PA'JARIANG 12:8 - KITTA' MATANGKASA'

⁸ Le'baki anjo napatulusu'mi jappana a'lampa timboro', ri daera a'bontoa irayanganna kota Betel nampa akkema ri alla'na kota Betel siagang kota Ai. Betel ilaukang siagang Ai irayangngang. Ambangung tommi anjoreng tampa' pakkoro'bangngang nampa anynyomba ri Batara.

PA'JARIANG 12:8 ပူးပေါင်းရင်းမြစ်များ

PA'JARIANG 13:18

Le'baki anjo napalette'mi kema pa'ballakkanna Abram, nampa mange ammantang ri ampi'na poko'-poko' kayu karamaka, iamintu tampa' passambayangang ri Mamre ri ampi'na Hebron. Nampa ambangummo anjoreng tampa' pakkoro'bangngang untu' Batara.

PA'JARIANG 13:3

A'lampami mange-mange, battu ri se'reang tampa' mange ri tampa' maraengannaya, sa'genna mange ri Betel. Battu mange ri daera niaka ri alla'na Betel siagang Ai, ri tampa' karama', iamintu tampa' le'baka napakkemai pirangalloang,

PA'JARIANG 13:4

siagang ambangung tampa' pakkoro'bangngang. Anjoremmi anynyomba mae ri Batara.

PA'JARIANG 21:33

Nampa a'lamummo Abraham se're poko' kayu niarenga tamariska ri Bersyeba, siagang appakkaramula anjo wattua napakemi anjo tampaka untu' anynyomba ri Batara, Allata'ala mannannunganga.

PA'JARIANG 22:9

Battui ke'nanga mange ri anjo tampa' le'baka Napau Allata'ala ri Abraham, ambangummi se're tampa' pakkoro'bangngang siagang napa'lonjo'mi anjo kayu tunuanga irateanganna. Nampa nasikko' anjo ana'na siagang napara'ba ri anjo tampa' pakkoro'bangnganga, ri tompo'na anjo kayu tunuanga.

PA'JARIANG 26:25

Nampa ambangummo Ishak se're tampa' pakkoro'bangngang untu' anynyomba ri Batara ri anjo tampaka. Akkemami anjoreng siagang sikamma surona, siagang angngekemi pole bungung maraeng.

PA'JARIANG 28:19

Naaremmi anjo tampaka Betel. (Riolo arenna Lus.)

PA'JARIANG 31:25

Anjo wattua le'ba'mi nabangung kemana Yakub ri se'reang bulu'. Nampa ri se'reang bulu' maraeng ri anjo todong daeraya nabangung tommi kemana Laban siagang taunna.

PA'JARIANG 33:20

Nampa ambangung tampa' pakkoro'bangngang anjoreng ri tampaka. Naaremmi “El, Allata'alana Israel”.

PA'JARIANG 35:7

Ambangummi Yakub anjoreng se're tampa' pakkoro'bangngang nampa naareng anjo tampaka “El-Betel”, lanri le'ba'na Napappicinikang KalenNa Allata'ala ri ia anjoreng, ri wattu larina battu ri daenna.

PA'JARIANG 4:26

Nia' ana'na Set iamintu ana' bura'ne niarenga Enos. Iaminjo jammanga nappakkaramulamo taua napau arenNa Batara punna anynyomba.

PA'JARIANG 8:20

Appaentemmi Nuh se're tampa' pakkoro'bangngang ri Batara. Nampa angngallemi tassikayu-kayunna massing tassirupaya jangang-jangang siagang olo'-olo' maraengannaya ia hallalaka, nampa napassareang a'jari koro'bang nitunua irate ri anjo tampa' pakkoro'bangnganga.

NEHEMIA 11:31

Siapa are battu ri suku Benyamin ammantang ri Geba, Mikhmas, Ai, Betel siagang desa-desa niaka ri ampi'na,

PAMMUJI 116:4

Jari akkio'ma' mae ri Batara, angkana, “O, Batara, kupalaki, naKipasalamaka'!”

KALAPPASSANG 17:15

Nampa appaentemmo Musa se're tampa' pakkoro'bangngang na naareng “Batarami Banderaku”.

YESAYA 10:28

Naempoimi tantara Asyur kota Ayat. Nalaloimi ke'nanga Migron! Bokonna ke'nanga naboliki ri Mikhmas!

YO"EL 2:32

Mingka inai-nai appala' pannulung mae ri Batara, iami lanipasalama'. Nakana Batara, “Ri Yerusalem sikamma tau Kupilea lasalamaki.”

LAMPA-LAMPANA 2:21

Anjo wattua, inai-nai akkio' mae ri Batara iami lanipasalama'.’

IBRANI 11:9

Lalang tappa'na ammantammi Abraham ri anjo pa'rasangang Napa'janjianga Allata'ala, a'jari kamma tu battu-battu. Ammantangi Abraham anjoreng, lalang ri kema napareka. Kamma tomminjo Ishak siagang Yakub, le'baka todong antarimai anjo janji kammaya battu ri Allata'ala.

YOSUA 22:10

Ri wattunna battu suku Ruben, suku Gad siagang suku Manasye bageang irayaya mange ri Gelilot – bageang lau'na iji Binanga Yordan – ambangummi ke'nanga se're tampa' pakkoro'bangngang lompo siagang gammara' ri ampi'na binangaya.

YOSUA 7:2

Anjo wattua nia' siapa are tau nasuro Yosua battu ri Yerikho mange ri kota Ai, iamintu se'rea kota irayanganna Betel, ri ampi'na Bet-Awen. Anjo sikammaya tau nisarei tugasa' untu' a'lampa ansalidiki anjo daeraya. Le'ba'na nagaukang ke'nanga anjo tugasaka,

YOSUA 8:12

Nia'mo kira-kira 5.000 tau nasuro accokko ri laukanna anjo kotaya, ri alla'na Ai siagang Betel.

YOSUA 8:17

Sikontu tau niaka ri Ai assulu'mi angngondangi tu Israel, sa'genna ammantammi tassungke bawang anjo kotaya, tena tau anjagai.

YOSUA 8:3

Jari sadia-sadiami Yosua siagang sikontu tantarana untu' a'lampa mange ri Ai. Ammilemi 30.000 tau, iamintu tantara kaminang bajika, nampa nasuro ri wattu bangngi ke'nanga,

YOSUA 8:30

Nampa ambangung Yosua se're tampa' pakkoro'bangngang ri Moncong Ebal untu' Batara, Allata'alana Israel.

YOSUA 8:9

Nampa nakirimmo Yosua anjo ke'nanga, siagang a'lampami ke'nanga accokko ri laukanna kota Ai, iamintu ri alla'na Ai siagang Betel, nampa attayang anjoreng. Mingka Yosua a'bangngi ri pakkemaanna tu Israel.

HAKING-HAKING 6:24

Appare'mi Gideon se're tampa' pakkoro'bangngang anjoreng, nampa naareng “Batara Kabattuanna Kasalamakkanga.” Anjo tampa' pakkoro'bangnganga nia' iji ri Ofra, iamintu ri kotana tu Abiezer.

1 SAMUEL 30:27

Anjo kota-kotaya iamintu: Betel siagang Rama ri bageang timboranna Yehuda, Yatir, Aroër, Sifmot, Estemoa, Rakhal, kammayatompa kota-kotana tu Yerahmeel, kota-kotana tu Keni, Horma, Bor-Asan, Atakh siagang Hebron. Yangasenna anjo kotaya le'baki mange Daud siagang ana' buana a'lette' mange-mange; nakiringi ngasemmi Daud hadia.