PA'JARIANG 10:9 - KITTA' MATANGKASA'

⁹ Lanri pannulunNa Batara nanipa'jarimo tau pore ammurang. Lanri kammana minjo nabiasa taua angkana, “Poro Napa'jariko Batara tupore ammurang sangkamma Nimrod.”

PA'JARIANG 10:9 ပူးပေါင်းရင်းမြစ်များ

PA'JARIANG 10:10

Uru-uruna antamaya kakaraenganna iamintu Babel, Erekh, siagang Akad, tallu-talluna nia' ngasengi ri Babilonia.

PA'JARIANG 10:8

Kus nia' ana'na bura'ne niarenga Nimrod, ia uru a'jaria tu pore siagang barani ri lino.

PA'JARIANG 13:13

Anjo kota Sodom sangnging tau sanna' ja'dala'na siagang tau doraka ngaseng ri Batara ammantang anjoreng.

PA'JARIANG 25:27

Pila' katambammi lompona anjo ruaya ana'. Esau a'jarimi pasoso' sannaka cara'de'na, nanangai ammantanga ri parang. Mingka Yakub sannangi sipa'na siagang nangai ammantanga ri balla'.

PA'JARIANG 27:30

Tena nasallo le'ba'na napassareang barakka'na Ishak siagang a'lampanamo Yakub, nia'mi Esau ammotere' battu assoso'.

PA'JARIANG 6:11

Mingka sikontu tau maraengannaya ja'dala' ngasengi ri paccini'Na Allata'ala. Jai sikali panggaukang palla' kajariang ri kere-keremae.

PA'JARIANG 6:4

Ri anjo jammanga siagang ri le'ba'na anjo, nia' tau sannaka lompona ngaseng kalenna ri lino. Anjo ke'nanga ana'-ana' battu ri sikamma anjo tulolo a'buntinga siagang rewata-rewataya. Anjo tau lompoa ngaseng kalenna masahoroki niasseng siagang iami pahlawang-pahlawang lompo ri jammang riolo.

2 PATTOTTORANG 28:22

Lalang ri wattu anjo kasukkaranga, ba'lalo pila' dorakaji Ahas mae ri Batara.

PAMMUJI 52:7

Mingka ikau lanipossokko ri Allata'ala satunggu-tungguna; nijakkalakko siagang nire'resangko battu lalang ri balla'nu, siagang nipa'lanynyakko battu ri linona tau attallasaka.

YESAYA 18:2

Nia'mo siapa are suro battu ri anjo pa'rasanganga a'limbang ri Binanga Nil, lalang ri biseang-biseang pandanga. He, sikamma suro laccirika ngaseng, ammotere' mako linta' mange ri pa'rasangannu napanumaloia sikamma anjo binangaya. Angngerang mako se're pasang mae ri anjo bansanu makassaka siagang barania, sikamma taunnu tinggi-tinggia ngaseng siagang alusuka bukkulenna, kammayatompa nikamallakkanga ri sikontu linoa.

YEREMIA 16:16

Nakana Batara, “LakkiokKa' jai paboya juku' untu' anjakkalaki anne taua. Nampa lakkiokKa' jai pasoso' untu' assosoki ke'nanga ri sikamma monconga siagang buluka, siagang ri sikamma leang-leang batua.

YEHEZKIEL 13:18

siagang pabattui kanangKu, iNakke, Batara Kaminang Tinggia, mae ri ke'nanga: ‘Cilaka ngasengko! Nupapparekang ngasengi taua ponto-ponto jima' siagang bongong-bongong ammakea baca, sa'genna akkulle nakoasai tau maraenga. Erokko koasa mae ri tallasa'na siagang matena ummakKu, siagang anjo koasa kammaya nupakei untu' kaparalluang kalennu.

MIKHA 7:2

Tau lambusuka lanynya'mi battu ri pa'rasanganga, tau majarreka tappa'na mae ri Allata'ala tenamo nibuntulu'. Tunggala' taua massing attayangi kasampatang untu' ammuno. Massing attannangi sikko' untu' paranna tau.