PA'JARIANG 10:32 - KITTA' MATANGKASA'

³² Ia ngasemmi anjo sossoranna Nuh, massing-massing bansa, situru' massing garisi' sossoranna ke'nanga. Iaminne ke'nanga nakabattui sikontu bansa-bansaya ri anne linoa, baku' le'ba'na kajariang a'ba lompoa.

PA'JARIANG 10:32 ပူးပေါင်းရင်းမြစ်များ

PA'JARIANG 10:1

Iaminne sossoranna sikamma ana'na Nuh, iamintu Sem, Yafet siagang Ham. Ri le'ba'na kajariang a'ba lompoa massing anggappai sipattallu ana'-ana' bura'ne.

PA'JARIANG 10:20

Ia ngasemmi anjo sossoranna Ham. Massing-massing bansa siagang suku ammantammi ri massing pa'rasanganna, siagang massing nia' tommo bahasa kalenna.

PA'JARIANG 10:25

Eber nia' rua ana'na bura'ne; toaya niarengi Peleg lanri ri wattu jammannami na'jari ta'bage-bage bansa-bansaya ri lino; makaruaya niarengi Yoktan.

PA'JARIANG 10:31

Ia ngasemmi anjo sossoranna Sem. Massing-massing bansa siagang suku ammantammi ri massing pa'rasanganna, siagang massing nia' tommo bahasa kalenna.

PA'JARIANG 10:5

Iami ke'nanga a'jari boe-boena sikamma bansa ammantanga ri sikamma biring tamparanga siagang ri pulo-puloa. Ia ngasemmi anjo sossoranna Yafet. Massing-massing bansa siagang suku ammantammi ri massing pa'rasanganna, siagang massing nia' tommo bahasa kalenna.

PA'JARIANG 11:1

Uru-uruna, sikontu bansa-bansaya ri anne linoa se'reji bahasana siagang sangkamma ngasenji bicaranna ke'nanga.

PA'JARIANG 9:1

Nabarakkakimi Allata'ala anjo Nuh siagang sikamma ana'na na Nakana, “Ammana'-manakko siagang accucu-cucuko nu'jari jai, sollanna akkulle sossorannu napammantangngi sikontu linoa.

PA'JARIANG 9:19

Anjo tallua ana'na Nuh, iami boe-boena sikontu taua ri lino.

PA'JARIANG 9:7

Jari, ikau musti ammana'-manakko siagang accucu-cucuko nu'jari jai, sollanna akkulle sossorannu napammantangngi sikontu linoa.”

AYUB 15:19

Anjo wattua tena bansa maraeng ri pa'rasanganna ke'nanga; tena tau lampa'lingui ke'nanga battu ri Allata'ala.

LAMPA-LAMPANA 17:26

Battu ri se'rea tau Nanapa'jari sikontu bansaya, nampa Nasuro ke'nanga ampammantangi sikontu buttaya. Iatommi ampattantui battu ri uru-uruna angkana kemae sa'genna siagang kemaei akkulle ammantang rupataua.