PA'JARIANG 1:27 - KITTA' MATANGKASA'

²⁷ Kammaminjo bateNa Allata'ala ampa'jari rupataua, na Napa'jari ke'nanga sanrapang KalenNa. Napa'jarimi ke'nanga bura'ne siagang baine.

PA'JARIANG 1:27 ပူးပေါင်းရင်းမြစ်များ

PA'JARIANG 2:18

Nampa Nakana Karaeng Allata'ala, “Tabajikai taua attallasa' kale-kalenna. LappareKa' se're parekang aganna ia cocoka ri ia untu' ambantui.”

PA'JARIANG 2:7

Nampa angngalle Karaeng Allata'ala sike'de' butta, naNapare' a'jari se're tau, nampa natui' so'bolo' ka'murunna siagang nappasa' assarea katallassang; nattallasa'mo anjo taua.

PA'JARIANG 9:6

Anjo rupataua nipa'jari sangkamma iNakke; lanri kammana anjo, inai-nai ammuno rupatau, kalenna lanibuno tongi ri rupataua.

PAMMUJI 139:14

Mammujia' ri Katte saba' inakke teai sipato' hebakku! Sikontu gautTa appakalannasaki siagang tamaka lompona, sanna' kupahang tojenna anjo sikammaya.

KATO'BA 7:29

Poro iaji anne bawang kugappa: Napa'jari tubiasaki' Allata'ala siagang tena sukkara'na. Mingka kalenta tonji ampa'jari sukkaraki kalenta.

YESAYA 43:7

Saba' nikio' ngasemmi ke'nanga lalang arengKu, Kupa'jari ke'nanga untu' ampakala'birikKa'.”

YEREMIA 29:6

A'buntingko sollannu anggappa ana', siagang lappassammi a'bunting todong ana'-ana'nu sollanna angngappa todong ke'nanga ana'. Musti katambangi jainu, siagang takkulleai kurang.

MALEAKHI 2:15

Sai Allata'ala tenaya ruanna ampa'jari se'reko tubu siagang se're nyawa siagang anjo bainea? Apa ero'Na Batara lalang kammaya anjo? Tena maraeng sollannu anggappa ana'-ana' untu' a'jari umma'Na Allata'ala sitojennaya. Jari katutui kalennu, gassingka nia' ri alla'nu tamajarreka mae ri bainenna.

MATIUS 19:4

Appialimi Isa Nakana, “Maka tena ngasempa nubacai lalang ri Kittaka angkanaya ri uru nipare'na rupataua ri Allata'ala, Napareki bura'nea siagang bainea?

MARKUS 10:6

Mingka ri pakkaramulanna, ri wattu Napa'jarina Allata'ala rupataua, nipaui angkanaya, ‘Napa'jari Allata'ala ke'nanga bura'ne siagang baine.

EFESUS 2:10

Ikatte bate pare'Naki' Allata'ala; tete ri Isa Almasi, Napare' beru maki' Allata'ala, sollanna nigaukang apa-apa bajika, le'baka Napasadiangki' Allata'ala.

EFESUS 4:24

Paralluko a'jari tau beru lalang tallasa'nu, lanri le'ba'numo niberui situru' ero'Na Allata'ala; iamintu assipa' tojeng, lambusu', siagang matangkasa'.

PAOLE 4:32

Salidikimi rewasa' le'ba' allaloa, bella ri tenanapa nanulassu', appakkaramula ri allo Napa'jarina Allata'ala rupataua ri linoa anne. Boyami ri sikontu linoa. Le'bakika kajariang apa kammaya anjo heba'na rioloangannaya? Le'bakika nia' tau allangngereki kajariang kammaya anjo?

KOLOSE 1:15

Iaminjo Almasi rupa ma'nyataNa Allata'ala tenaya nakacinikang; iaminjo Almasi ana' bungasa', mala'bianganga na sikontu apa-apa nipa'niaka.

KOLOSE 1:26

iamintu biritta a'bilangngang taungamo Narahasiakang Allata'ala mae ri sikontu rupataua, mingka kamma-kamma anne Napa'nyatami mae ri umma'Na.

KOLOSE 3:10

Kamma-kamma anne le'ba' mako nisare katallassang beru. Ikau a'jari tau beru mako, tulusu' niberuia ri Mappa'jaria, iamintu Allata'ala, situru' rupa KalenNa. Pattujunna iamintu sollanna pila' sukku' nuassenna Allata'ala.

HAKING-HAKING 21:22

Punna battu manggena yareka sari'battang bura'nena antuntuki, akkulleko angkana, ‘Napalaki ikambe nakikellaimo ke'nanga ammantang ri kambe. Tenaja naalle passai ikambe lalang pa'bundukang. Na lanri tenana nupassareangi mae ri kambe anne ke'nanga, jari tenaja nanidakkai parjanjianga, jari tenaja nasala.’ ”