PA'JARIANG 14:20 - KITTA' MATANGKASA'

²⁰ Nipujimi Allata'ala Kaminang Tinggia, assareako pammetang mae ri musunnu.” Le'baki anjo napassareammi Abram mange ri Melkisedek bage sampulona sikontu anjo barang le'baka nirampasa' nanaalle naerang ammotere'.

PA'JARIANG 14:20 ပူးပေါင်းရင်းမြစ်များ

PA'JARIANG 14:21

Nampa nakanamo karaeng Sodom mae ri Abram, “Allemi anjo barang-barang le'baka nirampasa', mingka kupalaki nakipoterang mae ri nakke sikamma taungku.”

PA'JARIANG 24:27

Nakana, “Nipujimi Batara, Allata'alana karaengku Abraham. Ma'nassa akkana sitappa' tojengi Batara siagang baji' pa'maiki mae ri karaengku Abraham. KalenNa ampimpinga' tulusu' mae ri bija pammanakanna.”

PA'JARIANG 28:22

Nampa lakupassareang mae ri Batara bage sampulona sikontu apa Napassareanga Batara mae ri nakke. Anne batu pangngu'rangi kupaentenga la'jari tampa' panynyombang mange ri Batara.”

PA'JARIANG 47:24

Punna wattu pakkattoang, musti nupassareangi bage limanna wassele'na mae ri karaenga. La'binnaya akkullei nupake untu' a'jari bine siagang untu' nukanre siagang kaluarganu.”

PA'JARIANG 47:26

Nampa napa'jarimo Yusuf anjo passalaka undang-undang ri Mesir, iamintu angkanaya bage limanna wassele' pakkattoanga musti a'jari karaeng pata. Sa'genna kamma-kamma anne nipake iji anjo undang-undanga. Ia bawang sikamma tampa'na imang-imanga tena na'jari karaeng pata.

PA'JARIANG 9:26

Nipujimi Batara, Allata'alana Sem! Kanaan la'jari atai mae ri Sem.

2 SAMUEL 18:28

Akkio'mi Ahimaas a'bari sallang ri karaenga, nampa su'ju' siagang nakana, “Nipujimi arenNa Karaeng Allata'alata, le'baka ampassareangi mae ri katte sikamma tau angngewaya mae ri katte!”

2 PATTOTTORANG 31:12

nampa naboli' anjo sikontu passarea siagang passare bage sampuloa battu ri pa'barang-baranganna ra'yaka lalang ri anjo gudang-gudanga. Nia' sitau tu Lewi niarenga Konanya nisare tugasa' untu' pangawasa', siagang andi'na niarenga Simei a'jari pambantuna.

NEHEMIA 10:37

Lanaerangi ikambe mae ri imanga ri Balla'Na Batara ri Yerusalem gandung nileoka, ia uru niallea taung-taung, kammayatompa apa-apa nipassareang maraengannaya kammayami anggoro', minynya' zaitun siagang sikamma rappo-rappoanga. Passare bage sampuloa battu ri wassele' kokonna ikambe, lanaerangi ikambe mange ri tu Lewi, ia ampasse'reai anjo passare bage sampuloa ri kota-kotana pamarria.

NEHEMIA 13:12

Nampa kusuro sikontu ra'yaka assare pole bage sampulo gandung, anggoro', minynya' zaitun, nampa naerang mange ri kamara' parsadiaanga.

PAMMUJI 144:1

Battu ri Daud. Pujimi Batara pa'la'langangku! Ia angngajaraka' a'bundu', siagang allatia' assiba'ji.

PAMMUJI 44:3

IKatte kalenTa ambongkai bansa-bansaya sollanna ammantang ummatTa ri pa'rasanganna ke'nanga. Bansa-bansa maraenga Kicilakai, mingka ummatTa Kilappassang a'bakka'-bakka'.

PAMMUJI 68:19

Naiki Batara ri tampa' tinggia; jai tunitahang Naerang. Annarimai passare battu ri alla'na rupataua ba'lalo battu ri alla'na tau mangngewaya ri Ia; sollanna ammantang ke'nanga assipammantangngang Karaeng Allata'ala.

