PA'JARIANG 14:10 - KITTA' MATANGKASA'

¹⁰ Anjo lapparaka rassi siagang bungung tere'. Na ri wattunna lari karaeng-karaeng battua ri Sodom siagang Gomora ambokoi anjo pa'bundukanga, tu'guru'mi ke'nanga naung ri anjo sikamma bungunga. Anjo tallua karaeng maraenga, lappasaki ke'nanga nampa lari nai' ri monconga.

PA'JARIANG 14:10 ပူးပေါင်းရင်းမြစ်များ

PA'JARIANG 11:3

Massing angkanami para ia ke'nanga, nakana, “Umba kippare' batu bata nampa nitunu sa'genna a'jari terasa'.” Kammaminjo nania'mo batu batana ke'nanga untu' ambangung balla' siagang tere' untu' ampasidakkiki anjo batu bataya.

PA'JARIANG 14:11

Anjo appaka karaeng ammetaya, narampasa'mi sikamma apa-apa niaka ri Sodom siagang Gomora, kammayatompa kanre-kanreanga, nampa a'lampa ke'nanga.

PA'JARIANG 14:17

Le'baki nabeta Karaeng Kedorlaomer siagang sikamma karaeng agannaya, ammotere'mi Abram. Na battumo karaeng Sodom anruppai ri Parang Sawe ia niarenga todong Lappara' Karaeng.

PA'JARIANG 14:21

Nampa nakanamo karaeng Sodom mae ri Abram, “Allemi anjo barang-barang le'baka nirampasa', mingka kupalaki nakipoterang mae ri nakke sikamma taungku.”

PA'JARIANG 14:3

Anjo limaya karaenga a'jari agangi siagang napasse'rei tantarana ke'nanga ri Lappara'na Sidim, ia niarenga kamma-kamma anne Tamparang Mate.

PA'JARIANG 14:9

angngewai karaeng-karaeng battua ri Elam, Goyim, Babilonia, siagang Elasar; jari lima karaeng a'bali appa' karaeng.

PA'JARIANG 19:17

Le'baki anjo nakanamo kalase'renna anjo malaekaka, “Lariko, pasalamaki nyawanu! Teako assailei mae ri boko siagang teako ammantangngi ri lapparaka. Lariko nai' ri monconga, sollanna tena numate ngaseng todong!”

PA'JARIANG 19:30

Lanri malla'na Lot ammantang ri Zoar, a'lampami nai' ri pa'monconganga siagang anjo ruaya ana' tulolonna, nampa ammantang ke'nanga lalang ri se'reang kali'bong batu.

PAMMUJI 83:10

Gau' kammami ke'nanga tu Midian, sangkamma Sisera siagang Yabin ri Binanga Kisyon,

YESAYA 24:18

Tau laria battu ri anjo kagegeranga latu'guruki antama' ri sikko' tattannanga, na tau ta'lappasaka battu ri sikkoka laniallei ri tado'. Bosi lompoa latattumpai battu rate ri langika, nampa dapara'na buttaya lata'goccangi.

YEREMIA 48:44

Tau laria battu ri tau lammunoa, latu'guruki antama' ri kali'bonga, siagang tau akkullea assulu' battu ri kali'bonga laniallei ri sikko'. Yangasenna anjo kammaya lakajariangi ri wattu le'baka Kupattantu untu' angngancuruki Moab.

YOSUA 8:24

Le'ba'na pasukang Israel nabuno ngaseng tantara musu angngondangai ke'nanga ri parang kalotoroka, ammotere'mi ke'nanga mange ri Ai, nampa nabuno sikontu tau niaka anjoreng.