PA'JARIANG 14:19 - KITTA' MATANGKASA'

¹⁹ nampa nabarakkaki Abram nakana, “Poro Allata'ala Kaminang Tinggia, ampa'jariai langika siagang buttaya, ambarakkakiko Abram!

PA'JARIANG 14:19 ပူးပေါင်းရင်းမြစ်များ

PA'JARIANG 14:22

Mingka appialimi Abram nakana, “Assumpa' ri dallekanNa Batara, Allata'ala Kaminang Tinggia, ampa'jariai langika siagang buttaya,

PA'JARIANG 24:3

Assumpamako lanri Batara, Allata'ala makoasaya ri langika siagang ri buttaya, angkanaya tena nalanupa'boyang baine anakku Ishak battu ri alla'na anne sikamma tu Kanaan.

PA'JARIANG 27:4

Bajiki palluna situru' pallu-pallu kungaia, nampa nuerang mae ri nakke. Punna le'baki kukanre, lakusareko barakka' lalang tenanapa kumate.”

PA'JARIANG 47:10

Le'baki anjo appala' kanami Yakub nampa assare barakka' passibokoi.

PA'JARIANG 47:7

Napappiassengang tommi Yusuf anjo manggena mae ri karaenga. Nabarakkakimi Yakub anjo karaenga.

PA'JARIANG 49:28

Iaminjo sampuloa anrua suku Israel, siagang kana-kana kala'busang napaua manggena ke'nanga ri wattunna nasare barakka' passibokoi massing-massing ke'nanga.

2 SAMUEL 2:5

akkirimmi tunisuro mange anjoreng angngerang pasang angkana, “Dasi-dasi Nabarakkaki ngasengko Batara, lanri nupappicinikanna tamamminrana pa'mai'nu mae ri karaennu, iamintu lanri nutarawanna maya'na.

1 PATTOTTORANG 29:11

Malompo tojengKi' siagang makoasaKi'. Mala'birikKi', kabarra-barraKi', siagang ri Kattemi kalompoanga. Sikontu apa-apa niaka ri langi' siagang ri buttaya iKatte ngaseng pata, iKatte Karaeng Lompo, makoasaya mae ri sikontu-kontuna.

2 PATTOTTORANG 31:8

Nacini'na Karaeng Hizkia siagang pagawe-pagawena anjo sumbangang kammaya jaina, napakala'biri'mi Batara siagang napalecemi ra'ya' Israel, umma'Na.

PAMMUJI 115:15

Poro nibarakkakiko ri Batara, ampa'jariai langika siagang buttaya!

PAMMUJI 115:16

Langika iamintu Bataraji bawang pata, mingka buttaya Napassareangi mae ri rupataua.

PAMMUJI 24:1

Pammujina Daud. Batara pata sikontu linoa siagang bonena, linoa siagang sikontu ammantanga ilalang.

PAMMUJI 50:10

saba' sikontu olo'-olo' niaka ri romang iNakke ngaseng pata, siagang olo'-olo' piara niaka ri assa'bu-sa'bua moncong.

MIKHA 6:6

Apaka musti nipassareang mae ri Batara, Allata'ala ri suruga, punna battuki' mange anynyomba ri Ia? Mustika angngerangki' sapi rungka kaminang bajika untu' nipassareang salaku koro'bang nitunu mae ri Ia?

MATIUS 11:25

Anjo wattua appala' doammi Isa Nakana, “O ManggeKu, Batara Makoasaya ri langika siagang ri linoa! Appala' sukkurukKa' ri Katte, lanri Kirahasiakanna ngaseng anne mae ri tau cara'deka siagang tau niaka pangngassenganna; mingka Kipappiassengangi mae ri tu tenaya sikolana.

MARKUS 10:16

Le'baki akkana kamma Isa, Naraka'mi anjo ana'-anaka, nampa massing Napadongkoki lima naNabarakkaki ngaseng ke'nanga.

LUKAS 10:21

Anjo wattua rannumi nyawaNa Isa lanri nipantamakki ri RohNa Allata'ala. Nakanamo Isa ri ManggeNa, “O ManggeKu, Batarana langika siagang buttaya! Appala' sukkurukKa' ri Katte, lanri Kicokkoangi anne rahasiaya mae ri tau cara'deka siagang tau niaka pangngissenganna. Mingka Kipappiassengangi mae ri tau tenaya sikolana. Iaminjo Kikarannuanga ri atinTa.

LAMPA-LAMPANA 16:17

Tuli amminawammi anjo bainea ri Paulus siagang ri kambe. Akkio'-kioki anjo bainea angkana, “Anne taua suro-suroNa Allata'ala Kaminang Lompoa! Battui ke'nanga ero' ampauang ngasengko antekamma batena nukkulle salama'!”

EFESUS 1:3

Nipujimi Allata'ala, ManggeNa Batarata Isa Almasi. Iami ambarakkakiki' siagang sikontu barakka' rohani lalang ri suruga, lanri a'jari se'reta siagang Almasi.

EFESUS 1:6

Nipujimi Allata'ala lanri la'biri'na kabajikang pa'mai'Na, le'baka allumpa Napa'nyata mae ri katte ri tete Ana'Na Nakarimangngia.

PAOLE 10:14

Karaeng Allata'alanu ampatangi langi' kaminang tinggia; kammayatompa buttaya siagang sikontu apa-apa niaka ri tompo'na Ia ngaseng pata.

RUT 3:10

Nakanamo Boas, “Tapporo Nabarakkakiko Batara anakku. Punna nipasinrapangi apa le'baka nugaukang mae ri matoang bainenu, anne apa nugaukanga ri kamma-kammaya anne ma'nassa la'bi lompoangangi pole pangngainu. Akkullejako a'boya bura'ne ia la'bi rungkangnganga ri tau kalumanynyanga yareka tu kasi-asia, mingka tena nanugaukangi anjo kammaya.

1 SAMUEL 15:13

Assibuntulu'na Samuel siagang Saul, nakanamo Saul ri ia, “Tapporo Nabarakkakiki' Batara bapa'! Le'ba'mi kugaukang Naparentakanga Batara.”