KALAPPASSANG 18:10

siagang nakanamo, “Nipujimi Batara le'baka ampasalamakko battu ri limanna Karaeng Mesir siagang ra'ya'na. Nipujimi Batara le'baka allappassangi bansa Israel battu ri nipare' ataya.

AMOS 4:4

Nakana Batara Kaminang Tinggia, “He umma' Israel! A'lampa lalo mako mange ri tampa' ibadaya ri Betel, siagang gaukammi dosaya anjoreng! A'lampako mange ri Gilgal siagang gaukammi dosaya situru' pangngainnu! Assare mako koro'bang tunggala' bari'basa', siagang angngerang bage sampulona battu ri sikontu alle polenu lalang tunggala' tallungalloa!

MALEAKHI 3:10

Erang ngasengi bage sampulona panggappannu mange ri BallakKu sollanna nia' kanre alla'bi-la'bi anjoreng. So'riMa', nalanucini' angkanaya Kusungkei sikamma pakke'bu'na surugaya siagang Kupila'juiko kabajikang.

MALEAKHI 3:8

Kamma-kamma anne akkuta'nanga' mae ri kau: Maka akkullei rupataua antipui Allata'ala? Tantu tena nakkulle. Mingka kamma tonji annipunu. Akkuta'nangko angkana, ‘Antekamma batena annipu ikambe?’ PialingKu: Lalang a'bayara'nu bage sampulo battu ri panggappannu siagang lalang assarenu passare.

PAMMILANGNGANG 28:26

Ri allo makase'rena Allo Lompo Pakkattoanga, allo lompo lappasa'na tappintujua tattuju allo, ri wattunna nupassareang gandung berua mae ri Batara, musti asse're ngasengko untu' anggaukangi ibadaya, siagang takkulleako anggaukangi jama-jamang battalaka.

LUKAS 18:12

Pinruanga' appuasa lalanna sidaminggua, siagang kukoro'bangkangi bage sampulona panggappa-gappangku mae ri Katte.’

ROMA 15:16

Napa'jarima' palayanNa Isa Almasi, sollangku nisuro mae ri bansa pantaranganna bansa Yahudia, iamintu bansa-bansa maraenga. Nipa'jarima' imang sollanna kubirittakang Kabara' Baji' battua ri Allata'ala mae ri ke'nanga, sollanna akkulle ke'nanga nitarima a'jari koro'bang mae ri Allata'ala. Kuminasai ke'nanga nanitangkasi ri RohNa Allata'ala, sollanna akkulle a'jari koro'bang matangkasa' mae ri Allata'ala.

EFESUS 1:3

Nipujimi Allata'ala, ManggeNa Batarata Isa Almasi. Iami ambarakkakiki' siagang sikontu barakka' rohani lalang ri suruga, lanri a'jari se'reta siagang Almasi.

PAOLE 12:17

Ri tampa' pammantangngannu takkulleako angkanrei passare bage sampulona panggappannu battu ri gandunga, battu ri anggoro'nu, battu ri minynya' zaitunnu, battu ri sapinu, bembenu siagang gimbala'nu bungasa' lassuka, koro'bang pa'bayara' tinja'nu, koro'bang ero' kalennu yareka passare maraengannaya.

PAOLE 14:23

Ri dallekanNa Karaeng Allata'alanu, ri tampa' le'baka Napile, untu' tampa' panynyombang musti nukanrei passare bage sampulona gandunnu, je'ne' anggoro'nu, minynya' zaitunnu, kammayatompa ana' sapi, ana' gimbala' siagang ana' bembenu bungasa' lassuka. Gaukangi anjo kammaya sollannu tuli akkulle appilajara' ampakala'biriki Karaeng Allata'alanu satunggu-tungguna.

PAOLE 14:28

Ri kala'busang tunggala' taung makatallua, musti nuerangi bage sampulona wassele' buttanu nampa nupasse're ri kota-kotanu.

YOSUA 10:42

Lalang sikali bawang pa'bundukang na nabeta ngaseng Yosua sikamma anjo karaenga siagang naalle daera-daera kakoasanna ke'nanga, lanri Batara, Allata'alana Israel a'bundu' untu' tu Israel.