PA'JARIANG 12:15 - KITTA' MATANGKASA'

¹⁵ Nia'mo siapa are pagawena balla' karaenga anciniki nampa napauang karaenga antekamma ga'gana anjo bainea. Jari nierammi mange ri balla' karaenga.

PA'JARIANG 12:15 ပူးပေါင်းရင်းမြစ်များ

PA'JARIANG 12:14

Na kamma tojenna, ri wattunna nalalomo Abram pa'baeng-baenga siagang battu mange ri butta Mesir, nacini'mi tu Mesir anjo Sarai ga'ga sikali.

PA'JARIANG 20:2

napaumi angkana andi'na anjo Sara bainenna. Lanri kammana nasuromi tunisurona Karaeng Abimelekh battu ri Gerar mange angngallei Sara na nasuro erang mae ri ia.

PA'JARIANG 26:7

Ri wattunna akkuta'nang taua anjoreng ri passala'na Ribka, appialimi Ishak angkanaya andi'na anjo Ribka, teai bainenna. Mallaki Ishak angkanaya lanibunoi ri yangaseng anjo taua sollanna akkulle naalle anjo Ribka sannaka ga'gana.

PA'JARIANG 40:2

Larromi karaenga ri anjo ruaya palayang.

PA'JARIANG 41:1

Allaloi ruan taung, asso'nami karaeng Mesir. Asso'nai ammenteng ri birinna Binanga Nil.

1 KARAENG-KARAENG 3:1

Karaeng Salomo napa'jari agammi kalenna siagang Mesir na nabuntingi ana' tulolonna karaeng Mesir. Naerammi Salomo anjo bainea mange ri Kota Daud untu' ammantang anjoreng sa'genna le'ba' balla' karaenga siagang Balla'Na Batara kammayatompa tembo' pattahangngang akkuliling kota Yerusalem nibangungi.

2 KARAENG-KARAENG 18:21

Memang nurannuangi bantuanna Mesir; mingka anjo panggaukang kammaya sanrapangko tau ammake poko' rea a'jari takkang. Tepoki sallang anjo takkanga nampa nato'do' limannu. Kammaminjo alarapanna karaeng Mesir mae ri tau manrannuanga mae ri ia.’ ”

PAMMUJI 105:4

Appalakko kagassingang battu ri Ia, tuli sombai.

KALAPPASSANG 2:15

Ri wattunna nalangngere' karaenga anjo apa kajarianga, a'boyami akkala' untu' ambunoi Musa. Mingka larimi Musa nampa ammantang ri pa'rasangang Midian. Imang battua ri Midian, niarenga Yitro, nia' tuju ana' bainena. Ri se'reang allo, ri wattunna sitabang ammempo Musa ri ampi'na se'reang bungung, battumi anjo tujua ana' tulolonna Yitro untu' anynye'ro' je'ne' siagang ambonei tampa' pangnginungang bembena siagang gimbala'na manggena ke'nanga.

KALAPPASSANG 2:5

Lalang kammana anjo nia'mi battu ana' bainena karaenga. Naungi ri binangaya ero' a'je'ne', nampa dayang-dayanna a'jappa-jappai ri biring binangaya. Ti'ring nacaini'mi anjo ana' bainena karaenga anjo karanjenga ri tangnga-tangngana rukuka; nasuromi kalase'renna atanna bainea mange angngallei anjo karanjenga.

PANGNGEBARANG 29:12

Punna naparhatikang pamarentaya kabara' balle-ballea, la'jari ja'dala' ngasengi sikontu pagawena.

PANGNGEBARANG 6:29

Anjo sangkammai bahayana siagang assikatinroanga siagang bainenna tau maraenga. Inai-nai anggaukangi takkulleai ta'lappasa' battu ri hukkunganga.

YEREMIA 25:19

Iaminne areng-arenna sikamma tau mustia angnginung battu ri anjo kaca pangnginungang anggoro'Na Batara: karaeng Mesir siagang sikamma pagawena kammayatompa tunna'galaka jabatang; sikontu tu Mesir siagang bansa maraeng niaka ammantang ri Mesir; sikontu karaenga ri pa'rasangang Us; sikontu karaenga ri kota-kota Filistin ri Askelon, Gaza, Ekron; sikontu tau attallasaka ija ri Asdod; sikontu tu Edom, Moab, siagang Amon; sikontu karaenga ri Tirus siagang Sidon; sikontu karaenga ri birinna Tamparang Tangngaya; kota-kota Dedan, Tema, siagang Bus; sikontu tau ancukkuru' bodoai uu'na; sikontu karaeng Arab; sikontu karaeng suku-suku campurang ammantanga ri parang lompoa; sikontu karaenga ri Zimri, Elam, siagang Madai; sikontu karaenga wara', bellaya siagang ambania, tunggala' taua. Sikontu bansa ri sikontu tompo'na buttaya musti nainungi anjo anggoroka. Na tau kala'busanga musti angnginungi anjo anggoroka iamintu karaeng Babel.

YEREMIA 46:17

Saremi areng beru karaeng Mesir, iamintu: ‘I tulompo bicara appalaloa kasampatang.’

YEHEZKIEL 32:2

“He tau, terassi pakainga' karaeng Mesir. Pabattui anne pasangKu ri ia angkana, ‘Ikau appanggaukang kammako singa rungka ri alla'na bansa-bansaya, mingka la'bi sangkammako buaya a'langea lalang ri je'neka. Bangkennu napakapuccaki siagang nara'massi sikontu binangaya.

IBRANI 13:4

Sikontu taua musti napappicinikangi angkanaya napakalompoi nikanaya pa'nikkang; iaminjo saba'na naparallu massing tamalanrea tukkalabinia sijarreki ri pakkalabinianna. Inai-nai a'gau' sala yareka assalimara' laniadeli ri Allata'ala.