14

Karaeng Allata'alanu ampatangi langi' kaminang tinggia; kammayatompa buttaya siagang sikontu apa-apa niaka ri tompo'na Ia ngaseng pata.

PAOLE 32:40

INakke tojeng-tojemmi Mattallasaka, iNakke Allata'ala, Kuangkaki limangKu naKuassumpa:

HAKING-HAKING 11:35

Kamma nacini'na Yefta anjo ana'na, sanna'mi si'nana nyawana. Nakkeke'-kekke'mi bajunna, na nakana, “O Anakku, panra'mi atingku! Le'ba'ma' assumpa ri Batara, na takkulleamo kupinra!”