30 Na anjo Sarai tubaine tamanangi.
A'lampai Terah ambokoi kota Ur ri Babilonia siagang Abram ana'na, Lot cucunna, siagang Sarai mintunna iamintu bainenna Abram. Eroki a'lampa mange ri Kanaan. Mingka ri wattunna battu ri Haran, ammantammi ke'nanga anjoreng.
Lanri tena nanggappa ana' Ribka, appala' doammi Ishak ri Batara untu' bainenna. Na nisaremo pappala'na Ishak ri Batara, sa'genna attianammo Ribka.
Nacini'na Batara angkana tena ningai dudui Lea sangkamma Rahel, nisaremi pangngellai sa'genna ammana' Lea, mingka Rahel tuli tenana ana'na.
Nasarei ana' sikamma baine tamananga, napa'jari amma' mate'ne siagang nipakalompo ri balla'na. Pujimi Batara!
U'rangi: anjo bijannu Elisabet tianang annang bulammi, manna natoamo, siagang nakana taua tamanangi.
Tena ana'na ke'nanga, nasaba' takkulleai ammana' Elisabet. Nampa toa rua-ruamo ke'nanga.
Anjo wattua nia' sitau bura'ne ri kota Zora. Arenna nikana Manoah, battu ri suku Dan. Tamanangi bainenna.
Elkana nia' rua bainenna, iamintu Hana siagang Penina. Penina nia' ana'na, mingka Hana tena.
Mingka Hana sipa'ganji bawang nasareangi, nasaba' tena nisarei ana' ri Batara. Mingka manna nakamma, sanna' nangaina Elkana anjo Hana.
