PA'JARIANG 10:22 - KITTA' MATANGKASA'

²² Sikamma ana'na Sem iamintu: Elam, Asyur, Arpakhsad, Lud, siagang Aram.

PA'JARIANG 10:22 ပူးပေါင်းရင်းမြစ်များ

PA'JARIANG 10:21

Sem, daennaya Yafet, iami a'jari boe-boena sikamma bansa Ibrani.

PA'JARIANG 11:10

Iaminne sossoranna Sem. Ruan taungi ri le'ba'na kajariang a'ba lompoa, ri wattunna narapi' 100 taung umuru'na Sem, nisaremi sitau ana' bura'ne, niarenga Arpakhsad.

PA'JARIANG 9:26

Nipujimi Batara, Allata'alana Sem! Kanaan la'jari atai mae ri Sem.

2 KARAENG-KARAENG 15:19

Ri wattunna nia' battu Pul iamintu karaeng Asyur ambunduki tu Israel, nisarei ri Menahem 34.000 kilogarang pera' sollanna nibantu Menahem ampakajarreki kakoasanna ammarenta ri Israel.

AYUB 1:17

Tenapa nale'ba' a'bicara anjo taua, nania' tommo battu ata makatallua ampabattui angkana, “Nia' tallung pa'gompoang pasukang paella' tu Kasdim battu anrampasaki sikamma untata siagang nabuno ngaseng sikamma atanta. Inakke mami anne atanta ta'lappasa', sa'gengku akkulle battu a'laporo' mae ri katte.”

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

YESAYA 21:2

Anggappa' pangngunju', nakucini' sikamma passala' lakajarianga, sannaka appakamalla'na; iamintu nikanaya sipa' a'bali' ballang siagang pammanrakia. Maju mako, pasukanna Elam, a'bakka mako! He, pasukanna Madai, kurummi! LaNapa'le'ba'mi Allata'ala sikontu kapa'risang passabakkang nagaukanga Babel.

YESAYA 22:6

Battui tu Siria a'dongko' jarang siagang kareta pa'bundukang, tu Elam angngerang sanjata pana, tu Kir sadia siagang pa'lapa' barambanna untu' a'bundu'.

YESAYA 66:19

LammoliKa' se're pammatei ri tangnga-tangngana ke'nanga. Sike'de'ji battu ri ke'nanga laKupasalama'. LaKusuroi ke'nanga mange ri bansa-bansa niaka ri sikamma pa'rasangang bellaya, tenayapa nalangngereki kabarakKu yareka tenayapa naciniki kala'birangKu siagang koasaKu: mange ri Tarsis, Libia, siagang Lidia siagang sikamma tucara'de'na ammana, mange ri Tubal siagang Yunani. Lanakabarrangi ke'nanga kalompoangKu ri alla'na anjo bansa-bansaya.

YEHEZKIEL 32:24

Elam niaki anjoreng siagang kuburu'na tantarana ri tammulilina. Tena nisunnaki ke'nanga, namate ngaseng lalang ri pa'bundukang, nampa naung ri linona tau matea. Ri wattunna attallasa' ke'nanga appakamallaki, mingka kamma-kamma anne matemi ke'nanga siagang musti natanggongi siri'-sirika siagang ngaseng sikamma tau matea lalang pa'bundukang.

DANIEL 8:2

Lalang anjo paccinikku, kuciniki kalengku nia' ri propinsi Elam, ri Susan, ibukotana Persia. Ammentenga' ri ampi'na Binanga Ulai;

PAMMILANGNGANG 23:7

Nampa napaumo Bileam anne botoa angkana, “Battu ri Aram, ri moncong niaka iraya, nakioka' Balak, karaenna tu Moab, angkana, ‘Battuko mae, a'bicara untu' inakke. Tunrai anjo bansa Israel.’

PAMMILANGNGANG 24:22

Mingka ikau, tu Keni, laniancurukko, tasalloami naniangkakko ri tu Asyur salaku tunitahang.”

LAMPA-LAMPANA 2:9

Ikatte tu battua ri pa'rasangang Partia, Media, Elam; Mesopotamia, Yudea, Kapadokia, Pontus, Asia,