PA'JARIANG 14:17 - KITTA' MATANGKASA'

¹⁷ Le'baki nabeta Karaeng Kedorlaomer siagang sikamma karaeng agannaya, ammotere'mi Abram. Na battumo karaeng Sodom anruppai ri Parang Sawe ia niarenga todong Lappara' Karaeng.

PA'JARIANG 14:17 ပူးပေါင်းရင်းမြစ်များ

PA'JARIANG 14:1

Nia' appa' karaeng, iamintu: Amrafel battu ri Babilonia, Ariokh battu ri Elasar, Kedorlaomer battu ri Elam, siagang Tideal battu ri Goyim.

PA'JARIANG 14:10

Anjo lapparaka rassi siagang bungung tere'. Na ri wattunna lari karaeng-karaeng battua ri Sodom siagang Gomora ambokoi anjo pa'bundukanga, tu'guru'mi ke'nanga naung ri anjo sikamma bungunga. Anjo tallua karaeng maraenga, lappasaki ke'nanga nampa lari nai' ri monconga.

PA'JARIANG 14:5

Ri taung makasampulona angngappa', battumi Karaeng Kedorlaomer siagang aganna ngaseng angngerangi tantarana ke'nanga. Nampa nabetamo ke'nanga tu Refaim ri Asyterot-Karnaim, tu Zuzim ri Ham, tu Emim ri Syawe-Kiryataim,

2 SAMUEL 18:18

Lalang attallasa'na Absalom le'ba'mi napambangungang kalenna se're tugu ri Ka'bung Karaeng, nasaba' tena ana' bura'nena untu' ampatulusuki jari-jarina. Anjo tugua niarengi situru' areng kalenna, na sa'genna anne alloa anjo tugua niassengi salaku Tugu Absalom.

PANGNGEBARANG 14:20

Tau kasi-asia tena ningai ba'lalo ri bela-belana; mingka tau kalumanynyanga jai sahaba'na.

PANGNGEBARANG 19:4

Tau kalumanynyanga tuli katambangi aganna; tu kasi-asia ba'lalo nipilari ri aganna.

IBRANI 7:1

Anne Melkisedek karaeng battu ri Salem, siagang imang Kaminang Tinggina Allata'ala. Ri wattunna ammotere' Abraham battu ri pa'bundukanga nanabeta karak-karaeng balinnaya, battumi Imang Melkisedek anruppai siagang ambarakkaki.

HAKING-HAKING 11:34

Ammotere'na Yefta battu ri Mizpa, battumi ana' tulolonna anruppai na'joge'-joge' siagang appasa'ra rebana. Iaminjo ana' sitau-tauna.

1 SAMUEL 18:6

Ammotere'na Daud ri le'ba'namo nabeta Goliat anjo tu Filistin, siagang a'barrisi'na tantaraya antama' ri kotaya, assulu' ngasemmi sikamma tubai'-bainea battu ri sikontu kotaya untu' anruppai Karaeng Saul. Akkelong-kelommi ke'nanga kelong ma'rannu-rannu, siagang a'joge'-joge'mi ke'nanga nakkarena rabana siagang kacapi.