PA'JARIANG 1:31 - KITTA' MATANGKASA'

³¹ Naciniki ngasemmi Allata'ala sikontu anjo apa le'baka Napa'jari, siagang sannang sikalimi nyawaNa. Allalomi bangngia siagang battumi bari'basaka. Iaminjo allo makaannanga.

PA'JARIANG 1:31 ပူးပေါင်းရင်းမြစ်များ

PA'JARIANG 1:13

Allalomi bangngia nabattumo bari'basaka. Iaminjo allo makatallua.

PA'JARIANG 1:19

Allalomi bangngia nabattumo bari'basaka. Iaminjo allo makaappaka.

PA'JARIANG 1:23

Allalomi bangngia nabattumo bari'basaka. Iaminjo allo makalimaya.

PA'JARIANG 1:5

nampa Naareng anjo singaraka “Singara'” na anjo sassanga “Bangngi”. Allalomi bangngia, battumi bari'basaka. Iaminjo allo makase'rea.

PA'JARIANG 1:8

Naaremmi anjo pannahanga “Langi'”. Allalomi bangngia nabattumo bari'basaka. Iaminjo allo makaruaya.

PA'JARIANG 2:2

Ri allo makatujua nale'ba'mo Napa'jari Allata'ala anjo jama-jamanNa, nampa ammari-marimo.

PA'JARIANG 2:3

Nampa Nabarakkakimo anjo allo makatujua siagang Nasa'la'mi a'jari allo pammari-mariang, lanri iaminjo alloa Nammari-mari Allata'ala ri wattu le'ba'namo Napa'jari jama-jamanNa.

AYUB 38:7

ri wattu akkelong sikamma bintoeng bari'basaka siagang akkio' rannu sikamma apa attallasaka ri suruga?

PAMMUJI 104:24

Tamaka jaina bate paretTa, o, Batara, yangasenna Kipa'jari lanri bajitTa; rassi buttaya siagang bate paretTa.

PAMMUJI 104:28

IKatte assare, nake'nanga ampa'rappungi, iKatte ampasadiai, nangnganre ke'nanga sa'genna sukku' nakasia'.

PAMMUJI 104:31

Poro satunggu-tungguna kalompoanNa Batara! Poro rannui mae ri sikontu bate pa'jariNa!

PAMMUJI 119:68

Saba' ikatte bajikKi' siagang bajiki Kigaukanga, ajaria' ri sikamma katantuanTa.

KALAPPASSANG 20:11

Lalang wattu annang allo, iNakke, Batara, Kupa'jari buttaya, langika, tamparanga, siagang sikontu apa niaka lalang, mingka ri makatujuna alloa ammari-mariA'. Iaminjo saba'na iNakke, Batara, Kubarakkaki Allo Pammari-marianga siagang Kusa'laki untu' KalengKu.

KALAPPASSANG 31:17

Anjo alloa iami a'jari pappiu'rangi tamattappu' ri bansa Israel siagang iNakke, lanri iNakke, Batara, le'ba' ampa'jari langika siagang buttaya lalang annang allo sallona, na ri makatujuna alloa ammariMa' anjama nampa ammari-mari.”

PANGNGEBARANG 16:4

Sikontu apa Napareka Batara nia' natuju; na natujua tau ja'dalaka iamintu kapanrakang.

KATO'BA 3:11

Ia ampattantui wattu kaminang cocoka untu' sikontu apa-apaya. Ia assareki' kaerokang untu' angngassengi allo lanidallekanga, mingka tanikulleai ampahangi gau'Na Allata'ala battu ri pakaramulanna sa'genna kala'busang.

PIRAUNG 3:38

Anjo bajika siagang ja'dalaka nigaukangi lanri parentaNa bawang Batara.

PAOLE 32:4

Batara Mappasalama'nu maporea, adeleki na sukku' baji' sikontu oloanNa. Allata'alanu tamamminra pa'mai'Na na matulusu' ri nyawa, manggaukangi ri bajika na ri siratanga.

1 TIMOTIUS 4:4

Sikontu apa-apa Napa'niaka Allata'ala sikontutojenna baji' ngasengi; tena manna sirupa akkulle niharangngang punna nitarimai siagang sukkuru' battu ri Allata'ala.

1 TIMOTIUS 4:5

Nasaba' nipa'jari hallala'mi anjo apa nikanrea lanri pappala' doangang siagang barakka'Na Allata'ala.