PA'JARIANG 12:18 - KITTA' MATANGKASA'

¹⁸ Jari nakio'mi karaenga Abram nampa nakuta'nang angkana, “Apa anne nugaukang mae ri nakke? Angngapa natena nupauanga' angkanaya bainennu anjo?

PA'JARIANG 12:18 ပူးပေါင်းရင်းမြစ်များ

PA'JARIANG 12:19

Angngapa nanupau angkana andi'nu nampa nulappassanga' angngallei a'jari bainengku? Anne bainennu; allei siagang a'lampako!”

PA'JARIANG 20:3

Ri se'reang bangngi Napappicinikammi KalenNa Allata'ala mae ri anjo karaenga lalang so'na, na Nakana, “Lamateko, lanri nuallena anjo bainea, lanri nia'mo bura'nenna.”

PA'JARIANG 29:25

Nampami ammukona bari'basa' nanaasseng Yakub angkanaya Lea anjo nabuntingia. Mangemi Yakub ri Laban na nakana, “Angngapa nakipakamma' anjo purina? Sai anjama' untu' ikatte sollanna kugappa Rahel? Angngapa kiballe-balleia?”

PA'JARIANG 3:13

Akkuta'nammi Karaeng Allata'ala ri anjo bainea angkana, “Angngapa nugaukangi anjo kammaya?” Appialimi angkana, “Nitipua' ri ularaka, sa'genna kukanre anjo rappoa.”

PA'JARIANG 31:26

Le'baki anjo nakanamo Laban ri Yakub, “Angngapa nuakkallia' siagang nulariang ana'-anakku, sanrapang tau nitahanga?

PA'JARIANG 4:10

Nakanamo Batara, “Angngapa nugaukangi anjo panggaukang palla' kammaya? Akkio'-kioki cera'na andi'nu battu rawa ri buttaya, sanrapang sa'ra annuntuka pa'balasa'.

PA'JARIANG 44:15

Nakanamo Yusuf, “Apa ngaseng anne nugaukanga? Apaka tena ngaseng nuassengi angkana inakke anne akkullei kuasseng ngaseng panggaukang ja'dala'nu lanri nia'na pangngassengangku?”

2 SAMUEL 3:24

Na mangemo Yoab andallekang ri karaenga siagang angkana, “Antekamma anjo apa kigaukanga karaeng? Battui Abner andallekang ri karaengku. Angngapa nakilappassang a'lampa bawang-bawang?

KALAPPASSANG 32:21

Nakanamo ri Harun, “Apa nagaukang ke'nanga mae ri kau sa'genna nulappassang ke'nanga doraka lompo?”

PANGNGEBARANG 21:1

Sanrapang batena Naatoro' Batara je'ne' binangaya sollanna a'lo'loro' situru' ero'Na, kammatommi anjo napimpingi pikkiranna karaenga.

YOSUA 7:19

Nakanamo Yosua ri Akhan, “Na', mangakuimi siagang paumi silambusu'na anrinni ri dallekanNa Batara, Allata'alana Israel, apa le'baka nugaukang. Pauamma', teako cokkoi.”

HAKING-HAKING 2:2

Jari takkulleako appare' passikko' passijanjiang siagang tau niaka ammantang anrinni ri pa'rasanganga. Sikamma tampa' pakkoro'bangnganna ke'nanga musti nurumbangi'.’ Mingka tena nugaukangi anjo apa Kupassuroanga. Ba'lalo ta'bale'na nugaukanga!

1 SAMUEL 14:43

Nampa nakanamo Saul mae ri Yonatan, “Apa le'ba' nugaukang?” Appialimi Yonatan angkana, “Le'baka' angnganre sike'de' bani kuallea siagang cappa' takkangku. Sadiama' untu' mate.”