PA'JARIANG 10:19 - KITTA' MATANGKASA'

¹⁹ sa'genna luara'na pa'rasanganna ke'nanga iamintu appakkaramula pa'bambaeng-baenna battu ri Sidon a'lampa timboro' sa'genna Gerar, sa'genna ri ampi'na Gaza, siagang a'lampa anrai' mange ri Sodom, Gomora, Adma, siagang Zeboim, sa'genna ri ampi'na Lasa.

PA'JARIANG 10:19 ပူးပေါင်းရင်းမြစ်များ

PA'JARIANG 10:18

Arwadi, Semari, siagang Hamati. Anjo suku-suku bansa Kanaan tassiaraki sa'genna pa'rasangang bella;

PA'JARIANG 10:20

Ia ngasemmi anjo sossoranna Ham. Massing-massing bansa siagang suku ammantammi ri massing pa'rasanganna, siagang massing nia' tommo bahasa kalenna.

PA'JARIANG 14:2

A'bunduki anne ke'nanga siagang lima karaeng maraeng, iamintu: Bera battu ri Sodom, Birsya battu ri Gomora, Syinab battu ri Adma, Semeber battu ri Zeboim, siagang Karaeng Bela ia niarenga todong Zoar.

PA'JARIANG 14:3

Anjo limaya karaenga a'jari agangi siagang napasse'rei tantarana ke'nanga ri Lappara'na Sidim, ia niarenga kamma-kamma anne Tamparang Mate.

PA'JARIANG 18:20

Nampa Nakana pole Batara mae ri Abraham, “Nia' tuduhang lompo mae ri kota Sodom siagang Gomora, siagang anjo ke'nanga memang teai sipato' lompona dosana.

PA'JARIANG 20:1

A'letteki Abraham battu ri Mamre, ri bageang timboranna butta Kanaan, nampa ammantang anjoreng ri alla'na Kades siagang Syur. Siapa are wattu ribokoanganna, ri wattunna ammantang ri Gerar,

PA'JARIANG 26:1

Anjo wattua naallemi cipuru' pa'rasanganga sangkamma apa le'baka kajariang ri jammanna Abraham. Mangemi Ishak andallekang ri Abimelekh, karaeng Filistin, ri Gerar, appala' ising untu' ammantang anjoreng.

2 PATTOTTORANG 14:12

Nampa majumo Asa siagang tantara Yehuda ambunduki tantara Sudan. Nabetami Batara anjo tantara Sudan sa'genna lari kabusu'mo ke'nanga.

2 PATTOTTORANG 14:13

Majumi Asa siagang tantarana angngondangi ke'nanga sa'genna mange ri Gerar bellana. Jai sikali tantarana tu Sudan mate sa'genna tenamo kagassinganna ke'nanga lanri niancuruki ri Batara, kammayatompa jai sikalimi barang-baranna ke'nanga nirampasa' ri tantara Yehuda. Nampa naancuru' tantara Yehuda kota-kota niaka ri ampi'na daera Gerar, lanri nipa'jari malla'na pandudu'na ri Batara. Narampasaki tantara Yehuda sikontu anjo kotaya siagang sanna' jaina barang-barang nagappa ke'nanga.

AYUB 38:20

Maka akkulleko ampattantui pa'baeng-baenna sassanga siagang singaraka? Yareka ansuroi ke'nanga ammotere' punna niaki battu?

YESAYA 23:11

Naangka'mi Batara limanNa irateanna tamparanga siagang Nagulummi sikamma kakaraenganga. Assaremi parenta sollanna niancuru' sikamma benteng pattahanganna Funisia.

YESAYA 23:4

He kota Sidon, tappela'mi kalompoannu! Tenamo naakuiko tamparang lantanga, na nakana, “Tena le'baka' ammana', tena le'baka' appakalompo ana' bura'ne yareka ana' baine.”

YEREMIA 47:1

Ri tenanapa nabunduki karaeng Mesir anjo kota Gaza, a'bicarai Batara ri nakke, ri sesena pa'rasangang Filistin.

YEHEZKIEL 28:21

“He tau, tunrai kota Sidon.

HOSEA 11:8

Nakana Batara, “He Israel, tena olonu laKubalang parekang yareka Kubokoi. Maka akkulleko Kuputta sangkamma Adma? Yareka Kupakamma Zeboim? Tena naero' pa'maikKu anggaukangi anjo kammaya, lanri lompo duduna pangngaingKu mae ri kau!

LAMPA-LAMPANA 8:26

Nia'mo sitau malaeka' battu mae ri Filipus angkana, “A'lampako linta'! A'lampako timboro', ri agang battua ri Yerusalem mange ri Gaza.” Anjo aganga sinoi.

PAOLE 2:23

Butta niaka ri siapa are la'buna ri biring Tamparang Tangngaya nipammantangngi ri tu battua ri pulo Kreta. Le'baki ke'nanga naancuru' tu Awi, iamintu pandudu' uru-uruna anjo pa'rasanganga, nampa napammantangngi ke'nanga anjo daeraya sa'genna mae ri kota Gaza ri patimboro'na.)

PAOLE 32:8

Ri wattu Nabagena Kaminang Tinggia butta pisakaya, tunggala' bansaya Napattantui daerana siagang se'reang rewata a'jari makoasa.

YOSUA 19:28

Ebron, Rehob, Hamon, siagang Kana, sa'genna mange ri Sidon bellana.

HAKING-HAKING 16:1

Ri se'reang allo a'lampami Simson mae ri Gaza. Anjoreng assigappai siagang sitau baine sala. Nampa mangemo assikantinroang siagang anjo bainea.

HAKING-HAKING 6:4

Appareki kema ke'nanga ri daerana Israel na napanraki ngaseng sikontu lamung-lamunga appakkaramula ri anjo daeraya sa'genna ri timboranna Gaza. Kammayatompa olo'-olo'na tu Israel kammaya gimbala', sapi, siagang keledai nalariang ngaseng ke'nanga. Sa'genna manna apa-apa lanakanrea tu Israel tena sikalimo.

1 SAMUEL 13:18

Sipa'rappungang makaruaya a'lampa mangei ri Bet-Horon, siagang sipa'rappungang maraengannaya pole a'lampa mangei ri pa'baeng-baeng a'dalle' mangea ri Lappara' Zeboim siagang ri parang lompoa.