PA'JARIANG 12:9 - KITTA' MATANGKASA'

⁹ Nampa napatulusu' pole jappana battu ri anjo tampaka mange ri tampa' maraengannaya, ri bageang timboranna butta Kanaan.

PA'JARIANG 12:9 ပူးပေါင်းရင်းမြစ်များ

PA'JARIANG 13:1

Nabokoimi Abram Mesir nampa a'lampa wara', mange ri bageang timboranna Kanaan, a'lampa siagang bainenna kammayatompa sikamma barang-baranna. Namminawang todong Lot.

PA'JARIANG 13:3

A'lampami mange-mange, battu ri se'reang tampa' mange ri tampa' maraengannaya, sa'genna mange ri Betel. Battu mange ri daera niaka ri alla'na Betel siagang Ai, ri tampa' karama', iamintu tampa' le'baka napakkemai pirangalloang,

PA'JARIANG 20:1

A'letteki Abraham battu ri Mamre, ri bageang timboranna butta Kanaan, nampa ammantang anjoreng ri alla'na Kades siagang Syur. Siapa are wattu ribokoanganna, ri wattunna ammantang ri Gerar,

PA'JARIANG 20:13

Jari ri wattungku Nasuro Allata'ala ambokoi balla'na manggeku, nakunampa a'lampa mange-mange a'jari tubattu-battu, kukanamo ri bainengku, ‘Pa'nyatami majarre'na pa'mai'nu ri nakke, lalang nukanana mae ri yangasenna taua angkanaya ikau andikkuko.’ ”

PA'JARIANG 24:62

Ilalanna anjo wattua nia'mi Ishak battu ri parang lompoa, allalo ri bungung niarenga “Iami Amparhatikanga'” nammantang ri bageang timboro'na Kanaan.

PAMMUJI 105:13

A'labaki' ke'nanga battu ri pa'rasangang se'rea mae ri pa'rasangang maraeng.

YESAYA 30:6

Kammaminne pappasanNa Batara ri passala'na sikamma olo'-olo' niaka ammantang ri butta bageang timboro', “Sikamma tunisuroa napilurangngimi keledaina siagang untana ke'nanga rassi hadia, nampa numalo ri daera jaia bahaya lanri napammantangngi singa, ulara' a'racung, siagang naga akka'nyi'. Sikontu anjo hadiaya napassareangi ke'nanga mae ri bansa tenaya kullena antulungi ke'nanga.

PAMMILANGNGANG 13:17

Ri wattunna nasuro Musa a'lampa ke'nanga, appasangi mae ri ke'nanga angkana, “A'jappa a'lampa warakko, mange ri bageang timboranna butta Kanaan, nampa turusko mange ri daera a'bontoa.

PAOLE 1:7

Kamma-kamma anne bongkara'mi kemanu nampa a'lampako mange ri daera monconna tu Amori siagang mange ri sikontu daera niaka ri tammulilina, iamintu Ka'bung Yordan, daera bulu'-buluka siagang lapparaka, daera bageang timboroka siagang birinna Tamparang Tangngaya. A'lampa mako mange ampammantangngi butta Kanaan siagang daera Monconna Libanon sa'genna mange ri binanga lompona Efrat.